Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Ефреме, отче наш, / моли Христа Бога спастися душам нашим.
Кондак преподобного Ефрема Сирина
глас 2
Час присно провидя Суда,/ рыдал еси горько, Ефреме, яко любобезмолвный,/ делателен же был еси в делех учитель, преподобне./ Темже, отче всемирный, ленивыя воздвизаеши к покаянию.
Тропарь преподобного Феодосия Тотемского
глас 1
От юности, преподобне Феодосие, / желание твое ко Христу Богу вперил еси, / егоже ради град и отечество оставль / и славу суетную, яко прах вменив, / последовал еси преподобному Димитрию / и обители его сожитель был еси, / преселився ко граду Тотьме / и в междоречие вселився, / постом и бдением, и власяным одеянием, / и веригами тело твое удручил еси. / Сего ради Бог, видев твоя труды, / по преставлении твоем чудесы обогати тя: / бесы изгоняеши и слепыя просвещаеши, / от всяких недуг и бед избавляеши приходящия к тебе с верою и вопиющия: / слава Давшему ти крепость, / слава Венчавшему тя, / слава Дающему тобою всем исцеление.
Ин тропарь преподобного Феодосия Тотемского
глас 2
От мирскаго мятежа изшед,/ преподобне отче наш Феодосие,/ и в тихое пристанище достиг,/ преподобному Димитрию сожитель был еси,/ и оттуду, Божиим Духом направляемь,/ во град Тотьму преселился еси,/ и во отоцех водных обитель себе воздвигл еси,/ идеже равноангельное житие пожив,/ последовал еси Христу,/ Егоже ради власяну ризу и вериги на теле твоем носил еси./ Смирением и нищелюбием украсився,/ славу суетную презрел еси/ и отеческое имение добре расточил еси,/ молением же к Богу и слезными струями бесы посрамил еси,/ темже по успении твоем Христос даром чудес обогати тя./ Имея убо дерзновение ко Господу,/ преподобне отче наш Феодосие,/ моли Христа Бога, да спасет души наша.
Кондак преподобного Феодосия Тотемского
глас 8
Воздержанием плоть изнурил еси/ и непрестанными молитвами, яко Ангел, возвысился еси,/ струями же слезными бесовския полки погрузил еси./ И ныне во Свете невечернем ликуеши у Христа Бога/ и приходящим ко святому твоему гробу неоскудно исцеление подаеши,/ верою вопиющим тебе:/ радуйся, отче Феодосие Богомудре.
Тропарь преподобного Ефрема Новоторжского
глас 1
Божественною свыше благодатию просветився, Богомудре, / и по смерти яви тя светлость жития твоего, / темже источаеши мирови благоухание, / иже с верою притекающим к раце мощей твоих, Ефреме преподобне. / Тем вопием ти: / слава Давшему ти чудесем благодать, / слава Прославльшему тя в чудесех, / слава Действующему тобою всем исцеления.
Тропарь преподобного Ефрема
глас 1
Божественною свыше просветися благодатию, преподобне,/ многим терпением во временной жизни подвиг совершил еси./ Темже источаеши чудес благодать/ всем, с верою приходящим к мощем твоим, Ефреме преблаженне./ Сего ради зовем:/ слава Давшему ти крепость,/ слава Венчавшему тя,/ слава Действующему тобою всем исцеления.
Яко Богоявленная Российская звезда,/ днесь сияя чудесы, явился еси, преподобне отче Ефреме./ Тем не престай моляся о стаде своем,/ сохраняли отечество твое, град же и люди,/ иже тебе верою почитающих/ и к честным мощем твоим усердно притекающих,/ да велегласно тебе вопием:/ радуйся, Богомудре Ефреме, отче наш.
Церкви Православной Российской по желанию Бргоноснаго Феодосия устав Студийский принесшаго,/ во святйтелех же светло просиявшаго/ и стадо свое добре упасшаго,/ восхваляем тя, Ефреме,/ яко молящася Господеви о всех нас.
Святитель Феофан Затворник. Мысли на каждый день года
"И ныне еще говорит Господь: обратитесь ко Мне всем сердцем своим в посте, плаче и рыдании. Раздирайте сердца ваши, а не одежды ваши и обратитесь к Господу Богу вашему; ибо Он благ и милосерд, долготерпелив и многомилостив. Вострубите трубою, назначьте пост и объявите торжественное собрание. . . пусть выйдет жених из чертога своего и невеста из своей горницы. . . да плачут священники, служители Господни, и говорят: "пощади, Господи, народ Твой" (Иоиль. 2, 12-17). Кто слышит ныне глас этот, раздающийся в церкви? Если бы с неба на площадях раздался громовой голос: "пощадите, люди, себя самих, да пощадит и вас Господь", может быть кто-нибудь и услышал бы его и очнулся от упоения утехами, похотями и вином. Священники не перестают взывать: "пощади Господи"! Но от Господа верно исходит грозный ответ: "не пощажу, ибо нет ищущих пощады". Все спиною стоят к Господу, отвратились от Него и забыли Его.
Архив
RSS
Карта сайта
Православие.Ru
Поместные Церкви
Православный Календарь
English version
ПРАВОСЛАВНЫЙ КАЛЕНДАРЬ » Календарь
Прп. 
Прп. 
