Мученик Твой, Господи, Каллиник/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.
Кондак мученика Каллиника
глас 2
Горняя красная достойно ныне наследовал еси,/ Христовою бо зело любовию разжегся,/ на огнь, Каллиниче, тем мужественно дерзнул еси,/ Емуже и ныне предстоя,// не престай моля о всех нас.
Тропарь преподобных Константина и Космы Косинских, Старорусских
глас 3
Яко великаго во отцех Варлаама ученик,/ прехвальне Константине,/ и сам чадо послушания, блаженнаго Косму, возрастил еси,/ темже, преподобнии, вкупе Престолу Владычню ныне предстоящии,/ молитвами вашими в вере Православней нас утвердите,/ в послушании Церкви Святей укрепите/ и вся полезная душам нашим испросите.
Тропарь мученицы Серафимы
глас 8
Невесто Христова возлюбленная, Серафиме,/ наследнице Царствия Небеснаго,/ добре за Господа пострадавшая/ и кровию твоею обагренная/ и, аки царскою багряницею, украшенная,/ поминай нас, совершающих святую память твою.
Кондак мученицы Серафимы
глас 2
Серафимскою любовию Господа возлюбила еси,/ святая дево Серафиме,/ и всю себе за Господа на мучение предаде,/ дондеже достигла еси Царствия Небеснаго.
Тропарь новомучеников и исповедников иеромонахов Серафима и Феогноста, в земле Казахской просиявших
глас 1
Любве ради Христовы отечество свое оставльше, вся мира сего красная, яко скороисчезающая, презревше, горняго Иерусалима взыскующе, на горах Тянь-Шаня в подвизех благочестия Святую Троицу прославили есте. И венцами добропобеднаго мученичества украсившеся, граду Алма-Ате богодарованнии покровителие явилися есте, преподобномученицы Серафиме и Феогносте, Православия мужественнии исповедницы. Темже и мы, духовная чада ваша, любовию вопием: Слава Давшему вам крепость, Слава Венчавшему вас, Слава Подающему вами милости и исцеления.
Кондак новомучеников и исповедников иеромонахов Серафима и Феогноста, в земле Казахской просиявших
глас 2
Благое иго Христово на себе восприемше и легкое бремя Его любовию облобызавше, житием своим Агнца Божия проповедавше, за истину, радующеся, пострадали есте, и в покой Небесный прешедше, с лики святых Престолу Божию предстоите, преподобномученицы Серафиме и Феогносте, граду Алма-Ате испросите мира и всем чтущым вас велию милость.
Святитель Феофан Затворник. Мысли на каждый день года
(2 Кор. 6, 11-16; Мк. 1, 23-28). Бес славил Спасителя, а Спаситель сказал ему: "замолчи и выйди из него". Бесы никогда ничего не говорят и не делают с доброю целью: всегда у них что-нибудь злое в виду. Так было и здесь. Господь, не обличая козней их, одним словом решил: замолчи и выйди. Не хотел Он долго вести речи с лукавым духом. Тут нам урок. Мало-мало что хорошенькое удастся кому сделать, тотчас подседает бес, и начинает трубить в уши: ты такой и такой. Не слушай и не входи в разговор с этим льстецом, а сразу наотрез скажи: "замолчи и выйди"; и след его провей воздыханием и самоукорением, и место его окади сокрушенною молитвою. Он хочет породить самомнение и самочувствие, и из них потом раздуть самовосхваление и тщеславие, - все такие помыслы и чувства, которые в духовной жизни то же, что воры в житейском быту. Как эти, забравшись в дом, обирают добро хозяйское, так и те своим укоренением в душе все доброе в ней уничтожают и вон извергают, так что ничего уже не остается, за что потом похвалил бы Господь.
Архив
RSS
Карта сайта
Православие.Ru
Поместные Церкви
Православный Календарь
English version
ПРАВОСЛАВНЫЙ КАЛЕНДАРЬ » Календарь
Мч. 
