Умертвив плотския похоти многим воздержанием/ и копанием гробов святым,/ присно, аки мертв, в пещере живя,/ мертвыя повелением своим воздвизал еси,/ Марко прехвальне,/ мертви и наша мудрования плотская/ и настави нас на течение добродетелей,/ моля о нас Единаго Человеколюбца.

Врача изрядна и чудотворца любовию, вернии, ублажим, просяще его:/ да молитвами своими уврачует наша страсти, душевныя и телесныя,/ имать бо на сие благодать от Бога,/ и прогонит духи лукавыя от всех, верно ко гробу его притекающих и зовущих:/ радуйся, Марко, целителю немощей наших.

Яко звезда, красно сияя,/ от Ефеса провозсиял еси нам, всеблаженне, постижно,/ и добродетельми возгремел еси,/ наставник иноком многим быв, преподобие,/ того ради и царствующий град просветил еси,/ и сего ради вопием ти:/ радуйся, отче всеблаженне Маркелле.

В Вифлееме рождшуся Царю, волсви от Персиды с дары приходят,/ звездою свыше наставляеми,/ но Ирод смущается и пожинает младенцы, яко пшеницу,/ и рыдает себе,/ яко держава его вскоре разорится.