Идольския лести упразднил еси, Антипо,/ и, диавольскую поправ силу,/ пред богоборцы дерзновенно Христа исповедал еси./ Темже со Ангельскими чины в Вышних водворяяся,/ Владыце всех славословие принося,/ и о нас молебное благодарение предлагаеши,/ благодать цельбы даруя./ Сего ради тя чтим,/ священномучениче Антипо,/ моли Христа Бога,// да спасет души наша.
Кондак священномученика Антипы
глас 4
Апостолов сопрестольник и святителей украшение/ был еси, блаженне,/ мученически прославився,/ возсиял еси, якоже солнце, всех просвещая,/ Антипо священне,/ разрушил еси безбожия нощь глубокую./ Сего ради тя почитаем,/ яко Божественнаго суща священомученика// и целеб подателя.
Тропарь святителя Варсонофия, епископа Тверского
глас 3
Возвестителю пути спасительного,/ истинный хранителю апостольских преданий,/ столпе непоколебимый, благочестия учителю/ и Православия наставниче, святителю Варсонофие,/ Владыку всех моли/ мир вселенней даровати/ и душам нашим велию милость.
Ин тропарь святителя Варсонофия, епископа Тверского
глас 4
Тихостию нрава направляемый,/ святителю Варсонофие,/ в тихое пристанище достигл еси,/ смиренномудрия ради удобно избежав сопротивных сетей,/ святою душею твоею на Небеса возлетел еси,/ идеже Христу предстоя,/ моли спастися нам, почитающим память твою.
Ин тропарь святителя Варсонофия, епископа Тверского
глас 8
По Божием законе ревнителю,/ лютый разрушителю неприязненный лести,/ яко миром, потом своим во трудех и бдениих подвизася/ посреде Казанскаго царствия,/ обитель строя боголепнаго Преображения/ и великому своему учителю Гурию последуя,/ с нимже великий союз имея духовный,/ якоже в животе, такоже и по преставлении:/ обретением честных мощей ваших во едино время/ и многими чудесы вас Бог прослави;/ и, радостию восходя в Небесныя обители,/ твердый камене веры,/ от иноплеменник многи скорби претерпел еси,/ добрый вводниче в вечную жизнь,/ в ню же, молим тя, введи ны,/ преподобне отче наш Варсонофие,/ и моли Христа Бога спастися душам нашим.
Кондак святителя Варсонофия
глас 6
Воздержанием тело духу поработив,/ душу же равноангельну сотворил еси,/ сего ради святительства саном почется,/ чисте Чистейшему предстоиши./ Моли Христа Бога, святителю,/ спасти люди твоя, святе,/ да вси вопием ти:/ радуйся, отче преподобне Варсонофие,// граду нашему Казани похвала и утверждение.
Ин кондак святителя Варсонофия, епископа Тверского
глас 5
Якоже звезда всесветлая, добродетельми сияющи, был еси,/ обогатив себе молитвою, и постом,/ и тело свое веригами удручая,/ в полоне же от иноплеменник много пострадал еси./ Непоколебим верою многая лета,/ Ангелом купно соединим,/ бесовская ополчения огорчавшие./ Последуя безмездником Косме и Дамиану,/ врачебною хитростию многий исцелил еси./ Темже ныне честное и боготрудное тело твое,/ от земленых недр обретенное,/ чудесы Господь прослави,/ исцелявши бо многонедужныя не токмо у гроба,/ но и от честных вериг/ подавши неоскудно целебныя дары приходящим с верою.
Небеснаго желая,/ земная возненавидел еси/ и, взем крест свой, последовал еси Христу/ и от Него прием дарования чудес,/ исцеляти недужныя;/ но, яко имея дерзновение ко Святей Троице,/ испроси православным Христианом здравие и спасение,/ на враги же победу/ и не забуди, посещая чад своих,/ припадающих к цельбоносному гробу твоему,/ Иакове, преподобне отче наш.
Кондак преподобного Иакова Железноборовского
глас 8
Сердечная очи, досточудне, ко Господу вперив/ и телесныя страсти из корене исторгая,/ неболезненную жизнь в болезнех восприял еси, преподобне,/ болезнем же лютым даеши исцеление просящим с верою у тебе,/ темже молим тя, досточудне,/ исцели наша болезни душевныя и телесныя, да зовем ти:/ радуйся, Иакове Богомудре, отче наш.
Кондак преподобного Иоанна
глас 4
Воздержанием, отче, житие украсив,/ и плоть умертвил еси,/ темже и победил еси вражия прилоги, преблаженне,/ и прешел еси к Богу/ в безскорбный и вечный живот,/ яко достоин наследник, Иоанне,// Емуже молися спастися нам.
Святитель Феофан Затворник. Мысли на каждый день года
П а с х а , Г о с п о д н я П а с х а ! От смерти к жизни привел нас Господь Своим Воскресением. И вот Воскресение это "ангелы поют на небеси". увидев светлость обоженного естества человеческого в предопределенной ему славе, в лице Господа Искупителя, во образе коего, силою Воскресения Его, имели претвориться все истинно верующие в Него и прилепляющиеся к Нему вседушно. Слава Господи, преславному Воскресению Твоему! Ангелы поют, сорадуясь нам и предзря восполнение сонма своего; нас же сподоби, Господи, Тебя Воскресшего чистым сердцем славить, видя в Воскресении Твоем пресечение снедающего нас тления, засеменение новой жизни пресветлой и зарю будущей вечной славы, в которую Предтечею вошел Ты Воскресением нас ради. Не человеческие только, но вместе и ангельские языки не сильны изъяснить неизреченную Твою к нам милость, преславно Воскресший Господи!
Архив
RSS
Карта сайта
Православие.Ru
Поместные Церкви
Православный Календарь
English version
ПРАВОСЛАВНЫЙ КАЛЕНДАРЬ » Календарь
Светлое Христово Воскресение. Пасха. 
Сщмч. 
