Тропари святителям. Иоанн Суздальский и Нижегородский, еп..

Дни памяти:  Август 20,  Октябрь 15

Иоанн Суздальский

Тропарь Иоанну, еп. Суздальскому

Управляя Церковь Божию Собор­ную и Апостольскую, /
соблюдая заповеди Божия, /
вельми добре упас стадо словесных овец; /
зломысленным церков­ником молитвою своею прозрети повеле, /
и научи, якоже прежде святый Леонтий, /
поспешник спасению Русския земли, учитель Ростовский, /
прежде связа и паки благослови; /
тако святый епископ Суждальский, /
напастем, притекающим к тебе, избавниче, чудотворче Иоанне, /
моли Христа Бога спастися душам нашим.

Тропарь Иоанну и Феодору, епп. Суздальским

Яко апостолом единонравных учителей Суждальския страны, /
и целителей душ и телес премудрых, /
и служителей Богу благоприятных, /
к ракам честных мощей ваших притекающе, /
ублажаем вас, святителие Богоблаженнии, Феодоре и Иоанне, /
в песнех же и пениих, радующеся, славим Христа, /
даровавшаго вам благодать исцелений /
и граду нашему Суждалю великое в вас утверждение.

[Жития] [Иконы] [Молитвы] [Храмы] [Святыни]