Тропари святителям. Святитель Митрофан, епископ Воронежский..

Дни памяти:  Август 7,  Июль 19,  Ноябрь 23,  Сентябрь 4

Святитель Митрофан Воронежский

Тропарь Димитрию, митр. Ростовскому, Митрофану и Тихону, епп. Воронежским

Яко же древле на Востоцех трие велицыи святителие, /
сильный словом Василий, /
глубина Богословия Григорий и Златоустый Иоанн, /
тако и днесь в стране полунощней /
три новоявленная светила веры на тверди церковней востекоша: /
столп веры Митрофан, /
слово истины в лице царю исповедавый, /
и обличитель раскола Димитрий, /
мечем обоюду острым вся козни его рассекий, /
и помазания полный сосуд Тихон, /
тихостию словес своих грешника к покаянию призвавый. /
О велицыи трие святителие земли Российския, /
молите Христа Бога, Емуже угодни бысте, /
спастися душам нашим.

Тропарь Митрофану, еп. Воронежскому

Правило веры и образ кротости /
словом и житием пастве твоей, отче смиренномудро Митрофане, был еси. /
Темже и во светлостех святых /
солнца светлейше возсиял еси, /
венцем нетления и славы украшаемь, /
моли Христа Бога /
стране нашей и граду твоему в мире спастися.

[Жития] [Иконы] [Молитвы] [Храмы] [Святыни]