Святитель Гурий, архиепископ Казанский Молитвы

Дни памяти:  Декабрь 5,  Июнь 20,  Октябрь 4

Гурий Казанский

Тропарь Гурию, архиеп. Казанскому

Правило веры и образ целомудрия, /
учителя добрых дел /
и наставника спасения даде тя Господь /
новопросвещенному граду Казани, /
в немже приобрел еси новыя от язык люди /
и привел еси я Христови. /
Сего ради в память твою радостно сошедшеся, /
честне празднуем святое твое успение, /
ты же, отче наш, святителю Христов Гурие, /
моли Христа Бога /
спастися душам нашим.

Тропарь Гурию, архиеп. Казанскому и Варсонофию, еп. Тверскому (Обретение мощей)

Первии учителие прежде темному, /
ныне же светлому и новопросвещенному граду Казани, /
первии возвестителие пути спасительнаго, /
истиннии хранителие апостольских преданий, /
столпи непоколебимии, благочестия учителие /
и Православия наставницы, Гурие и Варсонофие, /
Владыку всех молите /
мир вселенней даровати и душам нашим велию милость.

Тропарь Перенесение мощей

Яко крин благовонный, /
мироточивыя твоя мощи /
от вертограда Церкве Спасовы /
в вертоград Церкве Богородичны честне принесошася, /
святителю Гурие, /
яко же бо дар честен, /
тя даровав Христос Пречистей Матери Своей, /
и исполнися храм Ея святый благоухания твоего, /
и возрадовася архиерейский престол, /
приемый тя, первоседателя своего. /
Возвеселися же собор верных со святителем и священноначальники /
о преславном цельбоносных твоих мощей пренесении, /
еже мы радостно празднующе, молим тя, /
угодниче Божий: /
моли Христа Бога /
подати душам нашим мир и велию милость.

[Жития] [Иконы] [Молитвы] [Храмы] [Святыни]