Обретение мощей святых мучеников во Евгении

Крепцыи веры столпи, добропобеднии мученицы,/ за Христа подъемше различныя муки,/ и на лета многа сокровени бысте,/ и ныне явистеся яко многоценное богатство,/ и в Церковь Божию честно носими архиерея Божия дланьми,/ просящим раздаваете, еже на пользу.// Тем молитеся о душах наших.

Мученицы Твои, Господи,/ во страданиях своих венцы пришла нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.

От земли возсиявше яко светила правды,/ нечестия всю отразисте мглу/ и верных просвещаете,/ мученицы Божественнии,/ Троицы поборницы.