Никита Готфский, Константинопольский, вмч.

Мученик Твой, Господи, Никита/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Прелести посек державу стоянием твоим/ и победы приим венец во страдальчествех твоих,/ со Ангелы, славне, радуешися,/ Никито тезоименитe,// с ними Христа Бога моля непрестанно о всех нас.

Крест Христов яко некое оружие усердно восприим, и к борению врагов притекл еси,/ и за Христа пострадав, последи огнем священную твою душу Господу предал еси,/ отонудуже и даров исцеления от Него сподобился еси прияти,/ великомучениче Никите./ Моли Христа Бога, спастися душам нашым.