Святитель Никифор, I Патриарх Константинопольский

Лик патриаршеский святую твою память/ хвалами и песньми, Никифоре, чествует,/ в преложении бо прият душу твою, славне./ Тем днесь честная Церковь, величающи Христа Царя,// славит Единаго Человеколюбца.

Правило веры и образ кротости,/ воздержания учителя/ яви тя стаду твоему/ Яже вещей Истина:/ сего ради стяжал еси смирением высокая,/ нищетою богатая,/ отче Никифоре,/ моли Христа Бога// спастися душам нашим.

Иже первороднаго Царства отец,/ правоверный службы истинный пастырь бысть, преподобне,/ Царя града, Церкви всех матере явися светильник, Никифоре,/ моли Христа Бога,/ да спасет души наша.

Победы венец с Небесе,/ о Никифоре преславне,/ яко прием от Бога,/ спасай верою почитающия тя,// яко священноначальника Христова и учителя.