Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Преподобный Нил Сорский

День памяти: 7 мая

Иконы

Жития

  • Преподобный Нил Сорский
  • Преподобный Нил Сорский
  • Молитвы


    Тропарь преподобного Нила Сорского
    глас 4
    Удалився бегая Давидски мира,/ и вся яже в нем яко уметы вменив,/ и в месте безмолвне вселився,/ духовныя радости исполнился еси, отче наш Ниле:/ и Единому Богу изволив служити,/ процвел еси яко финикс,/ и яко лоза благоплодна умножил еси чада пустыни./ Темже благодарственно вопием:/ слава Укрепившему тя в подвизе пустынножительства,/ слава Избравшему тя в России отшельником уставоположника изрядна,/ слава молитвами твоими и нас Спасающем.
    Ин тропарь преподобного Нила Сорского
    глас 1
    Мирскаго жития отвергся/ и мятежа житейскаго бегая,/ преподобне и Богоносне отче наш Ниле,/ не обленился еси собрати цветы райския от писаний отеческих/ и, в пустыню вселився,/ процвел еси, яко крин сельныи,/ отонюду же прешел еси и в Небесныя обители;/ научи и нас, честно почитающих тя,/ твоим царским путем шествовати/ и молися о душах наших.
    Кондак преподобного Нила Сорского
    глас 8
    Любве ради Христовы удалився мирских смущений,/ радостною душею вселился еси в пустыни,/ в нейже подвизався добре,/ яко Ангел на земли, отче Ниле, пожил еси:/ бдением бо и постом тело свое изнурил еси вечныя ради жизни./ Еяже ныне сподобився,/ во свете неизреченныя радости Пресвятей Троице со святыми предстоя,/ моли, молимтися, припадающе, чада твоя,/ сохранитися нам от всякаго навета и злых обстояний/ видимых и невидимых враг/ и спастися душам нашим.
    Ин кондак преподобного Нила Сорского
    глас 3
    Терпя, потерпел еси суетныя обычаи/ и мирския нравы братии твоих,/ обрел еси пустынное безмолвие, преподобне отче,/ идеже постом, бдением и непрестанною молитвою в трудех подвизався,/ ученьми твоими правыя стези указал еси нам/ шествовати ко Господу./ Темже и почитаем тя, всеблаженне Ниле.
    Молитва преподобному Нилу Сорскому
    О преподобне и богоблаженне отче Ниле, богомудрый наставниче и учителю наш! Ты любве ради Божия удаляяся мирских смущений, в непроходней пустыне и в дебрях изволил еси вселитися и яко лоза благоплодна, умножив чада пустыни, явил еси себе им словом, писанием и житием образ всякия иноческия добродетели, и, яко Ангел во плоти пожив на земли, ныне в селениих небесных, идеже празднующих глас непрестанный, водворяешися и, с лики святых Богу предстоя, Тому хвалы и славословия непрестанно приносиши. Молим тя, богоблаженне, настави и нас, жительствующих под кровом твоим, непреткновенно ходити по стопам твоим: любити Господа Бога всем сердцем своим, Того единаго вожделети и о Том едином помышляти, мужественно же и благоискусно пратися с долу влекущими нас помыслы и прилоги вражиими и тех всегда побеждати; возлюбити всякую тесноту монашескаго жития и возненавидити красная мира сего любве ради Христовы и насадити в сердцах своих всякую добродетель, в нейже сам потрудился еси. Моли Христа Бога, да и всем православным христианом, в мире живущим, просветит ум и очи сердечныя, еже ко спасению, утвердит их в вере и благочестии и в делании заповедей Своих, сохранит от лести мира сего и дарует им и нам оставление грехов и к сим приложит, по неложному обетованию Своему, и вся потребная нам ко временному животу. Да в пустыне и в мире жительствующе, тихое и безмолвное житие поживем во всяком благочестии и чистоте и Того усты и сердцем прославим купно со Безначальным Его Отцем, и Пресвятым и Благим и Животворящим Его Духом всегда, ныне и присно, и во веки веков. Аминь.

    Сайты приходов:

    Храм Нила Столобенского дер. Борисоглебское (Вяземская епархия)
    Храм прп. Нила Сорского с. Ферапонтово (Вологодская епархия)
    Нило-Сорская пустынь пос. Пустынь (Вологодская епархия)

    Статьи на Православие.Ru

    «Скитского жития начальник»

    Побежденный духом гордости сам для себя и бес, и враг и в себе самом носит готовую для себя погибель.

    О том, как в скиту преподобного Нила Сорского на Аляске живут православные американки

    Ритм жизни скита сложился в соответствии с временами года и трудностями жизни в отдаленном, пустынном месте.

    О духовных «содругах» – преподобных Иосифе Волоцком и Ниле Сорском

    Диакон Георгий Малков

    Оба направления в древнерусском иночестве (условно говоря – Иосифа Волоцкого и Нила Сорского) выражали две стороны в целом единой позиции Русской Церкви в ее отношении к миру – одновременного признания необходимости углубленной молитвы о нем (как важнейшей задачи православного иночества) и деятельной заботы о его реальных (духовных и даже материальных) нуждах. Недаром оба преподобных – и Иосиф, и Нил – всегда равно почитались всей православной Россией.
    © ПРАВОСЛАВИЕ.RU