Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2017


Рейтинг@Mail.ru


Святитель Нифонт Печерский, Новгородский, епископ

Дни памяти: 8 апреля, 28 сентября (Печер.(Б))

Молитвы


Тропарь святителя Нифонта, епископа Новгородского
глас 3
Яко сый нравом православных/ Восточныя Церкве преданий истинный защитник,/ сподобился еси великаго во отцех Феодосия/ видети по смерти яко жива,/ возвещающа тебе Царствия Небеснаго наследие,/ егоже неизреченных доброт/ ныне с ним неразлучно наслаждаяся,/ моли и о нас, чадех своих, Нифонте прехвальне.
Ин тропарь святителя Нифонта, епископа Нивгородского
глас 4
От мирскаго мятежа из младых ногтей/ исшед в тихое пристанище,/ честный обители Печерския достигл еси/ и, тамо ярем Христов восприим на ся,/ равно Ангелом житие поживе,/ отнюду же пришед, святителю Христов Нифонте, в великий Новград,/ и архиерейский престол восприял еси/ и многи люди учением своим ко Христу привел еси,/ Егоже моли, святителю преподобне, спастися душам нашим.
Кондак святителя Нифонта, епископа Новгородского
глас 5
Ревности древних отец/ в твердом истинных догмат хранении подобней,/ крепкоумне Нифонте,/ не восхотел еси восхитившему самовольне престол Митрополии Климу сослужитель быти,/ избранному же на се от всех, покорен,/ священнолепне с ним служил еси/ и, жизнь свою скончав,/ обрел еси безконечное Царство Христово.
Ин кондак святителя Нифонта, епископа Новгородского
глас 8
Возложив себе от юности Богу, преподобне,/ мир тленных нивочтоже вменив/ и паче всех Христа возлюбив,/ Тому от всея души любовию последовал еси/ и, яко светозарное солнце,/ от Киева просил во вся концы Русский земли добродетелию,/ и бысть пастырь великому Новуграду,/ и, добре упас стадо Христово словесных овец на пажитех духовных,/ к Богу отшел еси,/ и ныне со Ангелы Владычню Престолу предстоя,/ нас поминай, раб своих, да зовем ти:/ радуйся, отче Нифонте,/ святителем изрядная похвало.
© ПРАВОСЛАВИЕ.RU