Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Преподобный Симеон Мироточивый, царь Сербский

Дни памяти: 13 февраля, 30 августа (Серб.)

Иконы

Жития

  • Преподобный Симеон Мироточивый, царь Сербский
  • Преподобный Симеон Мироточивый (Великий жупан Стефан)
  • Молитвы


    Тропарь преподобного Стефана, в иночестве Симеона, царя Сербского, мироточивого
    глас 3
    Божественною благодатию просветився,/ и по смерти показуеши светлость жития твоего,/ источаеши бо миро благоухания/ притекающим к раце мощей твоих,/ и люди твоя наставил еси к свету Богоразумия,/ Симеоне отче наш,/ Христа Бога моли/ даровати нам велию милость.
    Тропарь общий преподобных Симеона Мироточиваго и сына его, святителя Саввы Перваго, архиепископа Сербскаго
    глас 1
    Обители Хиландарския священных строителей / и Афона светильники, Сербии похвалу, / Симеона величайшаго, преподобных лепоту, / и род его чудный, святителя, - глаголю,- Савву,/ приидите согласно почтим, глаголя: / молите Христа Бога / о пастве вашей, блаженнии,/ и о еже Церкви свободней быти от обстояний.
    Тропарь общий преподобных Симеона Мироточиваго и сына его, святителя Саввы Перваго, архиепископа Сербскаго
    глас 1
    Иже теплыя заступники в скорбех и напастех имуще, / Симеона Богоноснаго и Савву первосвятителя,/ припадем к нима с верою,/ яко да молитвами их от напастей избавляеми,/ по долгу благоверно Спаса и Бога прославим, глаголюще: / слава Давшему вам крепость,/ слава Прославльшему вы чудесы,/ слава Избавлыпему нас от скорбей молитвами вашими.
    Кондак преподобного Стефана, в иночестве Симеона, царя Сербского, мироточивого
    глас 6
    Ангельское возлюбив на земли житие,/ миродержание и мир оставив,/ пощением Христу, Симеоне, последовал еси,/ к Немуже любящих тя апостольски наставил еси, вопия:/ возлюбите Бога, якоже Он возлюби нас.
    Кондак общий преподобных Симеона Мироточиваго и сына его, святителя Саввы Перваго, архиепископа Сербскаго
    Горнюю жизнь возлюбивше, славнии,/ жизнь сущую на земли презресте./ Сего ради в вышних со Ангелы всегда ликующе,/ молите о всех нас.
    Ин кондак преподобного Стефана, в иночестве Симеона, царя Сербского, мироточивого
    глас 2
    Иго Христово прием, Симеоне,/ и, Того Крест взем, последовал Ему, / насажден в дому Господнем, процвете, яко финике, / якоже кедр, иже в Ливане, умножил еси чада твоя,/ муж желаний духовных, чудотворец бо явися,/ Христа Бога моли непрестанно о всех нас.
    Ин кондак общий преподобных Симеона Мироточиваго и сына его, святителя Саввы Перваго, архиепископа Сербскаго
    Днесь Симеон с Саввою, блаженнии, в дусе пришедше,/ спасают от обстояний паству их:/ сии бо Троицу проповедаша Единаго Бога,/ Церкве явишася утверждение,/ в преподобных Мироточивый и во святых чудотворец:/ сии бо и во бранех необоримии защитницы ноказашася,/ Афона похвала и народа Сербскаго крепость.

    Сайты приходов:

    Монастырь Студеница с. Брезова (Жичская епархия)
    Храм Симеона Мироточивого г. Белград Епархия не указана

    Статьи на Православие.Ru

    © ПРАВОСЛАВИЕ.RU