Тропарь преподобного Трифона, архимандрита Вятского, чудотворца глас 4 От земных на Небесная помыслив,/ иноческое житие измлада, преподобне, возлюбив,/ и делом совершив ко Господу любовь,/ и твердым умом Его Духновенным учением озаряя мир,/ и, возлюбив, блаженне, всенощное бдение/ и молитву непрестанну, и наставления Божественнаго разума,/ инок стадо собра, мудре,/ и наставил еси ко свету Богоразумия, Трифоне отче наш,/ Христа Бога моли даровати душам нашим велию милость.
|
Ин тропарь преподобного Трифона, архимандрита Вятского глас 4 Яко светозарная звезда,/ возсиял еси от востока до запада,/ оставль бо свое отечество,/ дошел еси Вятския страны и Богоспасаемаго града Хлынова,/ в немже обитель во славу Пресвятыя Богородицы создав, / , тамо на добродетель вперився,/ собрал еси иночествующих множество,/ и, сих наставляя на путь спасения,/ был еси Ангелом собеседник,/ и постником сопричастник, Трифоне преподобне,/ с ними Христа Бога моли спастися душам нашим.
|
Кондак преподобного Трифона, архимандрита Вятского глас 8 Днесь в начале основания добродетелем, блаженне,/ положил еси в души своей страх Божий,/ от юности взем крест свой,/ благочестно Христови последовал еси,/ Ангельским образом облечеся и бысть монах предивен,/ в добро детелех цветяше, к будущим Богови простирался./ И своей плоти, яко врагу, немилостив, отче, был еси,/ терпением явися, блаженне, яко злато искушено в горниле,/ но и ныне не забуди посещати чад своих,/ поминай нас, чтущих пресвятую память твою,/ да вси благодарив вопием ти:/ радуйся, премудре Трифоне, наставниче монахом.
|
Кондак преподобного Трифона, архимандрита Вятского глас 2 Волнений множество невлажно преходя,/ безплотныя враги струями слез твоих крепко погрузил еси,/ Богомудре Трифоне,/ и чудес дар прием,/ моли непрестанно о всех нас.
|
Православие.Ru
Поместные Церкви
English
Српска
