Ксения (в миру Евсевия) Миласская, диакониса

В тебе, мати, известно спасеся, еже по образу:/ приимши бо крест, последовала еси Христу/ и, деющи, учила еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобная Ксение, дух твой.

Твою страннонравную, Ксение, память совершающе,/ любовию почитающии тя, поем Христа,/ во всех тебе подающаго крепость исцелений,// Емуже всегда молися о всех нас.

Иже во святых святая/ Христа Преблагаго всем сердцем возлюбила еси, Богомудрая Ксение славная,/ того ради омерзила еси мирскую сладость./ Крест же Его вземши честный,/ возлюби пети присно: аллилуйя.