Апостол от 70-ти Архипп

Учениче Павлов и апостоле Христов, Архиппе,/ Евангелия провозвестниче и Колоссаев учителю,/ каменное побиение приемый,/ аки драгоценное украшение,/ имже венец мучения украсив, вшел еси на веселие Царствия,/ идеже помяни нас поющих твою память,/ апостолов сопрестольниче.

Яко звезду великую, тя Церковь имущи, Архиппе,/ чудес твоих лучами просвещаема, зовет тебе:/ спаси верою почитающия память твою.

Апостоли святии,/ молите милостиваго Бога,/ да прегрешений оставление// подаст душам нашим.

Яко звезды всесветлыя, просвещающия концы,/ апостолы Христовы восхвалим,/ Филимона славнаго, и Архиппа священнаго,/ и Онисима, и Марка, и Аполлоса,/ с нимиже и Апфию всемудрую, вопиюще:// молите непрестанно о всех нас.