Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2016


Рейтинг@Mail.ru


Благоверный князь Борис

Дни памяти:  2 мая  ,  24 июля  

Иконы

Жития

  • Перенесение мощей святых страстотерпцев, Российских князей Бориса и Глеба
  • Святые благоверные князья-страстотерпцы Борис и Глеб
  • Молитвы

    2 мая
    Тропарь благоверных князей Бориса и Глеба
    глас 4
    Днесь церковная разширяются недра,/ приемлющи богатство Божия благодати,/ веселятся русстии собори,/ видяще преславная чудеса,/ яже творите приходящим к вам верою,/ святии чудотворцы Борисе и Глебе,// молите Христа Бога, да спасет души наша.
    Ин тропарь благоверных князей страстотерпцев Бориса и Глеба
    глас 2
    Пречестнии, и целомудреннии, и незлобивии страстотерпцы,/ Романе славный и Давиде чудный,/ иго бо Господне евангельски на рамо вземше,/ последовасте Христу/ и, крест Его, яко скипетр, в руку имуще,/ врага брата и злаго властолюбца соодолесте,/ и той ныне в геенне мучится,/ вы же радуетеся, с лики ангельскими предстояще Святей Троице,/ молитеся о державе сродник ваших, благоугодней быти,/ и сыновом русским спастися.
    Ин тропарь благоверных князей страстотерпцев Бориса и Глеба
    глас 4
    Мученицы Господни спасшиися,/ преславнии блаженнии князи Борисе и Глебе,/ труждающимся быстрии помощницы,/ недужным целители,/ вы бо болезни врачуете/ притекающих в церковь с верою./ Темже и мы молимся:/ от бед избавите нас,/ чтущих с любовию пренесение мощей ваших.
    Ин тропарь благоверных князей страстотерпцев Бориса и Глеба
    глас 8
    Днесь всякая душа верных веселится,/ в пренесение честных мощей ваших, Борисе и Глебе,/ слепыя просвещаете, немым уста отверзаете и печальных утешаете,/ прияли бо есте от Христа Бога благодать исцелений,/ молитеся о душах наших.
    Кондак благоверных князей Бориса и Глеба
    глас 4
    Явися днесь в стране Русстей/ благодать исцеления/ всем, к вам, блаженнии,/ приходящим и вопиющим:// радуйтеся, заступницы теплии.
    Ин кондак благоверных князей страстотерпцев Бориса и Глеба
    глас 3
    Приидите, вси русстии собори,/ чудотворцев и мучеников Бориса и Глеба восхвалим,/ законно бо пострадавше,/ победисте сопротивнаго врага,/ тем святым заступлением князи русстии враги побеждают,/ тем память ею весело и любовию похвалим, вопиюще:/ за ны молите Святую Троицу,/ умирити мир и спасти души наша.
    Ин кондак благоверных князей страстотерпцев Бориса и Глеба
    глас 4
    От гроба знамения показасте во стране Русстей,/ явися днесь благодать исцеления/ всем, к вам, страстотерпцы, притекающим с верою,/ Борисе славный со Глебом чудным./ Крепцы верою, добропобеднии мученицы, за Христа подъемше различныя муки,/ и на многа лета сокровени быша ваши святии мощи,/ ныне же являетеся от земли,/ возсиявше лучами, яко богатство многоценно,/ и в церковь Божию честно носими, архиерей Божиих дланьми./ Темже вопием вам:/ радуйтеся, князи, русстии заступницы.
    24 июля
    Тропарь благоверных князей Бориса и Глеба
    глас 2
    Правдивая страстотерпца/ и истинная Евангелия Христова послушателя,/ целомудренный Романе с незлобивым Давидом,/ не сопротив стаста врагу сущу брату,/ убивающему телеса ваша,/ душам же коснутися не могущу./ Да плачется убо злый властолюбец,/ вы же, радующеся с лики Ангельскими,/ предстояще Святей Троице,/ молитеся о державе сродников ваших богоугодней быти// и сыновом Российским спастися.
    Ин тропарь благоверных князей страстотерпцев Бориса и Глеба
    глас 4
    Яко плодовита винограда, отрасли добродетелей суще,/ Небесный дождь Христов прилете,/ источающе отечеству своему струю Православия,/ Борисе пречудне с доблим Глебом,/ вкупе молитеся Господеви сохранити град и люди,/ и на враги пособствовати,/ и душам нашим даровати велию милость.
    Ин тропарь благоверных князей страстотерпцев Бориса и Глеба
    глас 4
    Мученическою кровию порфиру окропивше светло,/ украшени предстоите, страдальцы славнии, Царю Безсмертному,/ и, венцы славы от Него приимше,/ молитеся стране нашей подати на враги одоление/ и душам нашим велию милость.
    Кондак благоверных князей Бориса и Глеба
    глас 3
    Возсия днесь преславная память ваша,/ благороднии страстотерпцы Христовы, Романе и Давиде,/ созывающи нас к похвалению Христа Бога нашего./ Тем, притекающе к раце мощей ваших,/ исцеления дар приемлем молитвами вашими, святии:// вы бо божественнии врачеве есте.
    Ин кондак благоверных князей страстотерпцев Бориса и Глеба
    глас 8
    Аще и убиени бысте и во гробех положени,/ но на Вышнее Царство преидосте,/ оваго бо копии насунута,/ другаго же, яко агнца незлобива, ножем зарезаша,/ тем и кровь ваша бысть исцеление миру,/ верою призывающим вас, святии, на помощь.

    Молитва благоверным князьям Борису и Глебу
    О двоице священная, братия прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровьми своими, яко багряницею, украсившиися, и ныне со Христом царствующии! Не забудите и нас, сущих на земли, но, яко тепли заступницы, вашим сильным ходатайством пред Христом Богом сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом диавола воздвигаемую от ближних и чуждих. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением страну нашу и всех, чтуших святую память вашу, во веки веков. Аминь.

    Службы

    Сайты приходов:

    Ізюмська єпархія:
    Борисоглебская епархия:
    Бориспільська єпархія:
    Брянская епархия:
    Владимирская епархия:
    Воронежская епархия:
    Вяземская епархия:
    Елецкая епархия:
    Казанская епархия:
    Московская епархия (городская):
    Московская епархия (областная):
    Муромская епархия:
    Новгородская епархия:
    Новороссийская епархия:
    Одеська єпархія:
    Орловско-Болховская епархия:
    Пермская епархия:
    Песоченская епархия:
    Псковская епархия:
    Ржевская епархия:
    Ростовская епархия:
    Рыбинская епархия:
    Санкт-Петербургская епархия:
    Скопинская епархия:
    Тульская епархия:
    Шуйская епархия:
    Ярославская епархия:
    Александровская епархия:

    Статьи на Православие.Ru

    Страстотерпцы

    Кирилл Рожнов

    Есть ли у страстотерпчества какие-то «критерии»? Справедливо ли говорить, что подвиг благоверного князя Вячеслава Чешского (память 4/17 марта), «оказавшего сопротивление» убийцам, несопоставим с подвигом святых Бориса и Глеба?

    В чем смысл страстотерпчества

    Рассуждают протоиерей Артемий Владимиров, священник Димитрий Шишкин и диакон Валерий Духанин.

    Сказание и страдание и похвала мученикам святым Борису и Глебу

    И, помышляя так в уме своем, пошел к брату своему и говорил в сердце своем: «Увижу ли я хотя бы братца моего младшего Глеба, как Иосиф Вениамина?» И решил в сердце своем: «Да будет воля твоя, Господи!»

    Святые страстотерпцы Борис и Глеб: к истории канонизации и написания житий

    Александр Ужанков

    Первыми русскими святыми, прославленными Церковью, стали благоверные князья Борис и Глеб. Именно их канонизация послужила примером для прославления в лике святых убиенного Императора Николая II и его семьи на Юбилейном Архиерейском Соборе в августе.

    Память святых страстотерпцев Бориса и Глеба

    Жития — Публицистика — Борисоглебские храмы и монастыри — Подвиг страстотерпчества.
    © ПРАВОСЛАВИЕ.RU