Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Преподобный Геннадий Костромской и Любимоградский

Дни памяти: 23 января, 23 мая (Ростов.)

Иконы

Жития

  • Преподобный Геннадий Костромской и Любимоградский
  • Преподобный Геннадий Костромской
  • Молитвы


    Тропарь преподобного Геннадия Костромского и Любимоградского
    глас 4
    Яко пустыннолюбивая горлица, / от суетнаго и многомятежнаго мира в пустыню удалився, / чистотою и говением, молитвами и труждением / прославил еси Бога в душе и телеси своем. / И тако благочестно пожив, / явился еси, преподобне Геннадие, пустыни Любимоградския украшение, / иноком честнаго жития образ / и теплый молитвенник за всех, / притекающих к тебе с верою.
    Кондак преподобного Геннадия Костромского и Любимоградского
    глас 3
    Молитвою и постом, труждением и терпением/ умертвивый всякое плоти мудрование,/ чистоты сосуд благолепен,/ Божественных даров и чудес причастник,/ иноком же доблий наставник был еси,/ сподвизаяся блаженному Корнилию, отче Богомудре./ Сего ради вопием:/ молися ко Господу,/ да молитвами твоими дарует мир и спасение душам нашим.
    Молитва преподобному Геннадию Костромскому и Любимоградскому
    Избранниче Божий и чудотворче, преподобный отче Геннадие! От юности твоея исполнен сый Духа премудрости и разума, Духа благочестия и страха Господня, и приим вся оружия Божия, препоясав чресла твоя истиною, оболкся в броня правды и обув нозе во уготование благовествования мира, над всеми же восприим щит веры, возмогл еси, яко добр воин Христов, вся стрелы лукаваго разжженныя угасити. Сего ради водворяяся днесь с ликами Безплотных сил в обителях Отца Небеснаго, неувядаемым венцем увязен еси и, предстоя Престолу Царя славы, Господа сил, имаши дерзно­вение возносити к Нему моления и благохваления твоя. Мы же, окаяннии, возводя из глубины зол очи и сердца наша к Горнему Сиону, Жилищу Бога Иаковля, молим тя, преподобне Геннадие: буди заступником и ходатаем нашим пред Богом и Господем нашим, Судиею правед­нейшим, Егоже выну прогневляем, согрешающе пред Ним. И якоже во дни плоти своея дивная и преславная совершил еси, отче всехвальне, тако и ныне, прешед от нас в обители Отца Небеснаго, удиви хода­тай­ст­вом своим милость Господню на нас. Да, отбегше нечестия и мирских похотей, Богови же благоугодивше, обрящем помощь Его во время благопотребно и благословение на ны и на дела рук наших, и да сподобит нас наследити Царство Небесное и с лики святых славити и воспевати пречестное и великолепое имя Отца, и Сына, и Святаго Духа ныне и присно и во веки веков. Аминь.

    Сайты приходов:

    Спасо-Преображенский Геннадиев мужской монастырь с. Слобода (Рыбинская епархия)
    Храм Введения во храм Пресвятой Богородицы дер. Павловка (Рыбинская епархия)
    Храм во имя преподобного Геннадия Костромского пос. Антропово (Галичская епархия)
    Храм в честь свт. Геннадия Косторомского пос. Радово (Владивостокская епархия)

    Статья на Православие.Ru

    © ПРАВОСЛАВИЕ.RU