Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Преподобный Герман Аляскинский

Дни памяти: 27 июля (Прославление), 13 декабря (преставление)

Иконы

Жития

  • Преподобный Герман Аляскинский
  • Преподобный Герман Аляскинский
  • Молитвы

    13 декабря
    Тропарь преподобного Германа Аляскинского
    глас 1
    Лозу Православия принесл еси в Америку из России благочестивый/ и, удобрив корень постническими трудами/ и напоив обильне молитвенными слезами,/ плоды принесл еси — виноград возлюбленный,/ Германе преблаженне отче наш./ Темже и Бог тя прослави, яко апостола преподобнаго,/ нетлением мощей и благодатию чудес,/ от них же почерпающе благодеяния, восхваляем тя:/ слава Давшему ти крепость,/ слава Венчавшему тя, слава Даровавшему тя Америце светило Православия.
    Ин тропарь преподобного Германа Аляскинского
    глас 3
    Преподобне отче наш Германе,/ первый светильниче, в земли нашей просиявый,/ приносим вси тебе похвалы сия,/ ты же, яко имеяй дерзновение ко Господу,/ буди заступник нам, и утешитель,/ и Церкви нашея покровитель дивный,/ да вси со умилением зовем ти:/ радуйся, отче наш Германе, Аляски и всея Америки преславный чудотворче.
    Кондак преподобного Германа Аляскинского
    глас 8
    Взбранному Воеводе своинствовався,/ в брань вступил еси на духа злобы в поле преподобия и апостольства./ И, пожав победы обоюдныя,/ воздвизаеши нас вопити тебе:/ радуйся, святе Германе, апостоле преподобный.
    Ин кондак преподобного Германа Аляскинского
    глас 8
    Валаама пострижник,/ честный возлюбленник Божией Матери бывый,/ ревнитель подвигов древних подвижников новый,/ молитву, яко копие и щит, приемый,/ страшен демоном и тьме язычестей ставый,/ Германе преподобне, моли Христа Бога спасти души наша.

    Тропарь преподобного Германа Аляскинского
    глас 7
    Звездо пресветлая Церкве Христовы,/ на севере просиявшая,/ вся к Царствию Небесному путеводящая,/ учителю и апостоле истинныя веры,/ предстателю и заступниче гонимых,/ украшение изящное Святыя Церкве во Америце,/ преподобне отче Германе Аляскинский,/ молися ко Господу, Спасу нашему,/ спастися душам нашим.
    Ин тропарь преподобного Германа Аляскинского, поемый во Америце
    глас 3
    Преподобне отче наш Германе,/ первый светильниче, в земли нашей просиявый,/ приносим вси тебе похвалы сия,/ ты же, яко имея дерзновение ко Господу,/ буди нам заступник и утешитель/ и Церкве нашея покровитель дивный,/ да вси со умилением зовем ти:/ радуйся, отче наш Германе, Аляски и всея Америки преславный чудотворче.
    Кондак преподобного Германа Аляскинского
    глас 3
    Свет вечный Христа Спаса нашего/ тя на путь евангельский во Америку настави,/ возвестити весть о мире евангельскую./ Днесь Престолу Славы предстоя,/ молися о стране твоей и людех ея,/ о мире всего мира/ и спасении душ наших.
    Ин кондак преподобного Германа Аляскинского
    глас 8
    Валаама постриженник честный, возлюбленный Божия Матери бывый, ревнитель подвигов древних, подвижник новый, молитву, яко копие и щит, приемый, страшен демоном и тьме языческой ставый, Германе преподобне, моли Христа Бога спасти души наша.
    Молитва преподобному Герману Аляскинскому
    О предивный угодниче Божий, преподобне отче наш Германе, ты подвигом добрым подвизался еси во стране сей, среди суровыя природы, явил еси себе в малом верно во служении твоем Богу, по глаголу Его: о малем был еси верен, над многими поставлю тя. И ныне, егда исполнися слово сие Господне на тебе, постави тя Господь над всею Церковию Американскою, яко небеснаго покровителя, все мы взываем ти теплою молитвою: молися за Церковь нашу Святую, да сохранит ю Господь в чистоте и Православии, да явит ю украшение страны нашея, да оградит ю от темных сил вражиих, да изженет супостаты и да дарует всем чистоту веры и благочестие. Всем же нам испроси духа мира и любве, духа кротости и смирения, гордыни отгнание, от самопревозношения ограждение, болящим помощь и исцеление, скорбящим утешение, алчущим правды духовныя пищу небесную. Да, уличивше желаемая, обрящем праведное воздаяние в день Страшнаго суда и со всеми святыми воспоем и прославим Живоначальную Троицу, Отца Непостижимаго, Истиннаго и Единароднаго Сына и Святаго Утешителя Духа, во веки. Аминь.

    Сайты приходов:

    Храм Иннокентия, митроп. Московского в Бескудникове г. Москва (Московская епархия (городская))
    Храм прп. Германа Аляскинского г. Саннивейл ( Западно-Американская епархия)
    Храм прп. Германа Аляскинского г. Одесса Лейк/Вудбери (Средне-Американская епархия)

    Статья на Православие.Ru

    © ПРАВОСЛАВИЕ.RU