Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2016


Рейтинг@Mail.ru


Святитель Димитрий, митрополит Ростовский

Дни памяти:  23 мая (Ростов.) ,  19 июля  ,  21 сентября (Обретение мощей) ,  28 октября  

Иконы

Жития

  • Святитель Димитрий, митрополит Ростовский
  • Святитель Димитрий, митрополит Ростовский
  • Святитель Димитрий Ростовский
  • Молитвы

    19 июля
    Тропарь святителей Димитрия Ростовского, Митрофана и Тихона Воронежских
    глас 8
    Якоже древле на Востоцех трие велицыи святителие,/ сильный словом Василий,/ глубина Богословия Григорий и Златоустый Иоанн,/ тако и днесь в стране полунощней/ три новоявленная светила веры на тверди церковней востекоша:/ столп веры Митрофан,/ слово истины в лице царю исповедавый,/ и обличитель раскола Димитрий,/ мечем обоюду острым вся козни его разсекий,/ и помазания полный сосуд Тихон,/ тихостию словес своих грешника к покаянию призвавый./ О велицыи трие святителие земли Российския,/ молите Христа Бога, Емуже угодни бысте,/ спастися душам нашим.
    Кондак святителей Димитрия Ростовского, Митрофана и Тихона Воронежских
    глас 3
    Иже в поздния наша роды и в последняя времена/ обуреваемых треволнением житейских страстей и хладом безверия недугующих/ в скорби душевней утешивший и теплотою вашея веры согревавший,/ трие новоявленный святителие Российстии,/ Димитрие, Митрофане и Тихоне,/ на камени Православия утвердите ны/ и, яко чадолюбивии отцы,/ духовная чада ваша стезею заповедей отеческих в Царствие Христово вслед себе руководите.
    21 сентября
    Тропарь свт. Димитрию Ростовскому
    глас 8
    Православия ревнителю и раскола искоренителию, / Российский целебниче и новый к Богу молитвенниче, / списаньми твоими буих уцеломудрил еси, / цевнице духовная, Димитрие блаженне, / моли Христа Бога спастися душам нашим.
    Кондак святителя Димитрия
    глас 4
    Звезду Российскую, от Киева возсиявшую,/ и чрез Новград Северский в Ростов достигшую,/ всю же страну сию ученьми и чудесы озарившую,/ ублажим златословеснаго учителя Димитрия:/ той бо всем вся написа, яже к наставлению,/ да всех приобрящет, якоже Павел, Христу// и спасет правоверием души наша.
    28 октября
    Тропарь святителя Димитрия
    глас 8
    Православия ревнителю и раскола искоренителю,/ Российский целебниче и новый к Богу молитвенниче,/ списаньми твоими буих уцеломудрил еси,/ цевнице духовная, Димитрие блаженне,// моли Христа Бога спастися душам нашим.
    Кондак святителя Димитрия
    глас 4
    Звезду Российскую, от Киева возсиявшую,/ и чрез Новград Северский в Ростов достигшую,/ всю же страну сию ученьми и чудесы озарившую,/ ублажим златословеснаго учителя Димитрия:/ той бо всем вся написа, яже к наставлению,/ да всех приобрящет, якоже Павел, Христу// и спасет правоверием души наша.
    Молитва святителю Димитрию Ростовскому
    О всеблаженный святителю Димитрие, великий угодниче Хрис­тов, Златоусте Российский, услыши нас грешных, молящихся тебе, и при­неси молитву нашу к Милостивому и Человеколюбцу Богу, Емуже ты ныне в радости святых и с лики Ангелы предстоиши! Умо­ли Его благоутробие, да не осудит нас по беззакониям нашим, но да сотворит с нами по милости Своей. Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем вся­кое изобилие и благоденствие, и да не во зло обратим благая, даруемая нам от Щедрого Бога, но в славу Его и в прославление твоего заступления. Даруй нам богоугодно прейти поприще временныя жизни; избави нас воздушных мытарств и настави нас на путь, ведущий в селения праведных, идеже празднующих глас непрестанный, зрящих Божия лица неизреченную доброту. Церковь же Святую от расколов и ересей сохрани, верных укрепи, заблуждающих обрати и всем даруй вся, яже ко спасению и сла­ве Божией подобающая; Отечество твое сохрани от врагов ненаветно, но поборай оружие Крестоноснаго воинства; и подаждь нам всем твое архипастырское и святое благословение, да оным осеняеми, избавимся от козней лукаваго и избегнем от всякия беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и поклоняемаго в Триех Ипостасех, Емуже подобает всякая слава, честь и держава во веки веков. Аминь.

    Тропарь святителям Ростовским
    глас 4
    Святителие премудрии,/ паствы вашея учителие богопросвещеннии,/ веру евангельскую в людех преумножившия,/ любве Небесныя на земли достоподражательнии образи,/ люди страны Ростовския и Ярославския приобщавшии спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране нашей православной/ и о всей Христовой Церкви.

    Служба

    Сайты приходов:

    Абаканская епархия:
    Ардатовская епархия:
    Барнаульская епархия:
    Белевская епархия:
    Борисоглебская епархия:
    Бузулукская епархия:
    Воронежская епархия:
    Гатчинская епархия:
    Елецкая епархия:
    Касимовская епархия:
    Кинешемская епархия:
    Ливенская епархия:
    Липецкая епархия:
    Московская епархия (городская):
    Московская епархия (областная):
    Пензенская епархия:
    Ростовская епархия:
    Рязанская епархия:
    Чернігівська єпархія:
    Ярославская епархия:

    Статьи на Православие.Ru

    © ПРАВОСЛАВИЕ.RU