Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2017


Рейтинг@Mail.ru


Мученик Евстафий Виленский

День памяти: 14 апреля

Иконы

Жития

  • Мученики Антоний, Иоанн и Евстафий
  • Святые мученики Виленские: Антоний, Иоанн, Евстафий
  • Молитвы


    Тропарь мучеников Антония, Иоанна и Евстафия Литовских
    глас 4
    Иже земных, чести и славы отвергшеся,/ доблии и честнии страдальцы,/ веры ради крепко и мужественно муки претерпесте,/ на смерть себе вдавше за Живот всех — Владыку./ Темже и Христос преславно столпом облачным/ с Небесе вас озари/ и почестьми и венцы от Престола славы венча./ Со Ангелы Тому предстояще,/ молите спастися душам нашим.
    Ин тропарь мучеников Антония, Иоанна и Евстафия Литовских
    глас 4
    От корене неплодна, преблаженнии,/ возрастивше Православный веры ветви,/ первомучеником тезоименитии явистеся:/ злаго бо и нечестиваго князя ярости не убоястеся,/ повелевающа Христа отрещися./ Сего ради мученическия венцы приемше/ и со Ангелы Престолу Владычню предстояще,/ о нас молитеся, преблаженнии,/ православно чтущих святую память вашу.
    Кондак мучеников Антония, Иоанна и Евстафия Литовских
    глас 3
    Отеческую прелесть оставльше, святии,/ приведостеся Христови,/ всем души усердием стаете мужемудренно до смерти./ Темже и взясте победы почесть воистинну,/ о всех Владыку нашего непрестанно моляще.
    Молитва мученикам Антонию, Иоанну и Евстафию Виленским
    Святии мученицы Антоние, Иоанне и Евстафие! Призрите с Небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, от пагубных страстей воздержание и от всякия скверны удаление; и да укрепит во всем мире Свою Едину Святую Соборную и Апостольскую Церковь, юже стяжал есть честною Своею Кровию. Молитеся прилежно, святии мученицы, да благословит Христос Бог всю нашу державу, да утвердит во Святей Своей Православней Церкви живый дух правыя веры и благочестия; да вся чада ея, от суемудрия и суеверия свободившеся, духом и истиною покланяются Ему, и о соблюдении Его заповедей усердно потщатся; да мы вси в мире и благочестии поживем в настоящем веце, и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава, со Отцем и Святым Духом, ныне и присно и во веки веков. Аминь.

    Сайт прихода:

    Храм Благовещения Пресвятой Богородицы г. Волковыск (Гродненская и Волковысская епархия)

    Статья на Православие.Ru

    © ПРАВОСЛАВИЕ.RU