Иларион Великий, прп.

Яко светильника незаходимаго умнаго тя Солнца,/ сошедшеся днесь, восхваляем в песнех,/ возсиял бо еси сущим во тьме неведения,/ вся возводя к Божественней высоте, Иларионе./ Темже вопием:// радуйся, отче, всех постников основание.

Слез твоих теченьми пустыни безплодное возделал еси/ и, иже из глубины воздыханьми, во сто трудов уплодоносил еси,/ и был еси светильник вселенней,/ сияя чудесы, Иларионе, отче наш:/ моли Христа Бога спастися душам нашим.

Яко иноков утверждение, наставник же граждан пустынных,/ и чудотворец благодатию Великому Антонию подобяся,/ помощник в страстех бедствующим неотступен, Иларионе отче наш,/ моли за чтущия святую память твою.