Рейтинг@Mail.ru Архив RSS Карта сайта
Православие.Ru Поместные Церкви Православный Календарь English version
ПРАВОСЛАВИЕ.RU Православный Календарь на 2008 год
ПРАВОСЛАВИЕ.RU карта сайта




Рейтинг@Mail.ru


Вторник 2-й седмицы по Пасхе.
Песнопения Триоди Цветной.

   

В понедельник вечера,

на Господи воззвах: поставим стихов 6, и поем стихиры подобны, глас 4.
Подобен: Я
ко добля:

Воскрес из гроба, заключенным дверем, предстал еси другом Твоим всесильне, и Фоме неверовавшу, гвоздей показал еси язвы, и ребра еже от копия прободение, утверждая и уверяя того Слове, яко Ты Сам еси, за милосердие претерпевый спасительныя страсти.

За многое снизхождение, и милосердие безмерное, мое зря истощание не усумнися, но уверися Близнче, Господь рече: яко Сам есмь Аз пострадавый, и тридневен из гроба воскресый, и адова сокровища истощивый, и ожививый от века умершия.

Удивився яко узре Фома возопи, егда виде Тя всесильне: Ты еси Бог мой и Господь, верую Человеколюбче, яко Сам еси пострадавый, и страсти исцеляяй душ наших. Кланяюся Твоей державе, и мирови возвещаю страшное Твое и всесильное востание.

И Минеи 3. Слава, и ныне: глас 1:

Учеником сомнящимся, во осмый день предста Спас, идеже бяху собрани, и мир дав, Фоме возопи: прииди апостоле, осяжи длани, в нихже гвоздия вонзоша. О доброе неверие Фомино, верных сердца в познание приведе, и со страхом возопи: Господь мой и Бог мой, слава Тебе!

Свете тихий:

На стиховне стихиры, глас 1:

Обыдите людие Сион, и обымите его, и дадите славу в нем Воскресшему из мертвых: яко Той есть Бог наш, избавлей нас от беззаконий наших.

Стих: К Тебе воздвигох очи мои:

Яко помышлении лукавыми, и делы осудихся Спасе, мысль мне даруй обращения Боже, да зову: спаси мя благодетелю Благий, и помилуй мя.

Стих: Помилуй нас Господи, помилуй нас:

Мученичен: Еже на судищи ваше исповедание святии, демонов оплева силу, и от прелести человеки свободи. Темже и главам усекаемым, взывасте: да будет, Господи, жертва душ наших благоприятна пред Тобою, яко Тебе возлюбивше нерадихом о временной жизни, Человеколюбче.

Слава, и ныне: глас 2:

По востании Твоем Господи, собранным учеником Твоим, и дверем заключенным, посреде стал еси, мир подая им: веровав же и Фома, зрением руку и ребр Твоих, Господа и Бога Тя исповеда, спасающаго уповающия на Тя, Человеколюбче.

Ныне отпущаеши: Тропарь праздника: Запечатану гробу: И отпуст.

Во вторник вторыя седмицы, на Утрени,

на Бог Господь: тропарь праздника, трижды.

По 1-м стихословии, седален, глас 1.
Подобен: К
амени запечатану:

Жены ко гробу приидоша ураншия, и ангельское явление видевшия трепетаху: гроб облиста жизнь, чудо удивляше я. Сего ради шедшия, учеником проповедаху востание: ад плени Христос, яко един крепок и силен, и истлевшия вся совоздвиже, осуждения страх разрушив Крестом.

Стих: Господи да не яростию Твоею обличиши мене, ниже гневом Твоим накажеши мене.

Аще праведник едва спасается, аз грешный где явлюся, тяготы и вара дневнаго не понесший? Но с наемники единонадесятаго часа причти мя Боже, и спаси мя.

Стих: Дивен Бог во святых Своих, Бог Израилев.

Мученичен: Яко добрии воини единомудренно веровавше, прещения мучителей не убоявшеся святии, приидосте усердно ко Христу, вземше честный крест, и скончавше течение, с небесе победу приясте. Слава укрепльшему вы: слава венчавшему вы: слава действующему вами всем исцеления.

Слава, и ныне: Богородичен:

Нерушимую стену имуще вернии Богородицу Марию, приидите поклонимся, и припадем Ей: дерзновение бо имать к Рождшемуся из Нея, и молити, и спасати от гнева и смерти души наша.

По 2-м стихословии седален, глас 5.
Подобен: С
обезначальное Слово:

Апостола вси и ученика Христова восхвалим песньми в память его: боголепно бо наша помышления, той язвы гвоздей осязав, известну веру изыскав, утверди в мире, и молит Спаса, помиловатися душам нашим.

Слава и ныне: тойже.

Таже, Воскресение Христово: псалом 50. Канон праздника со ирмосы на 8: и Минеи на 4. По 3-й песни, седален Минеи. Кондак и ексапостиларий праздника.

На хвалитех, стихиры на 4, глас 1:

Крест претерпевый, и смерть упразднивый, и воскресый из мертвых, умири нашу жизнь Господи, яко един всесилен. [Дважды.]

Не пренебрези мене Спасе мой, леностию греховною содержима: воздвигни мое помышление к покаянию, и Твоего винограда делателя искусна покажи мя, даруя ми единонадесятаго часа мзду, и велию милость.

Мученичен: Сии воини Царя великаго, сопротивишася повелением мучителей доблественно, небрегоша о муках, и прелесть всю поправше, достойно венчани бывше, просят у Спаса мира, и велия милости.

Слава, и ныне: глас 2:

Дверем заключенным, представ Спас учеником, безстрашие и мир даяше. Таже глаголет Фоме: что Мне не веруеши, яко воскресох из мертвых? Принеси семо руку твою, и вложи в ребра Моя, и виждь. Тебе бо неверующу, вси навыкоша страсти и Воскресение Мое звати с тобою: Господь мой и Бог мой, слава Тебе.

На стиховне стихиры праздника, глас 2.
Подобен: Д
оме Евфрафов:

Воспоим вернии, непрестанно со ангелы, Христа воскресшаго, тридневна из гроба, и мир совоздвигшаго.

Стих: Во всю землю изыде вещание их, и в концы вселенныя глаголы их.

Фома Твоя ребра, Благоутробне, осязав, к вере взыде: и мы тем Тя Бога прочее познахом.

Стих: Небеса поведают славу Божию, творение же руку Его возвещает твердь.

Подаеши о Избавителю, мир людем Твоим воскрес из гроба, и мир совоздвигнувый от ада, Всесильне.

Слава, и ныне: глас 6. Иоанна монаха:

Дверем заключенным, пришел еси Христе ко учеником, тогда Фома смотрительно не обретеся с ними. Глаголаше бо: не иму веры, аще не увижду и аз Владыки. Увижду ребро, отонудуже изыде кровь, вода, крещение: увижду язву, от неяже исцеле великий струп человеческий: увижду, како не бе якоже дух, но плоть и кости. Смерть поправый, и Фому уверивый, Господи слава Тебе.

Отпустительный тропарь, и отпуст.

На Литургии

блаженна от канона праздника, песнь 4-я.

Апостол Деяний, зачало 10. [Деян. 4, 1 – 10.]

 

Глаголющим апостолом к людем, наидоша на них священницы и воевода церковный и саддукее,

Когда апостолы говорили к народу, к ним приступили священники и начальники стражи при храме и саддукеи,

Жаляще си, за еже учити им люди и возвещати о Иисусе воскресение мертвых:

Досадуя на то, что они учат народ и проповедуют в Иисусе воскресение из мертвых;

И возложиша на них руки и положиша их в соблюдение до утрия: бе бо вечер уже.

И наложили на них руки и отдали их под стражу до утра; ибо уже был вечер.

Мнози же от слышавших слово вероваша: и бысть число мужей яко тысящ пять.

Многие же из слушавших слово уверовали; и было число таковых людей около пяти тысяч.

Бысть же наутрие собратися князем их и старцем и книжником во Иерусалим,

На другой день собрались в Иерусалим начальники их и старейшины, и книжники,

И Анне архиерею и Каиафе и Иоанну и Александру, и елицы беша от рода архиерейска:

И Анна первосвященник, и Каиафа, и Иоанн, и Александр, и прочие из рода первосвященнического;

И поставльше их посреде, вопрошаху: коею силою или коим именем сотвористе сие вы?

И, поставив их посреди, спрашивали: какою силою или каким именем вы сделали это?

Тогда Петр, исполнився Духа Свята, рече к ним: князи людстии и старцы Израилевы,

Тогда Петр, исполнившись Духа Святаго, сказал им: начальники народа и старейшины Израильские!

Аще мы днесь истязуеми есмы о благодеянии человека немощна, о чесом сей спасеся,

Если от нас сегодня требуют ответа в благодеянии человеку немощному, как он исцелен,

Разумно буди всем вам и всем людем Израилевым, яко во имя Иисуса Христа Назореа, Егоже вы распясте, Егоже Бог воскреси от мертвых, о Сем сей стоит пред вами здрав.

То да будет известно всем вам и всему народу Израильскому, что именем Иисуса Христа Назорея, Которого вы распяли, Которого Бог воскресил из мертвых, Им поставлен он перед вами здрав.

Евангелие Иоанна, зачало 10. [Ин. 3, 16 – 21.]

 

Тако возлюби Бог мир, яко и Сына Своего Единороднаго дал есть, да всяк веруяй в Онь не погибнет, но имать живот вечный.

Ибо так возлюбил Бог мир, что отдал Сына Своего Единородного, дабы всякий верующий в Него, не погиб, но имел жизнь вечную.

Не посла бо Бог Сына Своего в мир, да судит мирови, но да спасется Им мир.

Ибо не послал Бог Сына Своего в мир, чтобы судить мир, но чтобы мир спасен был чрез Него.

Веруяй в Онь не будет {несть} осужден: а не веруяй уже осужден есть, яко не верова во имя Единороднаго Сына Божия.

Верующий в Него не судится, а неверующий уже осужден, потому что не уверовал во имя Единородного Сына Божия.

Сей же есть суд, яко свет прииде в мир, и возлюбиша человецы паче тму, неже свет: беша бо их дела зла.

Суд же состоит в том, что свет пришел в мир; но люди более возлюбили тьму, нежели свет, потому что дела их были злы;

Всяк бо делаяй злая ненавидит света и не приходит к свету, да не обличатся дела его, яко лукава суть:

Ибо всякий, делающий злое, ненавидит свет и не идет к свету, чтобы не обличились дела его, потому что они злы,

Творяй же истину грядет к свету, да явятся дела его, яко о Бозе суть соделана.

А поступающий по правде идет к свету, дабы явны были дела его, потому что они в Боге соделаны.

 

 

 

 Источник: http://pravoslavnyi.narod.ru/


Версия для печати
© ПРАВОСЛАВИЕ.RU