Суббота 4-й седмицы Великого поста.
Песнопения Триоди Постной.

Страстем поработив души моея достоинство, скот бых: и не могу воззрети к Тебе Вышнему, но долу преклонився Христе, яко мытарь, молюся зовый Тебе: Боже очисти, и спаси мя.

Прокимен, псалом 79, глас 4: Пасый Израиля вонми, наставляяй яко овча Иосифа. Стих: Седяй на херувимех явися.

Рече Господь Авраму: изыди от земли твоея, и от рода твоего, и от дому отца твоего, и иди в землю юже ти покажу. И сотворю тя в язык велий, и благословлю тя, и возвеличу имя твое, и будеши благословен. И благословлю благословящия тя, и кленущия тя проклену: и благословятся о тебе вся племена земная. И иде Аврам, якоже глагола ему Господь, и идяше с ним Лот. Аврам же бе лет седмидесяти пяти, егда изыде от [земли] Харран. И поят Аврам Сару жену свою, и Лота сына брата своего, и вся имения своя, елика стяжаша, и всякую душу, юже стяжаша в Харране: и изыдоша поити в землю Ханааню. И пройде Аврам землю в долготу ея, даже до места Сихем до дуба высокаго: хананеи же тогда живяху в земли [той]. И явися Господь Авраму, и рече ему: семени твоему дам землю сию. и созда тамо Аврам жертвенник Господу явльшемуся ему.

Прокимен, псалом 80, глас 4: Радуйтеся Богу Помощнику нашему. Стих: Приимите псалом, и дадите тимпан.

Незлобивый веру емлет всякому словеси: коварный же приходит в раскаяние. Премудр убоявся, уклонится от зла: безумный же на себе надеявся, смешавается со беззаконным. Острояростный без совета творит: муж же мудрый многая терпит. Разделяют безумнии злобу: коварнии же удержат чувство. Поползнутся злии пред благими, и нечестивии послужат пред дверьми праведных. Друзи возненавидят другов убогих: друзи же богатых мнози. Безчестяй убогия, согрешает: милуяй же нищия, блажен. Заблуждающии [неправедницы] делают злая: милость же и истину делают благии. не ведят милости и веры делателие злых милостыни же и веры у делателей благих. Во всяком пекущемся есть изобилие: любосластный же и безпечальный в скудости будет. Венец премудрых богатство их: житие же безумных зло. Избавит от злых душу свидетель верен: разжизает же лживыя лестный. В страсе Господни упование крепости: чадом же своим оставит утверждение [мира].

Аллилуиа, и тропари, глас 2: Апостоли, мученицы: Слава: Помяни Господи: И ныне: Мати святая: И стихословие. Таже мученичны седальны гласа. По Непорочных же поем тропари: Святых лик: И по ектении седален мертвен, глас 5: Покой Спасе наш с праведными: Слава, конец: И ныне, Богородичен: От Девы возсиявый:

Ирмос: Пучиною житейскою:

Преидосте пределы плотския страдальцы многим терпением, претерпевше муки и болезни. Темже всякую болезнь и скорбь облегчаете, вас воспевающих.

Тьмам ангел воинство совокупися святых страстотерпец, и молит Всеблагаго Бога, согрешений тьмочисленных нас избавити, яко Христу угодившии.

Умертвився и во гробе Христе уснув, возставил еси мертвыя, и в вере умершим даеши благости богатство Христе, покой я со всеми святыми.

Богородичен: Божие Бог Слово, иский обожити человека Чистая, из Тебе воплощается, и землен видится: Егоже непрестанно моли, обрести нам милость во время ответа.

Ирмос: Бурею греховною:

Плоти и крове святии не пощадевше, ко всякому мучению стасте небоязненни, Христа не отметающеся: темже с небес низпосла Христос вам венцы.

Мученик торжество усрящим, просветившеся детельми, и возопиим богодухновенными песньми: вы есте воистинну денницы на земли, Христовы мученицы.

Троичен: Троице Святая славлю Тя, Естество безначальное, единаго Бога, единаго Господа, три Лица, Отца, Сына и Духа: нерожденна, рожденна, исходна, Туюжде и присносущну.

Богородичен: О блаженная Богоневесто, како родила еси без мужа, и пребыла еси якоже прежде? Бога бо родила еси, чудо страшное: но моли спастися поющим Тя.

Стих: Дивен Бог во святых Своих, Бог Израилев.

Мученичен: Усечения удов ваших зряще, наслаждастеся кровьми радующеся: но молите о нас прилежно Господа, мученицы приснославнии.

Стих: Души их во благих водворятся.

От земли создавый мя, и ожививый мя, и в землю возвратитися мне паки рекий, яже приял еси рабы Твоя упокой, и от тли смертныя возведи Господи.

Ирмос: Бурею греховною погружаемь, яко во чреве китове содержимь, с пророком зову Ти: возведи от тли живот мой Господи, и спаси мя.

Кондак: Со святыми упокой: икос: Сам един еси безсмертный:

Ирмос: Образу златому:

Оболкшеся страдальцы в нетление божественное, обнажением тленныя плоти, нас ради плоть от нетленныя Приемшему Жены, ныне предстоите светлии: сего ради мя облецыте во одежду священную обнаженнаго злобою.

Воздержанием поживый, страдальческий собор, воздержания нас поприще укрепите тещи невозбранно, яко проповедавый Христа на поприщи мужественно, и предстояй престолу венценосный, в наслаждение мысленно со ангелы.

Молитвами Боже Твоих святых мученик, усопшия верно рабы Твоя, рая жители покажи, и света мысленнаго сподоби я, непрестанно вопиющия Тебе: благословен Бог отцев наших.

Богородичен: Тя едину благую молим Дево, озлобленныя ны ублажи, и прилежно Христа моли естеством суща благаго, воздержания время, благая деющим, исполнити нам поющим Его: благословен Бог отцев наших.

Ирмос: Глаголавый на горе:

Возвеличивый святыя Твоя вся, знаменьми удивив я в мире: благословен еси во веки Господи Боже отцев наших.

Всякий вид ран прошедше, и колена ваалу не покоршеся преклонити, венцы славы взясте от Бога Христовы мученицы.

Троичен: Во Единице Троице, покланяемое Существо, Отче, Сыне и Душе, воспевающия Тя сохраняй, Боже отцев наших.

Богородичен: Дево Мати Отроковице всесветлая, едина к Богу ходатайство, не престай Владычице молити спастися нам.

Стих: Святым, иже суть на земли Его, удиви Господь:

Безсмертному Царю воинствовавше, и веру к Нему показавше совершенную, кровь свою мученицы за Него излиясте.

Стих: Блажени, яже избрал, и приял еси Господи.

Идеже свет Твой жизни истекает, преложи яже преставил еси от временных, верныя Твоя рабы, Господи Боже отец наших.

Ирмос: Глаголавый на горе с Моисеем, и образ девства явлей в купине, благословен еси Боже отец наших.

Ирмос: В огни пламеннем:

Великоименитии Христовы страдальцы, и честнии в Бозе, вся воспевающия памяти ваша, великих согрешений, и тамошних мук избавите ны, к Нему вашими великими молитвами.

Святоизбранное Христа Бога, и твердое воистинну воинство, мученик соборы освятите наш ум и сердце, в сия святыя дни постныя, вашими святыми молитвами.

Избави червия мучащаго, и скрежета зубнаго, Господи, и внешния тьмы несветимыя, вся яже верою приял еси: и учини сия, идеже свет лица Твоего Христе, сияет во веки.

Богородичен: Крест Христов честный, Богородице Чистая, видевшия и от сердца поклонившияся ны, Твоими ко Владыце сподоби молитвами, видети и страсти честныя, страстей очищенных.

Ирмос: Земля, и вся яже на ней:

О добраго изменения, имже обретосте смертию живот, священномученицы Христовы, огня и меча, мраза и зверей никакоже убоявшеся, и вопиюще: пойте Господа, и превозносите во вся веки.

Горе лик ангельский, доле же мы земнии, хвалим мученицы Христовы, странная страдания, и подвиги вашего мужества, благословяще, поюще Господа, и превозносяще во вся веки.

Благословим Отца, и Сына, и Святаго Духа, Господа.

Свет, Живот же и Животы, почитаю Тя Отца, и Сына, и Духа исходна, Естество едино, три Ипостаси, Бога Единаго поя, благословлю Тя, пою Тя Господа, и превозношу Тя во вся веки.

Богородичен: Кто не воспоет Тя от земнородных, нескверная Чистая голубица? Ты бо родила еси нам Свет великий, жизни богатство, Иисуса Спаса: Егоже поем хваляще яко Господа, и превозносим во вся веки.

Стих: Дивен Бог во святых Своих, Бог Израилев.

Подвиги чудныя, мученицы, славяще ваша, благодетеля и Бога благословим и покланяемся, на поприще подвигов вас укрепившаго: Егоже превозносим во вся веки.

Стих: Души их во благих водворятся.

Ты смерти и живота Господь сый и Бог, преставльшихся благочестно воздвизаяй, тамо преложи в селениих праведных, благословящия, поющия Тя Господи, и превозносящия во вся веки.

Ирмос: Земля, и вся яже на ней, море и вси источницы, небеса небес, свет и тьма, мраз и зной, сынове человечестии, священницы благословите Господа, и превозносите Его во веки.

Ирмос: Яко сотвори Мне:

Светильницы суще нелестнии, Христовы страдальцы, просветите наша помыслы, утвердите творити светозарная и чистая Божия хотения.

Оружия зритеся закалающая враги, доблии Христовы страдальцы: но избавите нас от стрел лукаваго предстательствы вашими.

Покой Щедре в недрех Авраамовых рабы Твоя, верою от нас отшедшия, к Тебе всяческих Зиждителю и Преблагому.

Богородичен: Плоти моея умертви движения, Бога плотию Рождшая паче ума, и подаждь просвещение мысли моей, чистый облак сущи света.

Ирмос: Величаем вси:

Воспеваем вси памяти ваша, мученицы прехвальнии, подвиги видяще священных ваших страданий, и удивившеся Христа величаем.

Друг ко другу страждуще глаголаху страстотерпцы: плоти не пощадим, приидите, умрем о Христе, да во вся веки поживем ликующе непрестанно.

Троичен: О Троице во едином Естестве, Тя воспевающия, Отче нерожденный, и рожденный Сыне, и Душе исходный, Твоею милостию невредимы соблюди.

Богородичен: Радуйся Всечестная Чистая, девства похвало, матерей утверждение, человеков помоще, и мира радосте, Марие Мати, и Рабо Бога нашего.

Стих: Дивен Бог во святых Своих, Бог Израилев.

Личе святых, приими мольбу мою: и яко сподобил мя еси Крест целовати, и спасительней страсти поклонитися мне, Христа молите.

Стих: Блажени, яже избрал, и приял еси Господи.

Ослаби, остави Щедре, к Тебе Человеколюбцу преставленным, и сих покой в селениих избранных: Ты бо еси Жизнь и Воскресение.

Ирмос: Величаем вси человеколюбие Твое, Христе Спасе наш, славо раб Твоих, и венче верных, возвеличивый память Рождшия Тя.

Небо звездами украсивый яко Бог, и Твоими святыми всю землю просветивый, Содетелю всех поющия Тя спасай.

Слава: Живыми и мертвыми обладаяй яко Бог, упокой Твоя рабы в селениих избранных: аще бо и согрешиша Спасе, но не отступиша от Тебе.

И ныне: Сладость ангелов, скорбящих радость, христиан предстательнице, Дево Мати Господня, заступи нас, и избави вечных мук.

изобразительная, и блаженны гласа.

Прокимен, Веселитеся о Господе: Стих: Блажени, ихже оставишася беззакония: Другий: Души их во благих водворятся.

Возлюбленнии, надеемся о вас, лучших и придержащихся спасения, аще и тако глаголем.	Возлюбленные, мы надеемся, что вы в лучшем состоянии и держитесь спасения, хотя и говорим так.
Не обидлив бо Бог, забыти дела вашего и труда любве, юже показасте во имя Его, послуживше святым и служаще.	Ибо не неправеден Бог, чтобы забыл дело ваше и труд любви, которую вы оказали во имя Его, послужив и служа святым.
Желаем же, да кийждо вас являет тожде тщание ко извещению упования даже до конца,	Желаем же, чтобы каждый из вас, для совершенной уверенности в надежде, оказывал такую же ревность до конца,
Да не лениви будете, но подражателе наследствующих обетования верою и долготерпением.	Дабы вы не обленились, но подражали тем, которые верою и долготерпением наследуют обетования.

Братие, первый человек от земли, перстен: вторый человек Господь с небесе.	Братья, первый человек – из земли, перстный; второй человек – Господь с неба.
Яков перстный, такови и перстнии: и яков небесный, тацы же и небеснии:	Каков перстный, таковы и перстные; и каков небесный, таковы и небесные.
И якоже облекохомся во образ перстнаго, да облечемся и во образ небеснаго.	И как мы носили образ перстного, будем носить и образ небесного.
Сие же глаголю, братие, яко плоть и кровь Царствия Божия наследити не могут, ниже тление нетления наследствует.	Но то скажу вам, братия, что плоть и кровь не могут наследовать Царствия Божия, и тление не наследует нетления.
Се, тайну вам глаголю: вси бо не успнем, вси же изменимся	Говорю вам тайну: не все мы умрем, но все изменимся
Вскоре, во мгновении ока, в последней трубе: вострубит бо, и мертвии востанут нетленни, и мы изменимся:	Вдруг, во мгновение ока, при последней трубе; ибо вострубит, и мертвые воскреснут нетленными, а мы изменимся.
Подобает бо тленному сему облещися в нетление и мертвенному сему облещися в безсмертие.	Ибо тленному сему надлежит облечься в нетление, и смертному сему облечься в бессмертие.
Егда же тленное сие облечется в нетление и смертное сие облечется в безсмертие, тогда будет слово написанное: пожерта бысть смерть победою.	Когда же тленное сие облечется в нетление и смертное сие облечется в бессмертие, тогда сбудется слово написанное: поглощена смерть победою.
Где ти, смерте, жало? где ти, аде, победа?	Смерть! где твое жало? ад! где твоя победа?
Жало же смерти грех: сила же греха закон.	Жало же смерти – грех; а сила греха – закон.
Богу же благодарение, давшему нам победу Господем нашим Иисус Христом.	Благодарение Богу, даровавшему нам победу Господом нашим Иисусом Христом!

Аллилуиа: Воззваша праведнии: Стих: Блажени, яже избрал:

Во время оно, изшед Иисус от предел Тирских и Сидонских, прииде на море Галилейско, между пределы Декапольски.	Во время оно, выйдя из пределов Тирских и Сидонских, Иисус пошел к морю Галилейскому через пределы Десятиградия.
И приведоша к Нему глуха и гугнива, и моляху Его, да возложит нань руку.	Привели к Нему глухого косноязычного и просили Его возложить на него руку.
И поемь его от народа единаго {особь}, вложи персты Своя во уши его и плюнув коснуся языка его:	Иисус, отведя его в сторону от народа, вложил персты Свои в уши ему и, плюнув, коснулся языка его;
И воззрев на небо, воздохну и глагола ему: еффафа, еже есть разверзися.	И, воззрев на небо, вздохнул и сказал ему: "еффафа'", то есть: отверзись.
И абие разверзостася слуха его, и разрешися уза языка его, и глаголаше право.	И тотчас отверзся у него слух и разрешились узы его языка, и стал говорить чисто.
И запрети им, да ни комуже поведят: елико же им Той запрещаше, паче излиха проповедаху.	И повелел им не сказывать никому. Но сколько Он ни запрещал им, они еще более разглашали.
И преизлиха дивляхуся, глаголюще: добре все творит: и глухия творит слышати, и немыя глаголати.	И чрезвычайно дивились, и говорили: всё хорошо делает, – и глухих делает слышащими, и немых – говорящими.

Рече Господь ко пришедшим к Нему иудеом: аминь, аминь глаголю вам, яко слушаяй словесе Моего и веруяй Пославшему Мя имать живот вечный, и на суд не приидет, но прейдет от смерти в живот.	Сказал Господь ко пришедшим к Нему иудеям: истинно, истинно говорю вам: слушающий слово Мое и верующий в Пославшего Меня имеет жизнь вечную, и на суд не приходит, но перешел от смерти в жизнь.
Аминь, аминь глаголю вам, яко грядет час, и ныне есть, егда мертвии услышат глас Сына Божия, и услышавше оживут.	Истинно, истинно говорю вам: наступает время, и настало уже, когда мертвые услышат глас Сына Божия и, услышав, оживут.
Якоже бо Отец имать живот в Себе, тако даде и Сынови живот имети в Себе	Ибо, как Отец имеет жизнь в Самом Себе, так и Сыну дал иметь жизнь в Самом Себе.
И область даде Ему и суд творити, яко Сын Человечь есть.	И дал Ему власть производить и суд, потому что Он есть Сын Человеческий.
Не дивитеся сему: яко грядет час, в оньже вси сущии во гробех услышат глас Сына Божия,	Не дивитесь сему; ибо наступает время, в которое все, находящиеся в гробах, услышат глас Сына Божия;
И изыдут сотворшии благая в воскрешение живота, а сотворшии злая в воскрешение суда.	И изыдут творившие добро в воскресение жизни, а делавшие зло – в воскресение осуждения.
Не могу Аз о Себе творити ничесоже. Якоже слышу, сужду, и суд Мой праведен есть, яко не ищу воли Моея, но воли пославшаго Мя Отца.	Я ничего не могу творить Сам от Себя. Как слышу, так и сужу, и суд Мой праведен; ибо не ищу Моей воли, но воли пославшего Меня Отца.

Причастен: Радуйтеся праведнии: Другий за упокой: Блажени, яже избрал:

Адрес страницы: http://days.pravoslavie.ru/rubrics/canon368.htm

Суббота 4-й седмицы Великого поста. Песнопения Триоди Постной.

Суббота 4-й седмицы Великого поста.
Песнопения Триоди Постной.