Неделя 5-й седмицы Великого поста.
Песнопения Триоди Постной.

Последование подобне, якоже и в прочих Неделях: в нейже поем и Минеи последование случившагося святаго. Инии же последнейшии предаша пети в сию Неделю последование преподобныя матере нашея Марии Египетския.

Тебе убо возбраняше честных взирания, скверн прежде привлеченное сквернение: твое же чувство, и твоя богомудрая содеянных совесть, к лучшим тебе обращение содеяша. На икону бо воззревши благословенныя Богоотроковицы, всех покаявшися прегрешений своих всехвальная прежних, в дерзновении честному Древу поклонилася еси.

Местом поклонившися радостно святым, добродетели напутное спасительнейшее, оттуду прияла еси, и зело потекла еси доброе шествие: и струю прешедши Иорданскую, в жилище Предтечево усердно вселилася еси, и страстей свирепство жительством омрачила еси, истончавающи в дерзновении, приснопамятная мати, плотская свойства.

В пустыню вселившися твоих страстей образы от души отъяла еси, боговиднейшее изображение в души написавши, добродетелей виды: и толико просияла еси, яко и водами легко преходити блаженная, и от земли взиматися в твоих к Богу молениих: и ныне в дерзновении всеславная Марие Христу предстоящи, молися о душах наших.

Слава, глас 4: Очудотвори Христе Креста Твоего сила, яко и яже прежде блудница, постническим подвигом подвизася: отнюдуже и немощное отвергши, доблественно сопротивоста на диавола. Темже и почесть победы носящи, молится о душах наших.

Слава преподобныя, глас 2: Душевная ловления, и страсти плотския мечем воздержания посекла еси: помысла прегрешения молчанием обучения подавила еси, и струями слез твоих пустыню всю напоила еси, и прозябла еси нам покаяния плоды. Темже твою память преподобная празднуем.

И преподобныя, глас 8: В тебе мати известно спасеся еже по образу: приимши бо крест, последовала еси Христу и деющи учила еси: презирати убо плоть, преходит бо, прилежати же о души вещи безсмертней. Темже и со ангелы срадуется, преподобная Марие, дух твой.

И Богородичен: Иже нас ради рождейся от Девы:

Тыяжде и на Бог Господь:

Ирмос: Воду прошед:

Оставил мя еси богатству сластей, веселящемуся на всяк день в сладости богатому. Темже Тя молю Спасе, огня мя якоже Лазаря избави.

Одеяхся Спасе сластьми, якоже обложивый себе виссон и злато, и златую одежду: но мя во огнь якоже онаго, да не послеши.

Веселяшеся богатством и сладостию богатый, древле в житии тленнем: темже на муки осудися, нищий орошашеся Лазарь.

Богородичен: Чини Тя ангел и человек, безневестная Мати, хвалят непрестанно: Творца бо сих якоже Младенца во объятиих Твоих носила еси.

Ирмос: Волною морскою:

Любовию светоносную и божественную твою память празднующему, свет низпосли ми, предстоящая преподобная свету неприступному Христу, искушений всяческих мя жития избавляющи.

К египтяном плотию отшедый, Неописанный и Превечный, из Египта показует всесветлую тя звезду, ведый Господь вся прежде бытия.

Божественных заповедей честная не ведущи, божественный образ Божий окаляла еси: Божественным же промыслом паки очистила еси всехвальная, обожившися деяньми божественными преподобная твоими.

Богородичен: О Твоего Боже мой многаго благоутробия, и неизреченнаго Твоего снизхождения! Како первее блудницу, Матере Твоея мольбами, яко чистую и непорочную, ангелом уподобил еси.

Ирмос: Ты еси утверждение:

Лазаря якоже спасл еси от пламене Христе, тако мене от огня избави геенскаго, недостойнаго раба Твоего.

Богатый страстьми, и сластьми есмь, Господи, Лазарь же убогий лишением добродетелей, но спаси мя.

В червленицу и виссон облачашеся богатый, сластьми и грехами, сего ради пламенствуется.

Богородичен: Даждь нам помощь, молитвами Твоими Всечистая, прилоги отражающи лютых обстояний.

Ирмос: Тебе на водах:

Ко вратом погибели приближшуюся деяньми безместными, врата прежде адова сокрушивый силою Божества, врата покаяния тебе отверзает всечестная, дверь сый Сам живота.

Оружие греха Долготерпеливе прежде бывшую, оружию Креста Божественнаго поклонением показал еси, оружия бесов вся, и козни всяко побеждающую, Благоутробне.

Цену за всех, Свою прежде измявый кровь, банею слез чистую тя соделовает, проказою лютою болевшую злейшаго деяния, всяко еже быти всем давый.

Богородичен: Слова всякаго есть вышшее, еже на Тебе Дево: Слово бо Отчее в Тебе боголепно вселися, разрешение согрешений всем согрешающим, словом единем подаваяй.

Взыграния вся плотская обуздавши труды постническими, мужественное явила еси души твоея мудрование. Крест бо Господень видети возжелавши, самую себе всечестная мирови распяла еси: отнюдуже и к желанию ангельскаго жительства любезно управила еси себе всеблаженная. Моли Христа Бога, оставление согрешений даровати, чтущим любовию святую память твою.

Слава, и ныне, Богородичен: Небесная врата и ковчег, всесвятую гору, светозарный облак воспоим, неопалимую купину, словесный рай, Евино воззвание, вселенныя всея великое сокровище: яко спасение в Ней содеяся мирови, и оставление древних согрешений. Тем и вопием Ей: молися Сыну Твоему и Богу, согрешений оставление даровати, благочестно покланяющимся всесвятому Рождеству Твоему.

Ирмос: Услышах Господи:

Наслаждашеся богатый брашном, и одеяньми веселяся: Лазарь же насытитися желаше сего трапезы крупиц.

Пси убо облизоваху языком нищаго Лазаря струпы, сострадательнейшее бывающе, богатаго разума ко убогому.

Пред враты валяшеся древле богатаго, Спасе, Лазарь мучимь язвами убожества, отонудуже ныне прославляется.

Богородичен: Егоже родила еси Пречистая, моли спастися воспевающим Тя, от работы льстиваго, яко едина еси нам Предстательница.

Ирмос: На Кресте Твое Божественное истощание:

Яко Содетель человеческаго естества, яко милости источник, и благоутробия богатство, ущедрил еси Человеколюбче прибегницу Твою, и исхитил еси сию губительнаго зверя.

Крест видети потщавшися, крестным просвещением Марие озарилася еси, Крестом беседовавшаго, манием Божественным распеншися мирови досточудная.

Злых вина первее, сласть лукавая, многим бывши, аки солнце просиявши, всем наставница преподобная явися согрешающим.

Богородичен: Ум превозшла еси и небесный, мысленное небо всех Царя: законов бо естества вне Чистая Законодателя и Создателя всех родила еси.

Ирмос: Вскую мя отринул еси:

На Авраамлих недрех, Лазаря богатый егда узре, во свете и славе веселящася, отче, взываше, Аврааме, помилуй мя во огни осужденнаго, и языком люте пламенуема.

Насладился еси богатством жития веселяся, Авраам глаголаше богатому, отнюдуже мучишися зде вечно во огни сый, нищии же в веселии нескончаемом радуется Лазарь.

Жития прелестию богатый бых, якоже богатый житие все сластьми иждивый, Человеколюбче: но молю Твоих щедрот, еже свободити ми ся огня, якоже спасеся Лазарь.

Богородичен: Матернее дерзновение к Сыну стяжавши Всечистая, сроднаго промышления о нас не презри, молимся: яко Тя и едину, христиане ко Владыце, умилостивление благоприятное предлагаем.

Ирмос: Богоявления Твоего Христе:

Моисей прославися иногда на Синаи, Божия задняя таинственно видев преславный, подписуя странное таинство: манноприемлющия же стамны ныне, образу пречистому тепле припадши, Мариа ангельское житие носит.

Храм благолепия Твоего вожделевши псаломски видети, умное же селение славы Твоея, Твой храм осквернившая: умными молитвами Христе, Твоего храма неискусомужныя бывшия, храм мя вседетельнаго сотвори Духа.

Удою плоти, очесы многих уловившая, сластию краткою, снедь же диаволу сих сотворшая, уловлена бысть всеистинно Божественною благодатию Креста честнаго сладчайшая Христови снедь бывши.

Богородичен: Научен лик пророческий таинству еже в Тебе, таинственными богоглаголаньми Пречистая, Тебе многообразно предглагола: манноприемлющия же стамны ныне, образу пречистому сия припадши, Мариа споручница грешных к Богу.

Ирмос: Очисти мя Спасе:

Богатый себе пламеню огненному осуди сластным житием: убогий же Лазарь нищету избрав в сем житии, сподобися нескончаемыя радости.

В недрех Авраамлих Лазарь сподобися, вечнаго живота наслаждаяся: огню же богатый душею и телом осудися мучася.

Осужден есть во огнь богатый Лазаря ради: не осуди мене окаяннаго, молюся человеколюбче Господи, но яко Лазаря, света мя Твоего сподоби.

Богородичен: Да избавимся лютых прегрешений молитвами Твоими Богомати Чистая, и да получим Божественное просвещение, из Тебе несказанно воплощшагося Сына Божия.

Ирмос: Бездна последняя:

Радуются, Марие, ангельская воинства, равное преподобная житие сим в тебе зряще, и славу Господеви зовут.

Ужасаются бесов мрачных состояния, терпеливаго твоея крепости, яко жена преславно, и нагая, и единая сим возмогла еси.

Просияла еси аки солнце Марие всехвальная, и пустыню чудесы всю просветила еси. Темже и мене светом уясни.

Богородичен: Ангели, просветившеся славою Рождества Твоего, на земли мир всем нам, и благоволение человеком, Дево, возопиша.

Блудами первее преисполнена всяческими, Христова невеста днесь покаянием явися, ангельское жительство подражающи, демоны Креста оружием погубляет. Сего ради Царствия невеста явилася еси Марие преславная.

Икос: Агницу Христову и дщерь песньми восхвалим ныне, Марию приснопамятную, явльшуюся Египетское овча: и прелести сих всея избеже, и едина принесеся Церкви совершенное возращение, воздержанием и молитвою подвизающися паче меры человеческаго естества. Темже и возвыси ея и житие и деяние, един Вседержитель, Марии преславныя.

Ирмос: От Иудеи дошедше:

Иов якоже древле во гноищи червей и кале лежаше, такоже и пред враты богатаго Лазарь седяше, вопия: отец Боже благословен еси.

Валяяся пред враты немилосердаго богатаго древле Лазарь, крупиц желаше его трапезы, но никтоже даяше ему: и вместо сих обрете Авраамля недра.

Немилосердаго богатаго части, Христе мой избави мя, молюся, и убогому Лазарю счинив мя, вопити Тебе благодарно сподоби: отец наших Боже благословен еси.

Богородичен: Из утробы девственныя Воплотивыйся, явился еси на спасение наше. Темже Твою Матерь ведуще Богородицу, благодарно зовем: отец наших Боже благословен еси.

Ирмос: Отроцы в Вавилоне:

Превеликий во отцех, обхожда пустыню, Зосима мудрый, преподобную видети сподобися: благословен еси, зовет же, Боже отец наших.

Что отче, странное всякия добродетели детельныя, видети пришел еси женище? преподобная вопияше старцу: благословен еси, зовет же, Боже отец наших.

Умертвивши блаженная страстей твоих взыграния, к безстрастия ныне устремилася еси пристанищу, зовущи: благословен еси Господи Боже отец наших.

Богородичен: Зачала еси неизреченно, Дева пребывши Пречистая, и родила еси мирови спасение, Христа Бога нашего: темже Тя вси песньми вернии величаем.

Ирмос: Седмерицею пещь:

Во одежду багряную и виссон, и порфиру богатый древле облачашеся светло окаянный: убогий же Лазарь во вратех сего люте лежаше, крупиц падающих трапезы хотя насытитися, и никтоже подаяше ему: темже в славе Христу сцарствует.

Во вратех лежаше богатаго Лазарь, согнив телом ранами, и хотяше насыщатися снеди, и никтоже даяше ему: но и пси сострадательно языком облизоваху гной и струпы его. Темже в раи сладости сподобися.

В сластех обогатех, якоже древле богатый, облачаяся на всяк день в багряницу: и аз Многомилостиве, в сладости жития сего себе осуждаю, сластьми и прелестьми. Темже молюся Тебе, от огня избавитися Христе вечнаго, во вся веки.

Троичен: Трисветлое Божество, единственную сияющую зарю, от единаго триипостаснаго Естества, Родителя безначальна, единоестественна же Слова Отцу, и сцарствующа единосущна Духа, дети благословите, священницы воспойте, людие превозносите во вся веки.

Ирмос: Ужаснися бояйся небо:

Глубины сердца испытуяй, прежде бытия предведый вся наша, нужнаго жития исхитил еси прибегшую к Тебе Спасе, нуждно Твоему человеколюбию вопиющую немолчно: священницы благословите, людие превозносите во вся веки.

О изменения честнаго, к лучшему преложения твоего честная! О любве Божественныя, возненавидевшия плотския сласти! О веры горящия и Божественныя, всехвальная Марие! Юже верно хвалим, и превозносим во веки.

Обрела еси болезней возмездие, и трудов твоих воздаяние честная Марие, имиже низложила еси убийцу врага: и ныне со ангелы зовеши, песнь немолчно вопиющи, и превозносящи Христа во веки.

Богородичен: Всего обнови мя благости ради, во утробе Твоей Чистая, не растлив обоего естества свойств, яко всех веков Владыка: отнюдуже Тя, яко вину нашего спасения, песньми поем во вся веки.

Ирмос: Тя неискусобрачную:

Убогаго мя Лазаря Христе, молюся, соделай, сластей возжеления моя потребляя, яко естеством Бог: добродетельми же мя богата сотвори, да верою в песнопениих величаю Тя.

Богатый и немилосердый, ум мой презрех, верою Твоих заповедей Человеколюбче, пред враты повержен люте: но яко сострадателен и любощедр возстави, якоже древле четверодневнаго друга Лазаря.

Вси извыкохом притче Владычней, вси убо вернии возненавидим богатаго немилосердное, да муки избегнем, и в недрех Авраамлих присно ликуим.

Богородичен: Тя невидимаго Бога носившую объятии, на небесех певаемаго от всякия твари, и Тобою нам дарующаго всегда спасение, в вере величаем.

Ирмос: Не рыдай Мене Мати:

Удобь претерпела еси, мати, пустынный труд, укрепляема державною силою Христовою: скверная бо помышления находящая, струями божественных слез угасила еси чистая, постников высото, преподобных похвало.

Пресветлейшими лучами, просвещает тя едина свет рождшая Христа, Дева и Чистая: страшную врагом тя поставляет честная: явственную же всем Марие являет тя, страдалец красото, преподобных утверждение.

Оставивши мудренно земная вся, жилище честное Духа явилася еси: мирских убо лютых свободитися, моли единаго Христа свободителя, верно совершающим Божественную память твою.

Богородичен: Законов естества Дево, паче естества утаившися, новое Отроча на земли родила еси Чистая, Законодавца суща и Ветха деньми, мысленное небо всех Творца: тем верою и любовию Тя ублажаем.

Образ покаяния тебе имуще всепреподобная Марие, Христа моли, во времени Поста, сему нам дароватися, яко да в вере и любви, тя песньми восхвалим.

Богородичен: Сладосте ангелов, скорбящих радосте, христиан предстательнице, Дево Мати Господня, заступи нас, и избави вечных мук.

Таже глаголем стих: Воскресни Господи Боже мой, да вознесется рука Твоя, не забуди убогих Твоих до конца.

Несть Царство Божие пища и питие: но правда и воздержание со святостию. Темже не богатии внидут в не: но елицы сокровища своя в руки нищих влагают. Сия и Давид пророк учит глаголя: праведен муж милуяй весь день, наслаждаяйся Господеви, и во свете ходяй не поткнется. Сия же вся к наказанию нашему писашася, яко да постящеся благостыню творим, и даст нам Господь вместо земных небесная.

блаженна гласа. Прокимен по гласу Апостола.

Братие, Христос же пришед Архиерей грядущих благ, болшею и совершеннейшею скиниею, нерукотворенною, сиречь, не сея твари,	Братья, Христос, Первосвященник будущих благ, придя с большею и совершеннейшею скиниею, нерукотворенною, то есть не такового устроения,
Ни кровию козлею ниже телчею, но Своею Кровию, вниде eдиною во святая, вечное искупление обретый.	И не с кровью козлов и тельцов, но со Своею Кровию, однажды вошел во святилище и приобрел вечное искупление.
Аще бо кровь козляя и телчая и пепел юнчий кропящий осквернeныя освящает к плотстей чистоте:	Ибо если кровь тельцов и козлов и пепел телицы, через окропление, освящает оскверненных, дабы чисто было тело,
Кольми паче Кровь Христова, Иже Духом Святым Себе принесе непорочна Богу, очистит совесть нашу от мертвых дел, во eже служити нам Богу живу и истинну!	То кольми паче Кровь Христа, Который Духом Святым принес Себя непорочного Богу, очистит совесть нашу от мертвых дел, для служения Богу живому и истинному!

Братие, прежде же пришествия веры, под законом стрегоми бехом, затворени в хотящую веру открытися.	Братья, до пришествия веры мы заключены были под стражею закона, до того времени, как надлежало открыться вере.
Темже закон пестун нам бысть во Христа, да от веры оправдимся:	Итак закон был для нас детоводителем ко Христу, дабы нам оправдаться верою;
Пришедшей же вере, уже не под пестуном eсмы.	По пришествии же веры, мы уже не под руководством детоводителя.
Вси бо вы сынове Божии eсте верою о Христе Иисусе:	Ибо все вы сыны Божии по вере во Христа Иисуса;
Eлицы бо во Христа крестистеся, во Христа облекостеся.	Все вы, во Христа крестившиеся, во Христа облеклись.
Несть Иудей, ни eллин: несть раб, ни свободь: несть мужеский пол, ни женский: вси бо вы eдино eсте о Христе Иисусе.	Нет уже Иудея, ни язычника; нет раба, ни свободного; нет мужеского пола, ни женского: ибо все вы одно во Христе Иисусе.
Аще ли вы Христовы, убо Авраамле семя eсте, и по обетованию наследницы.	Если же вы Христовы, то вы семя Авраамово и по обетованию наследники.

Аллилуиа гласа.

Бяху же на пути, восходяще во Иерусалим: и бе варяя их Иисус, и ужасахуся, и вслед идуще, бояхуся. И поемь паки oбанадесять, начат им глаголати, яже хотяху Eму быти:	Когда были они на пути, восходя в Иерусалим, Иисус шел впереди их, а они ужасались и, следуя за Ним, были в страхе. Подозвав двенадцать, Он опять начал им говорить о том, что будет с Ним:
Яко, се, восходим во Иерусалим, и Сын Человеческий предан будет архиереом и книжником, и осудят Eго на смерть, и предадят Eго языком:	Вот, мы восходим в Иерусалим, и Сын Человеческий предан будет первосвященникам и книжникам, и осудят Его на смерть, и предадут Его язычникам,
И поругаются Eму, и уязвят Eго, и оплюют Eго, и убиют Eго: и в третий день воскреснет.	И поругаются над Ним, и будут бить Его, и оплюют Его, и убьют Его; и в третий день воскреснет.
И пред Него приидоста Иаков и Иоанн, сына Зеведеeва, глаголюща: Учителю, хощева, да, eже аще просива, сотвориши нама.	Тогда подошли к Нему сыновья Зеведеевы Иаков и Иоанн и сказали: Учитель! мы желаем, чтобы Ты сделал нам, о чем попросим.
Oн же рече има: что хощета, да сотворю вама?	Он сказал им: что хотите, чтобы Я сделал вам?
Она же реста Eму: даждь нам, да eдин о десную Тебe и eдин о шуюю Тебe сядева во славе Твоей.	Они сказали Ему: дай нам сесть у Тебя, одному по правую сторону, а другому по левую в славе Твоей.
Иисус же рече има: не веста, чесо просита: можета ли пити чашу, юже Аз пию, и крещением, имже Аз крещаюся, креститися?	Но Иисус сказал им: не знаете, чего просите. Можете ли пить чашу, которую Я пью, и креститься крещением, которым Я крещусь?
Она же реста Eму: можева. Иисус же рече има: чашу убо, юже Аз пию, испиета, и крещением, имже Аз крещаюся, креститася:	Они отвечали: можем. Иисус же сказал им: чашу, которую Я пью, будете пить, и крещением, которым Я крещусь, будете креститься;
А eже сести о десную Менe и о шуюю, несть Мне дати, но имже уготовано eсть.	А дать сесть у Меня по правую сторону и по левую – не от Меня зависит, но кому уготовано.
И слышавше десять, начаша негодовати о Иакове и Иоанне.	И, услышав, десять начали негодовать на Иакова и Иоанна.
Иисус же призвав их, глагола им: весте, яко мнящиися владети языки, соодолевают им, и велицыи их обладают ими:	Иисус же, подозвав их, сказал им: вы знаете, что почитающиеся князьями народов господствуют над ними, и вельможи их властвуют ими.
Не тако же будет в вас: но иже аще хощет в вас вящший быти, да будет вам слуга:	Но между вами да не будет так: а кто хочет быть большим между вами, да будем вам слугою;
И иже аще хощет в вас быти старей, да будет всем раб:	И кто хочет быть первым между вами, да будет всем рабом.
Ибо Сын Человечь не прииде, да послужат Eму, но да послужит и даст душу Свою избавление за многи.	Ибо и Сын Человеческий не для того пришел, чтобы Ему служили, но чтобы послужить и отдать душу Свою для искупления многих.

Моляше же Eго некий от фарисeй, да бы ял с ним: и вшед в дом фарисеов, возлеже.	Некто из фарисеев просил Его вкусить с ним пищи; и Он, войдя в дом фарисея, возлег.
И се жена во граде, яже бе грешница, и уведевши, яко возлежит во храмине фарисеове, принесши алавастр мира,	И вот, женщина того города, которая была грешница, узнав, что Он возлежит в доме фарисея, принесла алавастровый сосуд с миром
И ставши при ногу Eго созади, плачущися, начат умывати нозе Eго слезами, и власы главы своея отираше, и облобызаше нозе Eго, и мазаше миром.	И, став позади у ног Его и плача, начала обливать ноги Его слезами и отирать волосами головы своей, и целовала ноги Его, и мазала миром.
Видев же фарисей воззвавый Eго, рече в себе, глаголя: Сей аще бы был пророк, ведел бы кто и какова жена прикасается Eму: яко грешница eсть.	Видя это, фарисей, пригласивший Его, сказал сам в себе: если бы Он был пророк, то знал бы, кто и какая женщина прикасается к Нему, ибо она грешница.
И отвещав Иисус рече к нему: Симоне, имам ти нечто рещи. Oн же рече: Учителю, рцы.	Обратившись к нему, Иисус сказал: Симон! Я имею нечто сказать тебе. Он говорит: скажи, Учитель.
Иисус же рече: два должника беста заимодавцу некоему: eдин бе должен пятиюсот динарий, другий же пятиюдесят:	Иисус сказал: у одного заимодавца было два должника: один должен был пятьсот динариев, а другой пятьдесят,
Не имущема же има воздати, oбема отда (остави). Который убо eю, рцы, паче возлюбит eго?	Но как они не имели чем заплатить, он простил обоим. Скажи же, который из них более возлюбит его?
Отвещав же Симон рече: мню, яко eмуже вящше отда (остави). Oн же рече eму: право судил eси.	Симон отвечал: думаю, тот, которому более простил. Он сказал ему: правильно ты рассудил.
И обращься к жене, Симонови рече: видиши ли сию жену? Внидох в дом твой, воды на нозе Мои не дал eси: сия же слезами облия Ми нозе и власы главы своея отре.	И, обратившись к женщине, сказал Симону: видишь ли ты эту женщину? Я пришел в дом твой, и ты воды Мне на ноги не дал, а она слезами облила Мне ноги и волосами головы своей отёрла;
Лобзания Ми не дал eси: сия же, отнелиже внидох, не преста облобызающи Ми нозе.	Ты целования Мне не дал, а она, с тех пор как Я пришел, не перестает целовать у Меня ноги;
Маслом главы Моея не помазал eси: сия же миром помаза Ми нозе.	Ты головы Мне маслом не помазал, а она миром помазала Мне ноги.
Егоже ради, глаголю ти: отпущаются греси eя мнози, яко возлюби много: а eмуже мало оставляется, меньше любит.	А потому сказываю тебе: прощаются грехи её многие за то, что она возлюбила много, а кому мало прощается, тот мало любит.
Рече же eй: отпущаются тебе греси.	Ей же сказал: прощаются тебе грехи.
И начаша возлежащии с Ним глаголати в себе: кто Сей eсть, иже и грехи отпущает?	И возлежавшие с Ним начали говорить про себя: кто это, что и грехи прощает?
Рече же к жене: вера твоя спасе тя: иди в мире.	Он же сказал женщине: вера твоя спасла тебя, иди с миром.

Причастен: Хвалите Господа с Небес:

На трапезе учреждаемся, якоже и в прежних Неделях.

Адрес страницы: http://days.pravoslavie.ru/rubrics/canon388.htm

Неделя 5-й седмицы Великого поста. Песнопения Триоди Постной.

Неделя 5-й седмицы Великого поста.
Песнопения Триоди Постной.