Великий Четверток.
Песнопения Триоди Постной.

клеплет параекклисиарх в седмый час нощи (в 1-м часу ночи – А.Р.), и собравшимся нам в церковь, и сотворшу священнику начало: Благословен Бог наш: Начинаем абие по обычаю: таже шестопсалмие, по исполнении шестопсалмиа, Аллилуиа, на глас 8. И тропарь глас 8, трижды:

Егда славнии ученицы на умовении Вечери просвещахуся, тогда Иуда злочестивый сребролюбием недуговав омрачашеся, и беззаконным судиям Тебе праведнаго Судию предает. Виждь имений рачителю, сих ради удавление употребивша! Бежи несытыя души, Учителю таковая дерзнувшия: Иже о всех благий, Господи слава Тебе.

Таже, Евангелие от Луки зачало 108, без преступки: Во время оно, приближашеся праздник опреснок: Конец в зачале 109-м: По Немже идоша ученицы Его.

Во время оно, приближашеся праздник опреснок, глаголемый Пасха: и искаху архиерее и книжницы, како бы убили Его: бояхуся бо людей. Вниде же сатана во Иуду нарицаемаго Искариот, суща от числа обоюнадесяте. И шед глагола архиереом и воеводам, како Его предаст им. И возрадовашася, и совещаша ему сребреники дати: и исповеда {обещася}, и искаше удобна времене, да предаст Его им без народа. Прииде же день опресноков, воньже подобаше жрети пасху: и посла Петра и Иоанна, рек: шедша уготовайта нам пасху, да ямы. Она же рекоста Ему: где хощеши уготоваем? Он же рече има: се восходящема вама во град, срящет вы человек в скудельнице воду нося: по нем идета в дом, воньже входит, и рцета дому владыце: глаголет тебе Учитель: где есть обитель, идеже пасху со ученики Моими снем? И той вама покажет горницу велию постлану: ту уготовайта. Шедша же обретоста, якоже рече има: и уготоваста пасху. И егда бысть час, возлеже, и обанадесяте апостола с Ним. И рече к ним: желанием возжелех сию пасху ясти с вами, прежде даже не прииму мук: глаголю бо вам, яко отселе не имам ясти от нея, дондеже скончаются во Царствии Божии. И приим чашу, хвалу воздав, рече: приимите сию, и разделите себе: глаголю бо вам, яко не имам пити от плода лознаго, дондеже Царствие Божие приидет. И приим хлеб, хвалу воздав преломи, и даде им, глаголя: сие есть тело Мое, еже за вы даемо: сие творите в мое воспоминание. Такожде же и чашу по вечери, глаголя: сия чаша Новый Завет Моею кровию, яже за вы проливается: обаче се, рука предающаго Мя со мною (есть) на трапезе, и Сын убо Человеческий идет по реченному {по предуставленному совету}: обаче горе человеку тому, имже предается. И тии начаша искати в себе, который убо от них хощет сие сотворити. Бысть же и пря в них, кий мнится их быти болий. Он же рече им: царие язык господствуют ими, и обладающии ими благодателе нарицаются. Вы же не тако: но болий в вас, да будет яко мний: и старей, яко служай. Кто бо болий, возлежай ли, или служай? не возлежай ли? Аз же посреде вас есмь яко служай. Вы же есте пребывше со Мною в напастех Моих: и Аз завещаваю вам, якоже завеща Мне Отец Мой, Царство, да ясте и пиете на трапезе Моей во Царствии Моем: и сядете на престолех, судяще обеманадесяте коленома Израилевома. Рече же Господь: Симоне, Симоне, се сатана просит вас, да бы сеял, яко пшеницу: Аз же молихся о тебе, да не оскудеет вера твоя: и ты некогда обращься утверди братию твою. Он же рече Ему: Господи, с Тобою готов есмь и в темницу и на смерть ити. Он же рече: глаголю ти, Петре, не возгласит петель днесь, дондеже трикраты отвержешися Мене не ведети. И рече им: егда послах вы без влагалища и без меха и без сапог, еда чесого лишени бысте? Они же реша: ничесоже. Рече же им: но ныне иже имать влагалище, да возмет, такожде и мех: а иже не имать, да продаст ризу свою, и купит нож. Глаголю бо вам, яко еще писаное се, подобает, да скончается о Мне, еже: и со беззаконными вменися. Ибо еже о Мне, кончину имать. Они же реша: Господи, се ножа зде два. Он же рече им: доволно есть. И изшед иде по обычаю в гору Елеонскую: по Нем же идоша ученицы Его.

Во время оно, приближался праздник опресноков, называемый Пасхою, и искали первосвященники и книжники, как бы погубить Его, потому что боялись народа. Вошел же сатана в Иуду, прозванного Искариотом, одного из числа двенадцати, и он пошел, и говорил с первосвященниками и начальниками, как Его предать им. Они обрадовались и согласились дать ему денег; и он обещал, и искал удобного времени, чтобы предать Его им не при народе. Настал же день опресноков, в который надлежало заколать пасхального агнца, и послал Иисус Петра и Иоанна, сказав: пойдите, приготовьте нам есть пасху. Они же сказали Ему: где велишь нам приготовить? Он сказал им: вот, при входе вашем в город, встретится с вами человек, несущий кувшин воды; последуйте за ним в дом, в который войдет он, и скажите хозяину дома: Учитель говорит тебе: где комната, в которой бы Мне есть пасху с учениками Моими? И он покажет вам горницу большую устланную; там приготовьте. Они пошли, и нашли, как сказал им, и приготовили пасху. И когда настал час, Он возлег, и двенадцать Апостолов с Ним, и сказал им: очень желал Я есть с вами сию пасху прежде Моего страдания, ибо сказываю вам, что уже не буду есть ее, пока она не совершится в Царствии Божием. И, взяв чашу и благодарив, сказал: приимите ее и разделите между собою, ибо сказываю вам, что не буду пить от плода виноградного, доколе не придет Царствие Божие. И, взяв хлеб и благодарив, преломил и подал им, говоря: сие есть тело Мое, которое за вас предается; сие творите в Мое воспоминание. Также и чашу после вечери, говоря: сия чаша есть Новый Завет в Моей крови, которая за вас проливается. И вот, рука предающего Меня со Мною за столом; впрочем, Сын Человеческий идет по предназначению, но горе тому человеку, которым Он предается. И они начали спрашивать друг друга, кто бы из них был, который это сделает. Был же и спор между ними, кто из них должен почитаться бо'льшим. Он же сказал им: цари господствуют над народами, и владеющие ими благодетелями называются, а вы не так: но кто из вас больше, будь как меньший, и начальствующий – как служащий. Ибо кто больше: возлежащий, или служащий? не возлежащий ли? А Я посреди вас, как служащий. Но вы пребыли со Мною в напастях Моих, и Я завещаваю вам, как завещал Мне Отец Мой, Царство, да ядите и пиете за трапезою Моею в Царстве Моем, и сядете на престолах судить двенадцать колен Израилевых. И сказал Господь: Симон! Симон! се, сатана просил, чтобы сеять вас как пшеницу, но Я молился о тебе, чтобы не оскудела вера твоя; и ты некогда, обратившись, утверди братьев твоих. Он отвечал Ему: Господи! с Тобою я готов и в темницу и на смерть идти. Но Он сказал: говорю тебе, Петр, не пропоет петух сегодня, как ты трижды отречешься, что не знаешь Меня. И сказал им: когда Я посылал вас без мешка и без сумы' и без обуви, имели ли вы в чем недостаток? Они отвечали: ни в чем. Тогда Он сказал им: но теперь, кто имеет мешок, тот возьми его, также и суму'; а у кого нет, продай одежду свою и купи меч; ибо сказываю вам, что должно исполниться на Мне и сему написанному: и к злодеям причтен. Ибо то, что о Мне, приходит к концу. Они сказали: Господи! вот, здесь два меча. Он сказал им: довольно. И, выйдя, пошел по обыкновению на гору Елеонскую, за Ним последовали и ученики Его.

И псалом 50. Молитвы же, Спаси Боже люди Твоя: не глаголем.

{Τ} Ирмос: Сеченое сечется море Чермное, волнопитаемая же изсушается глубина: таяжде купно безоружным бывши проходима, и всеоружным гроб. Песнь же Богокрасная воспевашеся: славно прославися Христос Бог наш.

{Η} Всевиновная и подательная жизни, безмерная мудрость Божия, созда храм Себе от Чистыя Неискусомужныя Матере: в храм бо телесно оболкийся, славно прославися Христос Бог наш.

{Μ} Тайноводящи други Своя, душепитательную уготовляет Трапезу, безсмертия же воистинну мудрость Божия растворяет Чашу верным. Приступим благочестно, и возопиим: славно прославися Христос Бог наш.

{Α} Услышим вси вернии, созывающую высоким проповеданием, несозданную и естественную премудрость Божию, вопиет бо: вкусите и разумевше, яко Христос Аз, возопийте: славно прославися Христос Бог наш.

{Κ} Ирмос: Господи сый всех, и Зиждитель Бог, созданное безстрастный обнищав Себе соедини, и Пасха за яже хотяше умрети, Сам сый Себе предпожре: ядите, вопия, Тело Мое, и верою утвердитеся.

{Ρ} Избавительною всего рода человеча, Твоею Блаже Твоя ученики напоил еси веселия Чашею, наполнив ю, Сам бо Себе священнодействуеши, пийте, вопия, Кровь Мою, и верою утвердитеся.

{Α} Безумный муж иже в вас предатель, учеником Твоим предрекл еси незлобиве, не уразумеет сих, и той несмыслен сый не имать разумети. Обаче во Мне пребудите, и верою утвердитеся.

Езера и источники и моря сотворивый, смирению нас наказуя изрядному, лентием опоясався, учеников ноги умы, смиряяся премножеством благоутробия, и возвышая нас от пропастей злобы, един Человеколюбец.

Смиряяся за благоутробие, ноги умыл еси учеников Твоих, и к течению Божественному сия направил еси: не повинуяся же Петр умытися, абие Божественному повинуется повелению, омываемь, и Тебе прилежно моляся, даровати нам велию милость.

Ядый Владыко со ученики Твоими, таинственно явил еси всесвятое Твое заколение, имже тли избавихомся, честная Твоя почитающии страдания.

{Π} Ирмос: Провидев пророк тайну Твою неизреченную Христе, провозгласи: положил еси твердую любовь крепости Отче щедрый: единороднаго бо Сына Благий, очищение в мир послал еси.

{Ε} На страсть всем сущим из Адама источившую безстрастие, Христе грядый, другом Твоим рекл еси: с вами Пасхи сея причаститися возжелах: единороднаго бо Мя очищение Отец в мир послал есть.

{Μ} Причащаяся Чаши, учеником вопиял еси Безсмертне: плода лознаго ктому не пию прочее, с вами живя: единороднаго бо Мя очищение Отец в мир послал есть.

{Π} Питие новое паче слова, Аз глаголю, во Царствии Моем, Христос другом, пию, якоже бо Бог с вами боги буду, рекл еси: единороднаго бо Мя очищение Отец в мир послал есть.

{Τ} Ирмос: Союзом любве связуеми апостоли, владычествущему всеми себе Христу возложше, красны ноги очищаху, благовествующе всем мир.

{Η} Неодержимую держащая, и превыспреннюю на воздусе воду, бездны обуздовающая, и моря востязующая Божия премудрость, воду во умывальницу вливает, ноги же омывает рабов Владыка.

{Μ} Учеником показует смирения образ Владыка, облаки облагаяй небо, препоясуется лентием, и преклоняет колена, рабом омыти ноги, в Егоже руце дыхание всех сущих.

{Α} Ирмос: Бездна последняя грехов обыде мя, и волнения не ктому терпя, яко Иона Владыце вопию Ти: от тли мя возведи.

{Κ} Господа глашаете Мя, о ученицы, и Учителя: есмь бо, Спасе вопиял еси. Темже подражайте образ, егоже во Мне видесте.

{Ρ} Скверны кто не имея, омыти не требует ног: чисти же, о ученицы вы, но не вси: мгновением бо безчинно един от вас неистовствует.

Хлеб прием в руце предатель, сокровенно тыя простирает, и приемлет цену Создавшаго Своима рукама человека, и неисправлен пребысть Иуда раб и льстец.

Икос: Тайной трапезе, в страсе приближившеся вси, чистыми душами хлеб приимем, спребывающе Владыце: да видим, како умывает ноги учеников, и сотворим, якоже видим, друг другу покаряющеся, и друг другу нозе умывающе, Христос бо тако повеле Своим учеником, предрек тако творити: но не услыша Иуда раб и льстец.

Умывает учеников в вечер Бог ноги:

Егоже нога попирая бе во едеме прещение древле.

Сугубая Вечеря, Пасху бо закона носит:

И Пасху новую, Кровь, Тело Владычнее.

Молитва и страшилище, труды кровей:

Христе лицу яве моляся.

Смерть, врага прельщая в сих.

Что требе ножей? Что древес людолестцы,

На хотящаго умрети во избавление мира?

Во Святый и Великий Четверток, иже вся добре счинившии божественнии отцы, друг другоприимательно от божественных же апостол, и священных и Божественных Евангелий, предаша нам четыре некая праздновати: священное умовение: Тайную Вечерю: предание яве еже по нам страшных Таин: преестественную молитву, и самое то предательство: понеже бо еврейская Фаска по Пятце жретися имяше. Бяше же убо прикладно, образованию последствовати и истине, в том яве и еже по нам Пасце жретися Христу, предварив Господь наш Иисус Христос, якоже божественнии отцы глаголют, действует тую со ученики в вечер Четвертка. Той бо вечер и Пяток весь, един день у еврей вменяется: сице бо они числят нощеденство глаголюще. Действова убо сию и тогда [якоже реша нецыи] со ученики по закону, ихже един есть и божественный Златоуст. Первое просто стояще, и опоясани, в сапоги обувени, жезлы подпирающеся, и ина елика закон повелевает, да не законопреступен вознепщуется. Сия бо Зеведей уготова: сей бо скудель носяй воды, якоже Великий глаголет Афанасий, аще инии инако о сем реша. Потом же учеником совершеннейшая показуя, и еже по нам Пасхи таинство предает на горнице, уже нашедшей нощи. Вечери бо, глаголет, бывшей, возлеже со двеманадесять. Зри же, яко не сие бяше законная Пасха, Вечеря бо и возлежание, и хлеб, и вода: тамо же вся печена огнем, и безквасна. Прежде же начатия еже вечеряти, [сице бо глаголет божественный Златоуст] от Вечери востает, и полагает низу ризы, и воду во умывальницу вливает Сам самодействуяй вся, вкупе убо Иуду усрамляя, вкупе же и другим учеником воспоминая, еже старейшинства не искати. Якоже и по умовении наказует, глаголя: хотяй быти первый, да будет всех последний, Самого Себе положив во указание. Является же, яко прежде всех Иуду умы Христос, безстудне председша: последи же к Петру приходит: сей же тепльший иных сый, Учителю возбраняет, и оставляет паки зельнее. Умыв убо их ноги, и возвышение преславное смирением показав, взем ризы паки, и возлег, наказует их любити друг друга, и старейшинства не искати. Ядущим же им, и о предательстве вводит начало. Мятущимся же о словеси учеником, глаголет Иисус Иоанну единому тайно: емуже Аз омочив хлеб подам, той есть предаяй мя. Аще бо бы ведал Петр слово, аки сый иных тепльший, Иуду убил бы бяше. И паки: омочивый со Мною в солило руку: якоже обоя быша. Таже мало что оставль, взем хлеб, глаголет: приимите, ядите, и чашу подобне: пийте от нея вси, рек, сия есть Кровь Моя Новаго Завета, сие творите в Мое воспоминание. Обаче и Сам сие творя, ядяше и пияше с ними. Зри же, яко хлеб глаголет Тело Свое, а не опреснок: да постыдятся убо иже жертве опреснок приносящии. По хлебе же вниде во Иуду сатана: искушаяй бо его прежде, ныне всеконечно в него вселися. И изшед, глаголет: сложение положи архиереем, да предаст Его им на тридесяти сребреницех. Ученицы же по Вечери изыдоша на гору Елеонскую, в некое село, глаголемое Гефсимани. По мнозе же глаголет им Иисус: вы вси соблазнитеся о Мне в нощи сей. Петр же рече: аще и вси, аз не отвергуся Тебе: бяше же позде, сиречь глубоконощие. Он же глагола: прежде даже не возгласит петель дващи, отвержешися Мене трижды, еже и бысть. Боязнию безмерною Петру яту бывшу: Богу немощное показующу естества, и купно понеже вселенную ему вручи, да от своего естества удобоводительное разумев, милостивен будет к согрешающим: обаче трикратное Петрово отвержение, всех человеков грех к Богу изобразоваше. Первое, заповедь юже преступи Адам. Второе, писаннаго закона преступление. Третие же, самое воплощение Слова: еже паки последи Спас трегубым покаянием исцели: за еже, Петре, любиши ли Мя, трижды изрещи. По сих же глаголет учеником, [человеческое показуя, яко страшна всем смерть] прискорбна есть душа Моя даже до смерти. И прешед яко камене вержение, помолися трикраты, рек: Отче Мой, аще не возможет чаша сия прейти от Мене, аще ю не пию: да будет воля Твоя. И паки: Отче, аще мощно, да мимо идет от Мене чаша сия? Купно убо яко человек сие глаголя, купно же и диавола преходя хитростно: яко да непщуя и Онаго человека быти, за еже негли боятися, смерти ради крестныя не пресечет таинства. Возвращься же и обрет ученики сном погружены, к Петру обращается, сице глаголя: ни единаго ли часа возмогосте побдети со Мною? Сиречь, ты глаголяй даже и до смерти подвизатися, сице сонствуеши с прочими. Пришед же об он пол потока Кедрскаго, идеже бе вертоград водворися тамо со ученики Своими. Часто же тамо приходити обычай имеяше. Тем и Иуда ведяше место: иже неких от воин взем, и народу последующу, прииде на Иисуса, дав им лобзания знамение. Сие же рече, занеже многажды удержан быв, неявлен от среды их прохождаше: якоже и зде Сам Христос прежде исходит к ним глаголя: кого ищете? Они же Его и еще не познаваху, не бо нощь претыкания бяше, светила бо беша, глаголет, и свещи горяща, и страхом падше отлучишася, и паки пришедшим Сам отвещаваше. Иуде же сотворшу сложение, Христос глаголет: друже, на немже еси, сиречь, на неже пришел еси Иудо, благовременно есть. И паки глаголет: яко на разбойника ли изыдосте со оружием и древесы яти Мя? В нощи же приидоша, да не некая молва от народа будет. Тогда теплейший Петр извлек нож, от вечери бо бяху к сицевым уготовлени, архиереева раба Малха именем поразив, десное ухо отсече. Ведяше же Иисус, яко архиерее рекут: не добре закон слышаше и учаше: возбраняет убо Петру Христос, яко не добро есть послушнику сущу духовнаго Мужа, меча употребляти: Малхово же ухо исцеляет. Емше же убо Иисуса, связана приводят на двор архиереа Анны, иже бе тесть Каиафы: тамо бо бяху вси собрани на Христа гласящии, фарисее и книжницы. Зде яже на Петра от отроковицы, отвержение его бывает, и нощи посреде иждившейся, петель возгласи третие: он же помянув восплакася горько. И времени уже ко утру пришедшу, от Анны ко архиерею Каиафе Христа приводят, идеже и оплевание прият, и лжесвидетели воззвани быша: и озаряющу дню к Пилату его посылает Каиафа. Приведшии же его, глаголет, не внидоша в претор, да не осквернятся, но да ядят Пасху. Собираются убо, яко беззаконно негли архиереи и фарисеи тогда содеяша преложивше Пасху, якоже глаголет божественный Златоуст: в нощь бо ону подобаше им тую ясти, но Христова ради убийства преложиша. А яко тогда должно бяше им ясти ю, яви Христос, прежде Вечерю нощию ядый, таже тайнонаучив совершенным: или яко в законном образе подобаше, якоже речено бысть, и истине быти: Иоанн бо прежде праздника глаголет Пасхи. Сих ради всех бывших в Четверток, и нощь его тогдашную и мы празднуем, поминание страшных и неизреченных дел оных и деяний со страхом творяще. Неизреченным Твоим благоутробием Христе Боже наш, помилуй нас, аминь.

{Ο} Ирмос: Отроцы в Вавилоне пещнаго пламене не убояшася, но посреде пламене ввержени, орошаеми пояху: благословен еси Господи Боже отец наших.

{Ν} Помавая главою Иуда злая предзрев подвиже, благовремение иский предати Судию на осуждение, Иже всех есть Господь и Бог отец наших.

{Υ} Вам Христос другом вопияше: един предаст Мя, веселия забывше, скорбию и страхом одержими бяху: кто сей, скажи, глаголюще, Боже отец наших?

{Μ} Иже со Мною руку свою в солило вложит дерзостию, тому обаче добро бы врата жития пройти никогдаже: сего, иже бе предатель, являше Бог отец наших.

{Ν} Ирмос: За законы отеческия блаженнии в Вавилоне юноши предбедствующе, царюющаго оплеваша повеление безумное, и совокуплени имже не сваришася огнем, Державствующему достойную воспеваху песнь: Господа пойте дела, и превозносите во вся веки.

{Ο} Сообедницы блаженнии, в Сионе словом претерпевше апостоли последоваху Пастырю, яко агнцы, и совокуплени, Егоже не разлучишася Христа, Божественным словом питаеми, благодарственно вопияху: Господа пойте дела, и превозносите во вся веки.

{Ν} Законныя дружбы злоименитый Искариот волею забыв, яже нозе умы, уготови на предание: и Твой ядый Хлеб, Тело Божественное, воздвиже ков на Тя Христе, и вопити не разуме: Господа пойте дела, и превозносите во вся веки.

{Ε} Приимаше решительное греха Тело безсовестный, и Кровь изливаемую за мир Божественную, но не стыдяшеся пия, юже продаяше на цене, о злобе же не негодова, и вопити не разуме: Господа пойте дела, и превозносите во вся веки.

{Ξ} Ирмос: Странствия Владычня, и безсмертныя Трапезы на горнем месте, высокими умы, вернии приидите насладимся, возшедша слова, от Слова научившеся, Егоже величаем.

{Α} Идите, учеником слово рече, Пасху на горничном месте, еюже ум утверждается, и сию тайноводительно уготовите, безквасным истинным словом, твердое же благодати величайте.

{Δ} Содетельницу Отец прежде век премудрость раждает Мя, начаток путей, в дела созда ныне тайно совершаемая: Слово бо несозданное сый естеством, гласы присвояюся, егоже ныне приях.

{Ω} Яко человек сый существом, не мечтанием, сице Бог нравом воздаяния, естество соединившееся мне. Христа единаго тем Мя знайте, от нихже, в нихже, яже есмь, спасающа.

Чертог Твой вижду Спасе мой, украшенный, и одежды не имам да вниду вонь: просвети одеяние души моея Светодавче, и спаси мя.

Стекается прочее соборище иудейское, да Содетеля и Зиждителя всяческих Пилату предаст: о беззаконных, о неверных! Яко грядущаго судити живым и мертвым, на суд готовят: исцеляющаго страсти, ко страстем уготовляют. Господи долготерпеливе, велия Твоя милость, слава Тебе.

Иуда беззаконный, Господи, омочивый на Вечери руку в солиле с Тобою, простре к беззаконным руце прияти сребреники, и мира умысливый цену, Тебе Безценнаго не убояся продати: нозе прострый во еже умыти, Владыку облобыза льстивно, во еже предати беззаконным: лика же апостольскаго отвергся, и тридесять поверг сребреники, Твоего тридневнаго воскресения не веде, имже помилуй нас.

Иуда предатель льстив сый, льстивным лобзанием предаде Спаса Господа, и Владыку всех, яко раба продаде иудеом: яко овча на заколение, тако последоваше Агнец Божий, Сын Отчий, един Многомилостивый.

Иуда раб и льстец, ученик и наветник, друг и диавол от дел явися: последоваше бо Учителю, и на Него поучашеся преданию, глаголаше в себе: предам Того, и приобрящу собранная имения, искаше же и миру продану быти, и Иисуса лестию яти. Отдаде целование, предаде Христа: и яко овча на заколение, сице последоваше един Благоутробный и Человеколюбец.

Егоже проповеда Агнца Исаиа, грядет на заколение вольное, и плещи дает на раны, ланиты на заушения, лица же не отврати от срамоты заплеваний, смертию же безобразною осуждается. Вся Безгрешный волею приемлет, да всем дарует из мертвых воскресение.

Днесь еже на Христа лукавое собрася соборище, и на Него тщетная советоваше, предати Пилату на смерть неповиннаго. Днесь имением удавление Иуда себе облагает, и лишается обоюду жизни привременныя и Божественныя. Днесь Каиафа неволею пророчествует: уне, глаголя, единому умрети за люди. Прииде бо за грехи наша пострадати, да нас свободит от работы вражия, яко Благ и Человеколюбец.

Стих: Ядый хлебы Моя, возвеличи на Мя запинание.

Днесь Иуда нищелюбия сокрывает лице, и лихоимства открывает зрак: не ктому о нищих печется, не ктому миро продает грешныя, но небесное миро, и от него усвояет сребренники. Течет ко иудеом, глаголет беззаконным: что ми хощете дати, и аз вам предам Его? О сребролюбия предателя! Удобопродательную творит куплю, к воле купующих, непродаемаго куплю творит, не скуп является к цене, но яко раба бежащаго продает: обычай бо крадущим метати честная. Ныне же поверже Святая псом ученик, бесование бо сребролюбия, на своего Владыку неистовитися сотвори его. Егоже искушения бежим, зовуще: долготерпеливе Господи, слава Тебе.

Стих: Исхождаше вон, и глаголаше вкупе.

Нрав твой льсти исполняется, беззаконный Иудо: недугуя бо сребролюбием, приобрел еси человеконенавидение. Аще бо богатство любил еси, почто ко учащему о нищете пришел еси? Аще же и любил еси, вскую продал еси безценнаго, предав на убиение? Ужаснися солнце, возстени земле, и движащися возопий: незлобиве Господи слава Тебе.

Стих: Слово законопреступное возложиша на Мя.

Да никтоже, о вернии, Владычния Вечери тайноненаучен, никтоже отнюд яко Иуда льстивно да приступит к Трапезе: он бо укрух прием, на хлеба уклонися. Образом убо сый ученик, вещию же сый убийца. Со иудеи убо веселяся, со апостолы же водворяяся: ненавидя лобызаше, лобызая же продаваше искупившаго нас клятвы, Бога и Спаса душ наших.

Слава, глас тойже: Нрав твой льсти:

И ныне, глас 5: Тайноводствуя Твоя Господи ученики, учил еси глаголя: о друзи, зрите, да никийже страх вас разлучит от Мене: аще бо и стражду, но за мир. Не блазнитеся убо о Мне: не приидох бо, да послужат Ми, но послужити, и положити душу Мою избавление за мир. Аще убо вы друзи Мои есте, Мене подражайте: хотяй первый быти, да будет последний, владыка яко служитель. Пребудите во Мне, да грозд принесете: Аз бо есмь лоза животная.

Благо есть исповедатися Господеви: Совокупляем и час первый, в немже глаголем и тропарь пророчества, глас 3:

Заушенный за род человеческий, и не прогневавыйся свободи от истления живот наш Господи, и спаси нас.

Прокимен, глас 1: Да разумеют языцы, яко имя Тебе Господь. Стих: Боже, кто уподобится Тебе?

Господи, скажи ми, и уразумею: тогда видех начинания их. Аз же яко агня незлобивое ведомое на заколение не разумех, яко на мя помыслиша помысл лукавый, глаголюще: приидите и вложим древо в хлеб его, и истребим его от земли живущих, и имя его да не помянется ктому. Господь Саваоф, судяй праведно, испытуяй сердца и утробы, да вижду мщение Твое на них, яко к Тебе открых оправдание мое. Сего ради сия глаголет Господь на мужы Анафофски ищущия души моея, глаголющия: да не пророчествуеши о имени Господни: аще ли же ни, умреши в руках наших. Сего ради сия глаголет Господь сил: се Аз посещу на них: юноши их мечем умрут, и сынове их и дщери их скончаются гладом: И останка не будет от них, наведу бо злая на живущия во Анафофе, в лето посещения их. Праведен еси Господи, яко отвещаю к Тебе, обаче судьбы возглаголю к Тебе: что яко путь нечестивых спеется? Угобзишася вси творящии беззакония? Насадил еси их, и укоренишася: чада сотвориша, и сотвориша плод: близ еси Ты уст их, далече же от утроб их. И Ты, Господи, разумееши мя, видел мя еси, и искусил еси сердце мое пред Тобою, собери их яко овцы на заколение, и очисти их в день заколения их. Доколе плакати имать земля, и трава вся сельная изсхнет от злобы живущих на ней? Погибоша скоти и птицы, яко рекоша: не узрит Бог путей наших. Нози твои текут, и разслабляют тя. Идите, соберите вся звери сельныя, и да приидут снести е. Пастырие мнози растлиша виноград Мой, оскверниша часть Мою, даша часть желаемую Мою в пустыню непроходную. Положиша в потребление пагубы. Яко сия глаголет Господь о всех соседех лукавых, прикасающихся наследию Моему, еже разделих людем Моим Израилю: се Аз исторгну их от земли их, и дом Иудин извергну от среды их. И будет егда исторгну их, обращуся и помилую их, и вселю их, когождо в достояние свое, и когождо в землю свою.

Прокимен, глас 8: Помолитеся и воздадите Господеви Богу нашему. Стих: Ведом во Иудеи Бог, во Израили велие имя Его.

Подобает ведати, яко литии за упокой в притворе не бывает до Недели Фомины.

Прочия же часы поются трипсалмны, просто.

во светильничное, клеплет во 8 час (во 2-м часу дня – А.Р.), и благословившу архиерею, или священнику, начинаем Вечерню: Приидите поклонимся: и предначинательный псалом. Бывает ектениа от священника. Таже, Господи воззвах, на глас 2, поставляем стихов 10. Священник же изменяяй священническую одежду, исходит, и кадит, и по еже возвратитися, творит проскомидию. Мы же поем стихиры самогласны дне, глас 2, повторяюще я.

Рождение ехиднов воистинну Иуда, ядших манну в пустыни, и ропщущих на Питателя: еще бо брашну сущу во устех их, клеветаху на Бога неблагодарнии: и сей злочестивый Небесный Хлеб во устех носяй, на Спаса предательство содела. О нрава несытнаго, и дерзости безчеловечныя! Питающаго продает, и Егоже любляше Владыку, предаяше на смерть: воистинну онех сын беззаконный, и с ними пагубу наследова. Но пощади Господи, души наша от таковаго безчеловечества, Едине в долготерпении неизреченный.

Прокимен, глас 1: Изми мя Господи, от человека лукава, от мужа неправедна избави мя. Стих: Иже помыслиша неправду в сердце весь день.

Рече Господь Моисею: сошед засвидетельствуй людем, и очисти я днесь и утре: и да исперут ризы. И да будут готовы в день третий: в третий бо день снидет Господь на гору Синайскую, пред всеми людьми. И устроиши люди окрест, глаголя: внемлите себе не восходити на гору, и ничимже коснутися ея: всяк прикоснувыйся горе, смертию умрет. Не коснется ей рука, камением бо побиется, или стрелою устрелится, аще скот, аще человек, не будет жив: егда же гласи и трубы и облак отыдет от горы, сии взыдут на гору. Сниде же Моисей с горы к людем, и освяти я: и испраша ризы своя. И рече людем: будите готови, три дни не входите к женам. Бысть же в третий день бывшу ко утру, и быша гласи и молния, и облак мрачен на горе Синайстей, глас трубный глашаше зело: и убояшася вси людие иже в полце. Изведе же Моисей люди во сретение Богу из полка, и сташа под горою. Гора же Синайская дымяшеся вся, схождения ради Божия на ню во огни: и восхождаше дым, яко дым пещный: и ужасошася вси людие зело. Быша же гласи трубнии происходяще крепцы зело. Моисей глаголаше, Бог же отвещаваше ему гласом.

Прокимен, глас 7: Изми мя от враг моих Боже, и от востающих на мя избави мя. Стих: Избави мя от делающих беззаконие.

Рече Господь Иову сквозе бурю и облаки: Кто сей скрываяй от Мене совет, содержай же глаголы в сердце, Мене же ли мнится утаити? Препояши яко муж чресла твоя: вопрошу же тя, ты же Ми отвещай. Где был еси егда основах землю? Возвести Ми, аще веси разум? Кто положи меры ея, аще веси? Или кто наведый вервь на ню? На чемже столпи ея утверждени суть? Кто же есть положивый камень краеугольный на ней? Егда [сотворены] быша звезды, восхвалиша Мя гласом велиим вси ангели Мои. Заградих же море враты, егда изливашеся из чрева матере своея исходящее. Положих же ему облак во одеяние, мглою же пових е: И положих ему пределы, обложив затворы и врата. Рех же ему: до сего дойдеши и не прейдеши, но в тебе сокрушатся волны твоя. Или при тебе составих свет утренний? Денница же весть чин свой, ятися крил земли, оттрясти нечестивыя от нея. Или ты брение взем от земли, создал еси животно, и глаголиваго сего посадил еси на земли? Отъял же ли еси от нечестивых свет? Мышцу же гордых сокрушил ли еси? Пришел же ли еси на источники моря? В следах же бездны ходил ли еси? Отверзаются же ли тебе страхом врата смертная? Вратницы же адовы видевше тя убояшася ли? Навыкл же ли еси широты поднебесныя, повеждь убо Ми, колика есть, В коей же земли вселяется свет? Тьме же кое есть место? Аще убо введеши Мя в пределы их, аще же ли и веси стези их? Вем убо яко тогда рожден еси, число же лет твоих много. Пришел же ли еси в сокровища снежная, и сокровища градная видел ли еси? Подлежат же ли тебе в час врагов в день браней и рати? Отвещав же Иов, рече ко Господу: Вем яко вся можеши, невозможно же Тебе ничтоже. Кто есть таяй от Тебе совет? Щадяй же словеса, и от Тебе мнится утаити? Кто же возвестит ми, ихже не ведех, велия и дивная, ихже не знах? Послушай же мене Господи, да и аз возглаголю: вопрошу же Тя, Ты же мя научи. Слухом убо уха слышах Тя первее, ныне же око мое виде Тя.

Господь дает мне язык научения, еже разумети, егда подобает рещи слово: положи мя утро утро, приложи ми ухо, еже слышати. И наказание Господне отверзает уши мои, аз же не противлюся, ни противоглаголю. Плещи мои вдах на раны, и ланите мои на заушения, лица же моего не отвратих от студа заплеваний. И Господь Господь помощник ми бысть: сего ради не усрамихся, но положих лице свое аки твердый камень, и разумех, яко не постыждуся. Зане приближается оправдавый мя: кто пряйся со мною? да сопротивостанет мне купно: и кто судяйся со мною: да приближится ко мне. Се Господь Господь поможет ми: кто озлобит мя? се вси вы, яко риза обетшаете, и яко молие изъяст вы. Кто в вас бояйся Господа? да послушает гласа отрока Его: ходящии во тьме, и несть им света, надейтеся на имя Господне, и утвердитеся о Бозе. Се вси вы огнь раждизаете, и укрепляете пламень: ходите светом огня вашего, и пламенем, егоже разжегосте: мене ради быша сия вам, в печали успнете.

Прокимен Апостола, глас 7: Князи людстии собрашася вкупе на Господа и на Христа Его. Стих: Вскую шаташася языцы, и людие поучишася тщетным.

Братие, аз приях от Господа, еже и предах вам, яко Господь Иисус в нощь, в нюже предан бываше, приемь хлеб,	Братья, я от Самого Господа принял то, что и вам передал, что Господь Иисус в ту ночь, в которую предан был, взял хлеб
И благодарив преломи, и рече: приимите, ядите, сие есть Тело Мое, еже за вы ломимое: сие творите в Мое воспоминание.	И, возблагодарив, преломил и сказал: приимите, ядите, сие есть Тело Мое, за вас ломимое; сие творите в Мое воспоминание.
Такожде и чашу по вечери, глаголя: сия чаша новый завет есть в Моей Крови: сие творите, елижды аще пиете, в Мое воспоминание.	Также и чашу после вечери, и сказал: сия чаша есть новый завет в Моей Крови; сие творите, когда только будете пить, в Мое воспоминание.
Елижды бо аще ясте хлеб сей и чашу сию пиете, смерть Господню возвещаете, дондеже приидет.	Ибо всякий раз, когда вы едите хлеб сей и пьете чашу сию, смерть Господню возвещаете, доколе Он придет.
Темже иже аще яст хлеб сей или пиет чашу Господню недостойне, повинен будет Телу и Крови Господни.	Посему, кто будет есть хлеб сей или пить чашу Господню недостойно, виновен будет против Тела и Крови Господней.
Да искушает же человек себе, и тако от хлеба да яст и от чаши да пиет.	Да испытывает же себя человек, и таким образом пусть ест от хлеба сего и пьет из чаши сей.
Ядый бо и пияй недостойне, суд себе яст и пиет, не разсуждая тела Господня.	Ибо, кто ест и пьет недостойно, тот ест и пьет осуждение себе, не рассуждая о Теле Господнем.
Сего ради в вас мнози немощни и недужливи, и спят (усыпают) доволни.	Оттого многие из вас немощны и больны и немало умирает.
Аще бо быхом себе разсуждали, не быхом осуждени были.	Ибо если бы мы судили сами себя, то не были бы судимы.
Судими же, от Господа наказуемся, да не с миром осудимся.	Будучи же судимы, наказываемся от Господа, чтобы не быть осужденными с миром.

Аллилуиа, глас 6: Блажен разумеваяй на нища и убога, в день лют избавит его Господь. Стих: Врази мои реша мне злая: когда умрет и погибнет имя его? Стих: Ядый хлебы Моя, возвеличи на Мя запинание.

Рече Господь Своим учеником:	Сказал Господь ученикам Своим:
Весте, яко по двою дню Пасха будет, и Сын Человеческий предан будет на пропятие.	Вы знаете, что через два дня будет Пасха, и Сын Человеческий предан будет на распятие.
Тогда собрашася архиерее и книжницы и старцы людстии во двор архиереов, глаголемаго Каиафы,	Тогда собрались первосвященники и книжники и старейшины народа во двор первосвященника, по имени Каиафы,
И совещаша, да Иисуса лестию имут и убиют:	И положили в совете взять Иисуса хитростью и убить;
Глаголаху же: но не в праздник, да не молва будет в людех.	Но говорили: только не в праздник, чтобы не сделалось возмущения в народе.
Иисусу же бывшу в Вифании, в дому Симона прокаженнаго,	Когда же Иисус был в Вифании, в доме Симона прокаженного,
Приступи к Нему жена, сткляницу мира имущи многоценнаго, и возливаше на главу Его возлежаща.	Приступила к Нему женщина с алавастровым сосудом мира драгоценного и возливала Ему возлежащему на голову.
Видевше же ученицы его негодоваша, глаголюще: чесо ради гибель сия (бысть)?	Увидев это, ученики Его вознегодовали и говорили: к чему такая трата?
Можаше бо сие миро продано быти на мнозе и датися нищим.	Ибо можно было бы продать это миро за большую цену и дать нищим.
Разумев же Иисус рече им: что труждаете жену? дело бо добро содела о Мне:	Но Иисус, уразумев сие, сказал им: что смущаете женщину? она доброе дело сделала для Меня:
Всегда бо нищия имате с собою, Мене же не всегда имате:	Ибо нищих всегда имеете с собою, а Меня не всегда имеете;
Возлиявши бо сия миро сие на тело Мое, на погребение Мя сотвори:	Возлив миро сие на тело Мое, она приготовила Меня к погребению;
Аминь глаголю вам: идеже аще проповедано будет Евангелие сие во всем мире, речется и еже сотвори сия, в память ея.	Истинно говорю вам: где ни будет проповедано Евангелие сие в целом мире, сказано будет в память ее и о том, что она сделала.
Тогда шед един от oбоюнадесяте, глаголемый Иуда Искариотский, ко архиереом,	Тогда один из двенадцати, называемый Иуда Искариот, пошел к первосвященникам
Рече: что ми хощете дати, и аз вам предам Его? Oни же поставиша ему тридесять сребреник:	И сказал: что вы дадите мне, и я вам предам Его? Они предложили ему тридцать сребренников;
И оттоле искаше удобна времене, да Его предаст.	И с того времени он искал удобного случая предать Его.
В первый же день опресночный приступиша ученицы ко Иисусу, глаголюще Ему: где хощеши уготоваем Ти ясти пасху?	В первый же день опресночный приступили ученики к Иисусу и сказали Ему: где велишь нам приготовить Тебе пасху?
Oн же рече: идите во град ко oнсице, и рцыте ему: Учитель глаголет: время Мое близ есть: у тебе сотворю пасху со ученики Моими.	Он сказал: пойдите в город к такому-то и скажите ему: Учитель говорит: время Мое близко; у тебя совершу пасху с учениками Моими.
И сотвориша ученицы, якоже повеле им Иисус, и уготоваша пасху.	Ученики сделали, как повелел им Иисус, и приготовили пасху.
Вечеру же бывшу, возлежаше со oбеманадесяте ученикома.	Когда же настал вечер, Он возлег с двенадцатью учениками.
Ведый Иисус, яко вся даде Ему Oтец в руце, и яко от Бога изыде и к Богу грядет:	Иисус, зная, что Отец все отдал в руки Его, и что Он от Бога исшел и к Богу отходит,
Воста от вечери, и положи ризы, и прием лентион, препоясася:	Встал с вечери, снял с Себя верхнюю одежду и, взяв полотенце, препоясался.
Потом влия воду во умывальницу, и начат умывати ноги учеником и отирати лентием, имже бе препоясан.	Потом влил воды в умывальницу и начал умывать ноги ученикам и отирать полотенцем, которым был препоясан.
Прииде же к Симону Петру, и глагола Ему той: Господи, Ты ли мои умыеши нозе?	Подходит к Симону Петру, и тот говорит Ему: Господи! Тебе ли умывать мои ноги?
Отвеща Иисус и рече ему: еже Аз творю, ты не веси ныне, уразумееши же по сих.	Иисус сказал ему в ответ: что Я делаю, теперь ты не знаешь, а уразумеешь после.
Глагола Ему Петр: не умыеши ногу моею во веки. Отвеща ему Иисус: аще не умыю тебе, не имаши части со Мною.	Петр говорит Ему: не умоешь ног моих вовек. Иисус отвечал ему: если не умою тебя, не имеешь части со Мною.
Глагола Ему Симон Петр: Господи, не нозе мои токмо, но и руце и главу.	Симон Петр говорит Ему: Господи! не только ноги мои, но и руки и голову.
Глагола ему Иисус: измовенный не требует, токмо нозе умыти, есть бо весь чист: и вы чисти есте, но не вси.	Иисус говорит ему: омытому нужно только ноги умыть, потому что чист весь; и вы чисты, но не все.
Ведяше бо предающаго Его: сего ради рече, яко не вси чисти есте.	Ибо знал Он предателя Своего, потому и сказал: не все вы чисты.
Егда же умы ноги их, прият ризы Своя, возлег паки, рече им: весте ли, что сотворих вам?	Когда же умыл им ноги и надел одежду Свою, то, возлегши опять, сказал им: знаете ли, что Я сделал вам?
Вы глашаете Мя Учителя и Господа: и добре глаголете, есмь бо.	Вы называете Меня Учителем и Господом, и правильно говорите, ибо Я точно то.
Аще убо Аз умых ваши нозе, Господь и Учитель, и вы должни есте друг другу умывати нозе:	Итак, если Я, Господь и Учитель, умыл ноги вам, то и вы должны умывать ноги друг другу.
Образ бо дах вам, да, якоже Аз сотворих вам, и вы творите.	Ибо Я дал вам пример, чтобы и вы делали то же, что Я сделал вам.
Аминь, аминь глаголю вам: несть раб болий господа своего, ни посланник болий пославшаго его.	Истинно, истинно говорю вам: раб не больше господина своего, и посланник не больше пославшего его.
Аще сия весте, блажени есте, аще творите я.	Если это знаете, блаженны вы, когда исполняете.
И ядущим им, рече: аминь глаголю вам, яко един от вас предаст Мя.	И когда они ели, сказал: истинно говорю вам, что один из вас предаст Меня.
И скорбяще зело, начаша глаголати Ему един кийждо их: еда аз есмь, Господи?	Они весьма опечалились, и начали говорить Ему, каждый из них: не я ли, Господи?
Oн же отвещав рече: омочивый со Мною в солило руку, той Мя предаст:	Он же сказал в ответ: опустивший со Мною руку в блюдо, этот предаст Меня;
Сын убо Человеческий идет, якоже есть писано о Нем: горе же человеку тому, имже Сын Человеческий предастся: добро бы было ему, аще не бы родился человек той.	Впрочем Сын Человеческий идет, как писано о Нем, но горе тому человеку, которым Сын Человеческий предается: лучше было бы этому человеку не родиться.
Отвещав же Иуда предаяй Его, рече: еда аз есмь, Равви? Глагола ему: ты рекл еси.	При сем и Иуда, предающий Его, сказал: не я ли, Равви? Иисус говорит ему: ты сказал.
Ядущим же им, прием Иисус хлеб и благословив преломи, и даяше учеником, и рече: приимите, ядите: сие есть Тело Мое.	И когда они ели, Иисус взял хлеб и, благословив, преломил и, раздавая ученикам, сказал: приимите, ядите: сие есть Тело Мое.
И прием чашу и хвалу воздав, даде им, глаголя: пийте от нея вси:	И, взяв чашу и благодарив, подал им и сказал: пейте из нее все,
Сия бо есть Кровь Моя, Новаго Завета, яже за многия изливаема во оставление грехов.	Ибо сие есть Кровь Моя Нового Завета, за многих изливаемая во оставление грехов.
Глаголю же вам, яко не имам пити отныне от сего плода лознаго, до дне того, егда е пию с вами ново во Царствии Oтца Моего.	Сказываю же вам, что отныне не буду пить от плода сего виноградного до того дня, когда буду пить с вами новое вино в Царстве Отца Моего.
И воспевше изыдоша в гору Елеонску.	И, воспев, пошли на гору Елеонскую.
Тогда глагола им Иисус: вси вы соблазнитеся о Мне в нощь сию: писано бо есть: поражу пастыря, и разыдутся oвцы стада:	Тогда говорит им Иисус: все вы соблазнитесь о Мне в эту ночь, ибо написано: поражу пастыря, и рассеются овцы стада;
По воскресении же Моем варяю вы в Галилеи.	По воскресении же Моем предварю вас в Галилее.
Отвещав же Петр рече Ему: аще и вси соблазнятся о Тебе, аз никогдаже соблажнюся.	Петр сказал Ему в ответ: если и все соблазнятся о Тебе, я никогда не соблазнюсь.
Рече ему Иисус: аминь глаголю тебе, яко в сию нощь, прежде даже алектор не возгласит, трикраты отвержешися Мене.	Иисус сказал ему: истинно говорю тебе, что в эту ночь, прежде нежели пропоет петух, трижды отречешься от Меня.
Глагола Ему Петр: аще ми есть и умрети с Тобою, не отвергуся Тебе. Такожде и вси ученицы реша.	Говорит Ему Петр: хотя бы надлежало мне и умереть с Тобою, не отрекусь от Тебя. Подобное говорили и все ученики.
Тогда прииде с ними Иисус в весь, нарицаемую Гефсиманиа, и глагола учеником: седите ту, дондеже шед помолюся тамо.	Потом приходит с ними Иисус на место, называемое Гефсимания, и говорит ученикам: посидите тут, пока Я пойду, помолюсь там.
И поем Петра и oба сына Зеведеова, начат скорбети и тужити.	И, взяв с Собою Петра и обоих сыновей Зеведеевых, начал скорбеть и тосковать.
Тогда глагола им Иисус: прискорбна есть душа Моя до смерти: пождите зде и бдите со Мною.	Тогда говорит им Иисус: душа Моя скорбит смертельно; побудьте здесь и бодрствуйте со Мною.
И прешед мало, паде на лицы Своем, моляся и глаголя: Oтче Мой, аще возможно есть, да мимоидет от Мене чаша сия: oбаче не якоже Аз хощу, но якоже Ты.	И, отойдя немного, пал на лице Свое, молился и говорил: Отче Мой! если возможно, да минует Меня чаша сия; впрочем не как Я хочу, но как Ты.
Явися же Ему Ангел с небесе, укрепляя Его.	Явился же Ему Ангел с небес и укреплял Его.
И быв в подвизе, прилежнее моляшеся: бысть же пот Его яко капли крове каплющия на землю.	И, находясь в борении, прилежнее молился, и был пот Его, как капли крови, падающие на землю.
И востав от молитвы, и пришед ко учеником, обрете их спящих от печали	Встав от молитвы, Он пришел к ученикам, и нашел их спящими от печали
И глагола Петрови: тако ли не возмогосте единаго часа побдети со Мною?	И говорит Петру: так ли не могли вы один час бодрствовать со Мною?
Бдите и молитеся, да не внидете в напасть: дух убо бодр, плоть же немощна.	Бодрствуйте и молитесь, чтобы не впасть в искушение: дух бодр, плоть же немощна.
Паки вторицею шед помолися, глаголя: Oтче мой, аще не может сия чаша мимоити от Мене, аще не пию ея, буди воля Твоя.	Еще, отойдя в другой раз, молился, говоря: Отче Мой! если не может чаша сия миновать Меня, чтобы Мне не пить ее, да будет воля Твоя.
И пришед обрете их паки спящих: беста бо им oчи отяготене.	И, придя, находит их опять спящими, ибо у них глаза отяжелели.
И оставль их, шед паки, помолися третицею, тожде слово рек.	И, оставив их, отошел опять и помолился в третий раз, сказав то же слово.
Тогда прииде ко учеником Своим и глагола им: спите прочее и почивайте: се, приближися час, и Сын Человеческий предается в руки грешников:	Тогда приходит к ученикам Своим и говорит им: вы всё еще спите и почиваете? вот, приблизился час, и Сын Человеческий предается в руки грешников;
Востаните, идем: се, приближися предаяй Мя.	Встаньте, пойдем: вот, приблизился предающий Меня.
И еще Ему глаголющу, се, Иуда, един от обоюнадесяте, прииде, и с ним народ мног со oружием и дрекольми, от архиерей и старец людских.	И, когда еще говорил Он, вот Иуда, один из двенадцати, пришел, и с ним множество народа с мечами и кольями, от первосвященников и старейшин народных.
Предаяй же Его даде им знамение, глаголя: Егоже аще лобжу, Той есть: имите Его.	Предающий же Его дал им знак, сказав: Кого я поцелую, Тот и есть, возьмите Его.
И абие приступль ко Иисусови, рече: радуйся, Равви. И облобыза Его.	И, тотчас подойдя к Иисусу, сказал: радуйся, Равви! И поцеловал Его.
Иисус же рече ему: друже, (твори,) на неже еси пришел (друже, на сие ли пришел еси). Тогда приступльше возложиша руце на Иисуса и яша Его.	Иисус же сказал ему: друг, для чего ты пришел? Тогда подошли и возложили руки на Иисуса, и взяли Его.
И се, един от сущих со Иисусом, простер руку, извлече нож свой, и удари раба архиереова, и уреза ему ухо.	И вот, один из бывших с Иисусом, простерши руку, извлек меч свой и, ударив раба первосвященникова, отсек ему ухо.
Тогда глагола ему Иисус: возврати нож твой в место его: вси бо приемшии нож ножем погибнут:	Тогда говорит ему Иисус: возврати меч твой в его место, ибо все, взявшие меч, мечом погибнут;
Или мнится ти, яко не могу ныне умолити Oтца Моего, и представит Ми вящше неже дванадесяте легеона Ангел?	или думаешь, что Я не могу теперь умолить Отца Моего, и Он представит Мне более, нежели двенадцать легионов Ангелов?
Како убо сбудутся писания, яко тако подобает быти?	как же сбудутся Писания, что так должно быть?
В той час рече Иисус народом: яко на разбойника ли изыдосте со оружием и дрекольми яти Мя? по вся дни при вас седех уча в церкви, и не ясте Мене.	В тот час сказал Иисус народу: как будто на разбойника вышли вы с мечами и кольями взять Меня; каждый день с вами сидел Я, уча в храме, и вы не брали Меня.
Се же все бысть, да сбудутся писания пророческая. Тогда ученицы вси оставльше Его бежаша.	Сие же всё было, да сбудутся писания пророков. Тогда все ученики, оставив Его, бежали.
(Воини) же емше Иисуса ведоша к Каиафе архиереови, идеже книжницы и старцы собрашася.	А взявшие Иисуса отвели Его к Каиафе первосвященнику, куда собрались книжники и старейшины.
Петр же идяше по Нем издалеча до двора архиереова: и вшед внутрь, седяше со слугами, видети кончину.	Петр же следовал за Ним издали, до двора первосвященникова; и, войдя внутрь, сел со служителями, чтобы видеть конец.
Архиерее же и старцы и сонм весь искаху лжесвидетелства на Иисуса, яко да убиют Его,	Первосвященники и старейшины и весь синедрион искали лжесвидетельства против Иисуса, чтобы предать Его смерти,
И не обретаху: и многим лжесвидетелем приступльшим, не обретоша. Послежде же приступивша два лжесвидетеля,	И не находили; и, хотя много лжесвидетелей приходило, не нашли. Но наконец пришли два лжесвидетеля
Реста: Сей рече: могу разорити церковь Божию и треми денми создати ю.	И сказали: Он говорил: могу разрушить храм Божий и в три дня создать его.
И востав архиерей рече Ему: ничесоже ли отвещаваеши, что сии на Тя свидетелствуют?	И, встав, первосвященник сказал Ему: что же ничего не отвечаешь? что они против Тебя свидетельствуют?
Иисус же молчаше. И отвещав архиерей рече Ему: заклинаю Тя Богом живым, да речеши нам, аще Ты еси Христос, Сын Божий?	Иисус молчал. И первосвященник сказал Ему: заклинаю Тебя Богом живым, скажи нам, Ты ли Христос, Сын Божий?
Глагола ему Иисус: ты рекл еси: oбаче глаголю вам: отселе узрите Сына Человеческаго седяща одесную силы и грядуща на облацех небесных.	Иисус говорит ему: ты сказал; даже сказываю вам: отныне узрите Сына Человеческого, сидящего одесную силы и грядущего на облаках небесных.
Тогда архиерей растерза ризы своя, глаголя, яко хулу глагола: что еще требуем свидетелей? се, ныне слышасте хулу Его:	Тогда первосвященник разодрал одежды свои и сказал: Он богохульствует! на что еще нам свидетелей? вот, теперь вы слышали богохульство Его!
Что вам мнится? Oни же отвещавше реша: повинен есть смерти.	Как вам кажется? Они же сказали в ответ: повинен смерти.
Тогда заплеваша лице Его и пакости Ему деяху (и по ланитома бияху его): oвии же за ланиту удариша (заушаху его),	Тогда плевали Ему в лице и заушали Его; другие же ударяли Его по ланитам
Глаголюще: прорцы нам, Христе, кто есть ударей Тя?	И говорили: прореки нам, Христос, кто ударил Тебя?
Петр же вне седяше во дворе. И приступи к нему едина рабыня, глаголющи: и ты был еси со Иисусом Галилейским.	Петр же сидел вне на дворе. И подошла к нему одна служанка и сказала: и ты был с Иисусом Галилеянином.
Oн же отвержеся пред всеми, глаголя: не вем, что глаголеши.	Но он отрекся перед всеми, сказав: не знаю, что ты говоришь.
Изшедшу же ему ко вратом, узре его другая, и глагола сущим тамо: и сей бе со Иисусом Назореом.	Когда же он выходил за ворота, увидела его другая, и говорит бывшим там: и этот был с Иисусом Назореем.
И паки отвержеся с клятвою, яко не знаю Человека.	И он опять отрекся с клятвою, что не знает Сего Человека.
Помале же приступивше стоящии, реша Петрови: воистинну и ты от них еси, ибо беседа твоя яве тя творит.	Немного спустя подошли стоявшие там и сказали Петру: точно и ты из них, ибо и речь твоя обличает тебя.
Тогда начат ротитися и клятися, яко не знаю Человека. И абие петель возгласи.	Тогда он начал клясться и божиться, что не знает Сего Человека. И вдруг запел петух.
И помяну Петр глагол Иисусов, реченный ему, яко прежде даже петель не возгласит, трикраты отвержешися Мене. И изшед вон плакася горько.	И вспомнил Петр слово, сказанное ему Иисусом: прежде нежели пропоет петух, трижды отречешься от Меня. И выйдя вон, плакал горько.
Утру же бывшу, совет сотвориша вси архиерее и старцы людстии на Иисуса, яко убити Его:	Когда же настало утро, все первосвященники и старейшины народа имели совещание об Иисусе, чтобы предать Его смерти;
И связавше Его ведоша и предаша Его Понтийскому Пилату игемону.	И, связав Его, отвели и предали Его Понтию Пилату, правителю.

И по чину Божественная Литургиа Великаго Василиа.

Вечери Твоея Тайныя днесь, Сыне Божий, причастника мя приими: не бо врагом Твоим тайну повем, ни лобзания Ти дам яко Иуда, но яко разбойник исповедаю Тя: помяни мя Господи во Царствии Твоем.

Тойже и причастен, и вместо, Да исполнятся уста наша тойже поем множицею, дондеже причастятся братия Божественных Таин. По заамвонной же молитве бывает умовение, и его последование, якоже являет Устав. Таже дается антидор, и отпуст. На трапезе же причащаемся вина и елеа.

Ирмос: Мрак души моея разжени светодавче Христе Боже, началородную тьму изгнав бездны, и даруй ми свет повелений Твоих Слове, да утренюя славлю Тя.

Урасися вечеря, и уготовася Тебе пасха, якоже рекл еси Христе: но Иуда на предание Твое поучашеся, и сый с Тобою вне Твоея цены, соглашашеся сребролюбием.

Востает с вечери, и лентием препоясуется по чреслом Христос волею, и преклоняет выю, Петру вопиющу: никогдаже мои нозе умыеши Творче мой, но обаче омый.

Прият хлеб в руце, на предание Иуда, льстивый ученик, имже и предание содела Тебе, простираше нозе, ихже сам еси омыл и лентием отерл.

Лобзанием льстивным Иуда тогда уста распираше Тебе, имиже тело Твое Слове недостойно омакаше, вопия Тебе: радуйся Учителю, лобзатель и предатель, раб и льстец.

Петр якоже зряше содеваемая тогда, ужасом одержимь быв рабыни обличися худым вопрошением: ибо отвержеся Тебе Господа, не токмо якоже рекл еси, но и яко ведал еси, вся ведый.

Заушается Зиждитель, и ударяется тварь поношением Его: тростию биется хотя, и вышняя преклоняются: оплевается Судия, и основания вся земная подвизаются.

Слава: Тернием венчавается Бог, землю всю украшей цветы, и раны приемлет, и терпит поношение долготерпеливно, и багряницу поругания носит, и терпит вся Бог сый, и страждет Своею плотию.

И ныне: Да вопиет Иоанн, сказуя учении Божественными воплощение Твое: Слово плоть быв из Девы непреложно, и пребысть естеством Бог якоже бе, не отступив Отеческих Его недр.

Ирмос: Покрываяй водами превыспренняя Своя, полагаяй морю предел песок, и содержай вся: Тя поет солнце, Тя славит луна, Тебе приносит песнь вся тварь, яко Содетелю всех во веки.

Одеваяй облаки небо Иисусе, на престоле славы царствуя с нетленным Отцем, Ты приемь лентий, сим препоясался еси омыти ноги бреннии, весь огнь сый Слове, аще и воплотился еси.

Якоже вся омыв, возлег Иисус, к Своим учеником глаголет: весте вси, что сотворих ныне: образ бо дах вам смирения всем: да иже хощет первый быти, да будет всех последний произволением.

Чисти убо есте, но не вси вы, Христос другом возлежащим на вечери рече: един убо к другому не доведяще, рече, слова: темже по сих глаголет яве имя предателя.

Якоже сия глаголя, на горе Елеонстей пришед, Судия всех со ученики, тогда убо глаголаше: приидите и пойдем отсюду, приспе бо уже предатель: никтоже отвержися Мене, волею бо стражду.

О лестнаго лобзания! радуйся Учителю, Христу Иуда глаголет, вкупе с словом предаст на заколение: се бо даде знамение беззаконным: Егоже аз лобжу, Той есть, Егоже предати вам обещахся.

Ят быв Боже наш от беззаконных людей, и не пререкуя отнюд, ни вопия Агнче Божий, претерпел еси вся, испытатися, и судитися, и биен быти, связан и ведом быти со оружии и дрекольми к Каиафе.

Да распнется, вопияху еврейстии людие со священники и книжники, Иисус Христос. О людие невернии! что бо сотвори явивыйся, воздвигнувый Лазаря от гроба, и путь сотворивый человеком на спасение?

Пилатову судищу беззаконнии людие, кричаще вопияху: распни Сего, отпусти же нам связана суща Варавву, убийцу: Христа же первее бив, возми возми, распни со злодеи.

Благословим Отца, и Сына, и Святаго Духа, Господа.

О несказаннаго истощания! о неизглаголаннаго совета! яко огнь сый, омыл еси нозе предателю Спасе: омыв же не опалил еси, и подавая хлеб на вечери, и тайной службе научал еси.

И ныне, Богородичен: О новаго слышания! Бог Сын Жены, и безсеменна рождества, безмужная Мати, и рожденное Бог: о ужаснаго слышания! о зачатия страшнаго! о Девы нетленнаго рождества! воистинну паче ума вся, и выше ведения.

Ирмос: Благословен Господи Бог Израилев, воздвигнувый рог спасения нам, в дому Давидове отрока Своего: в нихже посети нас Восток с высоты, и направил ны есть на путь мира.

Паки вы спите, Христос учеником рече: бдите, приближися час прочее, востаните, идем друзи Мои, се предатель ученик всю спиру имея, грядет предати Мя человекоубийцам.

Лобзание твое льстивное, и целование горькое, кому зовеши лестче? глаголя бо, радуйся Равви, Христос ко Иуде вещаше: друже, на неже пришел еси, рече: аще бо целовати пришел еси, что предлагаеши нож медом помазанный?

Пилатову судищу неповинный Судия, волею пришел еси предстати Христе, и избавити нас от долгов наших. Темже претерпел еси Благий плотию уранен быти, да вси приимем свобождение.

Милосердия пучина, како предстоит огнь Пилату, сену и трости и земли сущей, егоже не опали огнь Божества Христос, но пожидаше терпеливно, иже естеством свободь яко Человеколюбец.

Возми возми, распни глаголемаго Христа, иудее взываху Пилату иногда: сей же руце омываше, и тростию им писаше на Него вину, всем дарующую безсмертие.

Вопиюще беззаконнии Пилату излише: возми возми, распни Христа, просяху убити яко осуждена: не Сей ли воскреси мертвыя, прокаженныя очисти, кровоточивую исцели, разслабленныя стягнув?

Что бо зло сотвори, яко взываете вельми: возми возми, распни Его? Пилат иногда вопияше людем неразумным: вины не обретаю в Нем. Они же горько вопияху: возми возми, распни Спаса всех.

О иудее беззаконнии! о неразумнии людие! не помянусте ли что от чудес Христовых, множество исцелений? но и всея Его не разуместе ли Божественныя силы, якоже первии отцы ваши, ныне же и вы не разуместе?

Слава: Биен быв Зиждителю мой, и предался еси мене ради распятися, да спасение мое посреде земли соделав, источиши мирови жизнь: и обезсмертиши честною Твоею кровию покланяющияся Тебе.

И ныне, Богородичен: Агница Твоя Владыко, предстоящи у Креста, и рыдающи Тебе Творца всяческих, зряше Твое долготерпение: волею бо родился еси плотию, и страсти вся в ней претерпел еси, да спасеши мир.

Адрес страницы: http://days.pravoslavie.ru/rubrics/canon407.htm

Великий Четверток. Песнопения Триоди Постной.

Великий Четверток.
Песнопения Триоди Постной.