Святитель Феофан Затворник. Мысли на каждый день года
(Лк. 9, 7-11). Услышав о делах Христа Спасителя, Ирод говорил: "Иоанна я обезглавил; кто же Этот?" - и пожелал видеть Его. Желал видеть и искал случая к тому, но не удостоился, потому что искал не для веры и спасения, а из пустого любопытства. Пытливость - щекотание ума; не истина дорога ей, а новость и особенно эффектная. Оттого она нередко не довольствуется самою истиною, а среди нее ищет чего-либо особенного, а выдумав это особенное, она на нем и останавливается и других привлекает к тому. Истина тут становится назади, а впереди стоит своя выдумка. В наши дни такова замашка немецкого ума. Немцы помешались на том, чтобы выдумывать. Всю область истины Божией, как туманом, закрыли своими выдумками. Возьмите хоть догматы, хоть нравоучение, хоть историю, хоть слово Божие - все так загромождено выдумками, что до истины Божией и не доберешься. А между тем, они их интересуют, и тех, кто одного с ними настроения. Истина Божия проста; гордому ли уму заниматься ею? Он лучше свое выдумает. Это эффектно, хоть пусто и слабо, как сеть паутинная. Что это так, просмотрите нынешние теории мироздания: они походят на бред сонного или опьянелого. А уж как кажутся хороши изобретателям! Сколько тратится на это сил и времени - и все понапрасну! Дело совершилось просто: "рече, и быша; повеле, и создашася ". Лучше этого решения никто не придумает.
Молитвы
Тропарь преподобного Амвросия
глас 5
Яко к целебному источнику,/ притекаем к тебе, Амвросие, отче наш,/ ты бо на путь спасения нас верно наставляеши,/ молитвами от бед и напастей охраняеши,/ в телесных и душевных скорбех утешаеши,/ паче же смирению, терпению и любви научаеши;/ моли человеколюбца Христа/ и Заступницу усердную// спастися душам нашим.
Кондак преподобного Амвросия
глас 2
Завет Пастыреначальника исполнив,/ старчества благодать наследовал еси,/ болезнуя сердцем о всех, с верою притекающих к тебе./ Темже и мы, чада твоя, с любовию вопием ти:/ отче святый Амвросие,// моли Христа Бога спастися душам нашим.
Тропарь святителя Амфилохия, епископа Владимиро-Волынского
глас 4
От мирскаго мятежа изшед,/ в пещерах Киевских Феодосия блаженнаго Богомудренно вселился еси./ святителю Христов, отче Амфилохие,/ и отсюду во епископа Богоспасаемей пастве Владимиро-Волынстей поставленный,/ в трудех, бдениих и пощениих свято подвизался еси./ И тако достиг добродетелей совершенства,/ паки в пещеры святыя возвратился еси,/ идеже и дух свой благочестно предал еси Господеви, всечестне,/ к лику преподобных Печерских причтен,/ с ними же молися Христу, всечестне, / спастися душам нашим.
Кондак святителя Амфилохия, епископа Владимиро-Волынского
глас 8
Звезду Волынскую, из пещернаго мрака от Киева возсиявшую,/ и от Волыни второе пещеры заветныя житием своим/ и блаженною кончиною, и прославлением своим озарившаго,/ всеблаженнаго Амфилохия, архипастыря Владимиро-Волынскаго почтим,/ просяще его, да в лике преподобных Печерских водворялся,/ молится купно с ними о душах наших.
Тропарь блаженного Андрея, Христа ради юродивого, Тотемского
глас 4
Терпением и мужеством Христа ради юродство восприял еси, блаженне Андрее,/ в посте и бдении пребывая,/ тягость зноя летняго понесл еси,/ и мразы зимния терпя,/ темнее и ныне приходящим с верою к тебе,/ исцеление неоскудно подавши,/ моли Христа Бога спастися душам нашим.
Кондак блаженного Андрея, Христа ради юродивого
глас 8
Вышния красоты желая,/ и нижния сласти телесныя тощно оставил еси нестяжанием суетнаго мира,/ Ангельское житие преходя, скончався, Андрее блаженне,/ с ними же Христа Бога моли непрестанно о всех нас.
Тропарь мучеников Евлампия и Евлампии
глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами/ спаси души наша.
Кондак мучеников Евлампия и Евлампии
глас 3
Доблия мученики и братию по плоти,/ мудраго Евлампия и Евлампию, почтим:/ тии бо пребеззаконных кознодейства посрамиша силою Распеншагося:/ сего ради явишася мучеников слава, купно и похвала.
Приспе день светлаго торжества,/ людии Волынстии радуются,/ и с ними вся Российская Церковь ликовствует/ во псалмех и пениих, и песнех духовных,/ днесь бо, якоже солнце незаходимое,/ всем возсия память/ святых и Богомужных угодников и чудотворцев Волынских/ святителя Стефана чуднаго,/ иерархом Волынским первопрестольника,/ и святаго благовернаго Ярополка/, блаженнаго страдальца Богомужнаго,/ и с ними Амфилохия, святителя Волынскаго,/ и победоноснаго Феодора, Острбжскаго князя Богодарованнаго,/ и преподббнаго Иова Почаевскаго присноблаженнаго/, ихже молитвами, Господи,/ землю отеческую нашу в Православии и мире утверди,/ и спаси всех имуще купно о нас Молитвенницу усердную,/ Пресвятую Матерь Свою Богородицу,/ благодатне сияющую в цельбоносней стопе Своей/ и чудотворней иконе на горе Почаевстей/ и заступленьми прочих угодников Волынския паствы,/ Иулиании, блаженный девы Ольшанския,/ и святаго преподобномученика Макария, архимандрита Овручскаго.
Ин тропарь Собора Волынских святых
глас 4
Приспе день светлаго торжества,/ обитель Печерская радуется/ и с нею благословенная Почаевская Лавра ликовствует/ во псалмех и пениих, и песнех духовных,/ днесь бо, якоже солнце незаходимое,/ всем возсия память/ преподобных и Богоносных отец Печерских,/ от нихже волею Божиею изыдоша/ первоначальницы иноческаго жития на горе Почаевстей,/ ихже молитвами, Господи,/ землю отечественную нашу в Православии и мире утверди/ и помилуй всех, имуще купно о нас Молитвенницу и Заступницу усердную,/ Пречистую Матерь Свою Богородицу,/ от лет древних благодатне сияющую в цельбоносней стопе Своей/ и чудотворней Своей иконе во обители Почаевстей/ в просвещение и спасение душ наших.
Кондак Собора Волынских святых
глас 8
Избранным чудотворцам и изрядным угодником Волынския земли,/ похвальная восписуем вам, святии:/ Ярополче святый, Стефане, Амфилохие, Феодоре,/ Иулиание, Иове и Макарие, присноблаженнии!/ Тем яко имущий благодать и милость у Христа Бога нашего,/ от всяких нас бед свободите/ да выну вашею помощию избавляемии, вопием вам благодарив:/ радуйтеся, преславнии угодницы Божий и земли Волынския украшение.
Ин кондак Собора Волынских святых
глас 8
Избраннии от родов угодницы Божии,/ преподобнии Печерстии:/ Меркурие и Симеоне, Акиндине же, Лукиане, Памво и Поликарпе,/ Авраамие, Алексие, Евстафие, Елладие, Ефреме, Иерониме,/ Луко, Меладие, Онисиме, Персие, Павле, Сергие,/ Сисое и Феофиле, Анатолие же, Афанасие, Исидоре, Кассиане,/ Лаврентие, Пафнутие, Пиоре, Сисое вторый и Софроние/, от нихже изыдоша первоначальницы/ иноческаго жития на горе Почаевстей,/ вас не потаила есть земля,/ Небо же и райския селения отверзошася вам./ Темже мы, похвальная песни Богу,/ прославльшему вас в памяти вашей, приносите/ и честный Собор ваш вселюбезно почитающе,/ из глубины душевныя вопием вам:/ от всех бед вашими молитвами заступайте нас, зовущих,/ радуйтеся, Печерстии чудотворцы/ и обители Почаевския слава и утверждение.
ПРАВОСЛАВНЫЙ КАЛЕНДАРЬ » Календарь 2014
Православие.Ru
Поместные Церкви
English
Српска
Архив
RSS
Карта сайта
Мчч. 
Прп. 
