Преподобне отче наш Елиссее,/ с Лаврентием чудным подвизался еси, учителю своему подражая,/ земную славу и честь стопам Христа повергли есте,/ темже Господь увенча вас/ нетленным венцем славы Своея.

Божественною благодатию просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей пренесение,/ веселяще вкупе души и телеса./ Тем вси вопием:/ слава Давшему ти крепость!/ Слава Венчавшему тя!/ Слава Действующему тобою всем исцеления!

Верою и любовию/ твое честное пренесение празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православныя люди,/ молящия тя, да вси вопием ти:/ радуйся, отче Иакове,/ всея Российския земли удобрение.