Рейтинг@Mail.ru Архив RSS Карта сайта
Православие.Ru Поместные Церкви Православный Календарь English version
ПРАВОСЛАВИЕ.RU Православный Календарь на 2008 год
ПРАВОСЛАВИЕ.RU карта сайтаПРАВОСЛАВНЫЙ КАЛЕНДАРЬ »  Молитвы




Рейтинг@Mail.ru


Тропари преподобным. Часть 3.

Тропарь. Евфимию и Харитону Сянжемским.

ЕвфимийПреподобный Евфимий и его ученик преподобный Харитон. Житие.Молитвы. Сянжемский, прп.

ХаритонПреподобный Евфимий и его ученик преподобный Харитон. Житие.Молитвы. Сянжемский, прп.

Пустынное и безмолвное житие ваше постнически препроводивше, / Христов бо крест на рамо вземше / и Того стопам усердно последовавше, / на невидимаго врага мужески ополчистеся, и того козни сокрушисте, / молитвами и слезами, чистотою Богови приближившеся, / преподобнии отцы наши Евфимие и Харитоне. / Яко солнце, осияваете светозарными лучами чудес ваших, / всех нас спасите с верою призывающих вас / и творящих честную вашу память, / и, яко имущии дерзновение ко Спасу, / мир мирови испросите и спастися душам нашим.

Тропарь. Евфимию Великому.

ЕвфимийПреподобный Евфимий Великий. Житие.Евфимий Великий Икона.Молитвы. Великий, иеромонах

Веселися, пустыня нераждающая, / благодушствуй, неболящая, / яко умножи тебе чада муж желаний духовных, / благочестием насадив, / воздержанием воспитав добродетелей в совершенство, / Того молитвами, Христе Боже, / умири живот наш.

Тропарь. Евфросину Псковскому.

ЕвфросинПреподобный Евфросин Псковский.Псковские святые Икона.Молитвы. Псковский, Спасо-Елеазаровский, прп.

Житейскую печаль и всяк мятеж мира сего / любве ради Христовы со дерзновением отвергл еси, блаженне, / и повеленная распятым Господем Иисусом Христом / вся исправил еси, / и, Того ярем взем, во всем воли Его повинулся еси, / и, благочестив делатель, животным заповедем Христовым / благотрудно прилежал еси. / И сего ради Бог прослави тя / и по преставлении чудеса показа от честнаго гроба твоя, / Темже и неоскудно угобзися обитель твоя, / и нищим бысть богатное пристанище и покров, / отче наш преподобне Евфросине, / моли Христа Бога, да спасет души наша.

Тропарь. Евфросинии, игумении Полоцкой.

ЕвфросинияПреподобная Евфросиния, игумения Полоцкая.Евфросиния Полоцкая Икона.Молитвы.(до крещения княжна Предислава), Полоцкая, игумения

Подражающи дванадесятолетна дванадесятолетну Христу, / учившему во святилищи Божию слову, / последовала еси, Евфросиние. / Славу временную и земнаго обручника оставльши / и вся мирская презревши, / краснейшему паче всех Христу себе уневестила еси, / крест вземши, путем ангельскаго жития шествующи / и многия к Нему наставляющи, / во благоухании мира в Небесный Чертог востекла еси, / идеже моли, Егоже возлюбила еси, / о чтущих благочестно память твою.

Тропарь. Евфросинии Суздальской.

ЕвфросинияПреподобная Евфросиния Суздальская.Евфросиния Суздальская Икона.Молитвы.(в миру Феодулия), Суздальская, прп., княжна

Святая твоя память Суждальскую страну веселит, / верных же вся созывает во всечестный храм твой, / идеже ныне совершается всеславная память твоя, Евфросиние преподобная: / моли Христа Бога, / спастися душам нашим.

Тропарь. Елеазару Анзерскому.

ЕлеазарПреподобный Елеазар Анзерский. Житие.Елеазар Анзерский Икона.Молитвы. Анзерский (Севрюков), прп.

Отверг плоти тленная, / нетленных потщался еси достигнути, / и, мира удалився, / вселился еси в морский остров, / и на нем усердно многа лета Господеви поработал еси, / сего ради и дары прозрения и чудес обогатился еси,/ отче преподобне Елеазаре. / Христа Бога моли даровати нам мир и велию милость.

Тропарь. Елисею Лавришевскому и свт. Лаврентию, затворнику Печерскому, еп. Туровскому, в Ближних пещерах.

ЕлисейПреподобный Елисей Лавришевский. Житие.Молитвы. Лавришевский, прп.

ЛаврентийПреподобный Лаврентий, затворник Печерский.Молитвы. Печерский, Туровский, затворник, еп.

Преподобне отче наш Елиссее, / с Лаврентием чудным подвизался еси, учителю своему подражая, / земную славу и честь стопам Христа повергли есте, / темже Господь увенча вас / нетленным венцем славы Своея.

Тропарь. Еразму Печерскому, в Ближних пещерах,.

ЕразмПреподобный Еразм Печерский. Житие.Молитвы. Печерский, прп.

Благолепие дому Господня любя, / расточил еси нещадно имение твое во украшение того, / преподобне Еразме, / тем ныне живя в дому Господни на Небеси, / моли и нам освятитися в жилище Господне.

Тропарь. Ефрему Печерскому, еп. Переяславскому.

ЕфремПреподобный Ефрем Печерский.Преподобный Ефрем Печерский Икона.Молитвы. Печерский, еп., Переяславский

Духом горя путешествия к святым местом, / странствовал еси в Греческую землю, / святителю Ефреме, / отнюдуже со многою пользою возвращаяся, / устав святаго Студийскаго монастыря списав, / аки некий многочестен дар, семо принесл еси, / имже и днесь Церковь Российская управляема / славит тебе, истиннаго о ней промысленника.

Тропарь. Ефрему Сирину.

ЕфремПреподобный Ефрем Сирин.Преподобный Ефрем Сирин Икона.Молитвы. Сирин, Едесский, иеродиакон

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Ефреме, отче наш, / моли Христа Бога спастися душам нашим.

Тропарь. Ефрему Новоторжскому.

ЕфремПреподобный Ефрем Новоторжский.Молитвы. Новоторжский, архимандрит

Божественною свыше благодатию просветився, Богомудре, / и по смерти яви тя светлость жития твоего, / темже источаеши мирови благоухание, / иже с верою притекающим к раце мощей твоих, Ефреме преподобне. / Тем вопием ти: / слава Давшему ти чудесем благодать, / слава Прославльшему тя в чудесех, / слава Действующему тобою всем исцеления.

Тропарь. Ефрему Перекомскому, Новгород­скому чдтв..

ЕфремПреподобный Ефрем ПерекомскийМолитвы. Перекомский, Новгородский, прп., игумен

От юности твоея весь Богови поработился еси, блаженне: / и Того ради любве отечество и род оставил еси, / в пустыню вселився, в нейже жестокое житие показав, / и чудес дарования от Бога приял еси, Ефреме преподобне: / моли Христа Бога, да спасет души наша.

Тропарь. Захарии, постнику Печерскому, в Дальних пещерах.

ЗахарияПреподобный Захария Постник, Печерский.Захария постник Печерский Икона.Молитвы. Печерский, постник

Постническаго ради твоего жития, блаженне Захарие, / яко приемый велию на бесы крепость, / моли и нам техже козней избыти, / получити грехов прощение / и велию милость.

Тропарь. Зинону, постнику Печерскому, в Дальних пещерах.

ЗинонПреподобный Зинон, постник Печерский.Молитвы. Печерский, постник

Преподобне отче Зиноне, / преподобне и честне житие твое на земли препроводивый / и тем Богови по премногу благоугодивый, / моли о нас, / чтущих память твою.

Тропарь. Зосиме, игумену Соловецкому.

ЗосимаПреподобный Зосима, игумен Соловецкий.Зосима и Савватий Соловецкие Икона.Молитвы.ХрамыСвятыни Соловецкий, игумен

Изволением Божественнаго разума / вселился еси в пустыню / и тамо, вперив ум твой в Небесныя обители, / равно Ангелом житие на земли пожив, / в молитвах, и трудех, и пощениих образ был еси твоим учеником. / Отонудуже Бог, видя твое благое изволение, / умножи тебе чада в пустыни, слез твоих теченьми напаяемей. / Но, яко имея дерзновение к Богу, / поминай стадо, еже собрал еси, мудре, /и не забуди, яко же обещался еси, / посещая чад твоих, / Зосимо преподобне, отче наш.

Тропарь. Зосиме и Савватию Соловецким.

ЗосимаПреподобный Зосима, игумен Соловецкий.Зосима и Савватий Соловецкие Икона.Молитвы.ХрамыСвятыни Соловецкий, игумен

СавватийПреподобный Савватий Соловецкий.Зосима и Савватий Соловецкие Икона.Молитвы.ХрамыСвятыни Соловецкий, прп.

Постническое и равноангельское житие ваше, / преподобнии отцы Зосимо и Савватие, / вселенней познаны сотвори вас чудодеянии различными богоноснии, / просвещайте верою призывающия вы / и чтущия честную память вашу.

Тропарь. Иакову Железноборовскому.

ИаковПреподобный Иаков Железноборовский.Молитвы. Железноборовский, прп.

Небеснаго желая, / земная возненавидел еси / и, взем крест свой, последовал еси Христу / и от Него прием дарования чудес, / исцеляти недужныя; / но, яко имея дерзновение ко Святей Троице, / испроси православным Христианом здравие и спасение, / на враги же победу / и не забуди, посещая чад своих, / припадающих к цельбоносному гробу твоему,/ Иакове, преподобне отче наш.

Тропарь. Игнатию, архим. Печерскому, в Дальних пещерах.

ИгнатийПреподобный Игнатий, архимандрит Киево-Печерский. Житие.Игнатий Печерский Икона.Молитвы. Печерский, архимандрит

Чистаго ради и непорочнаго твоего жития, / Богоносе отче Игнатие, / приемый от Господа чудотворныя дары исцеляти немощныя, / исцели, молим тя, и немощи наша, / моля о нас Единаго Человеколюбца.

Тропарь. Илариону, схимнику Печерскому, в Дальних пещерах.

ИларионПреподобный Иларион Печерский, схимникИларион Печерский Икона.Молитвы. Печерский, схимонах

Воистину достойне наречен был еси Иларион, / тихостен бо и кроток нрав по имени твоему имел еси, блаженне, / имже кроткому Господу Иисусу благоугодив, / молися Ему о нас рабех твоих.

Тропарь. Илариону Псковоезерскому, Гдовскому.

ИларионПреподобный Иларион Псковоезерский, ГдовскийПсковские святые Икона.Молитвы. Псковоезерский, Гдовский, прп.

В молитвах бодрствуя, / пресветлый храм Духа Святаго был еси, / темже и чудотворец предивный явился еси, / преподобне отче наш Иларионе. / О нас моли Христа Бога / светом Божественнаго познания просветити ны / и спасти души наша.

Тропарь. Илариону Великому.

ИларионПреподобный Иларион Великий. Житие.Иларион Великий Икона.Молитвы.Храм Покрова Пресвятой Богородицы Великий, прп.

Слез твоих теченьми пустыни безплодное возделал еси / и, иже из глубины воздыханьми, во сто трудов уплодоносил еси, / и был еси светильник вселенней, / сияя чудесы, Иларионе, отче наш: / моли Христа Бога спастися душам нашим.

Тропарь. Иннокентию Комельскому, Вологодскому.

ИннокентийПреподобный Иннокентий Комельский, Вологодский.Иннокентий Комельский Икона.Молитвы. Комельский, Вологодский, прп.

От юности сосуд избранен был еси / и в житии Богу послужил еси, / иноков наставниче Иннокентие, / потщался еси хуждшее покорити лучшему, / темже и страсти умертвив, / возвысился еси к зрению красоты несозданныя, / в Бозе Емуже предстоиши, / моли, отче, Христа Бога / спастися душам нашим.

Тропарь. Иоанну Рыльскому.

ИоаннПреподобный Иоанн Рыльский.Преподобный Иоанн Рыльский Икона.Молитвы.Церковь прп. Иоанна Рыльского Рыльский, прп.

Покаяния основание, прописание умиления, / образ утешения, духовнаго совершения / равноангельное житие твое бысть, преподобне. / В молитвах убо и в пощениих и в слезах пребывавый, / отче Иоанне, / моли Христа Бога о душах наших.

Тропарь. Иоанну Дамаскину.

ИоаннПреподобный Иоанн Дамаскин. Житие.Иоанн Дамаскин Икона.Молитвы.Храм Покрова Пресвятой Богородицы на Лыщиковой горе Дамаскин, прп., песнописец

Православия наставниче, / благочестия учителю и чистоты, / вселенныя светильниче, / монашествующих Богодохновенное удобрение, Иоанне премудре, / ученьми твоими вся просветил еси, цевнице духовная, / моли Христа Бога спастися душам нашим.

Тропарь. Иоанну Яренгскому.

ИоаннПреподобные Иоанн и Лонгин Яренгские. Житие.Иоанн и Лонгин Яренгские Икона.Молитвы. Яренгский, прп.

От земли Возведый тя к вечным обителем / соблюдает и по смерти невредимо тело твое, святе Иоанне, / ты бо в целомудрии и чистоте жития, блаженне, пожил еси, / не осквернив тело, / темже со дерзновением моли Христа Бога спастися душам нашим.

Тропарь. Иоанну Многострадальному, Печерскому, в Ближних пещерах.

ИоаннПреподобный Иоанн Многострадальный, Печерский.Преподобный Иоанн Многострадальный, Печерский Икона.Молитвы. Печерский, Многострадальный

Терпения столп воистину непоколебимый / и забрало от вражиих стреляний необоримо, / равноангельне и многострадальне отче наш Иоанне, / имуще тя, мы, недостойнии, молимся, / припадающе к честным твоим мощем тепле: / избави нас душетленных страстей плотских и спаси твоими молитвами.

Тропарь. Иоанну и Лонгину Яренгским (Перенесение мощей).

ИоаннПреподобные Иоанн и Лонгин Яренгские. Житие.Иоанн и Лонгин Яренгские Икона.Молитвы. Яренгский, прп.

ЛонгинПреподобные Иоанн и Лонгин Яренгские. Житие.Иоанн и Лонгин Яренгские Икона.Молитвы. Яренгский, прп.

Яко звезды многосветлыя, от юности возсиявше, / осветили есте сердца верных пренесением честных мощей ваших, / добродетельми чудес ваших, во плоти яко бо Ангели на земли, показастеся, / пощением насаждени бысте, яко древо при водах воздержания, / напоени струями слез ваших, и скверну омысте, / сего ради явистеся приятелище Божия Духа, Иоанне и Лонгине, / молите Христа Бога спастися душам нашим.

Тропарь. Иоанну Лествичнику.

ИоаннПреподобный Иоанн Лествичник.Иоанн Лествичник Икона.Молитвы.Храмы Лествичник, Синайский, игумен

Яко Божественную лествицу, обретохом, Иоанне преподобне, / твоя Божественныя добродетели, / к Небеси возводящия ны: / добродетелей бо ты был еси воображение. / Тем моли Христа Бога, да спасет души наша.

Тропарь. Иоанну, затворнику Святогорскому.

ИоаннПреподобный Иоанн Святогорец, Иверский. Житие.Молитвы. Святогорец, Иверский (Афонский), прп.

В пустыню Святых Гор прешел еси, / мира красоту оставив и крест взем, / последовал еси Христу, / отче наш Иоанне, / пощением, бдением и тяжкими веригами в затворе подвизался еси, / души недужных, приходящих к тебе верою исцеляеши, / и Обители твоея украшение являешися, / темже со Ангелы срадуется, преподобне, дух твой,

Тропарь. Иоанникию Девиченскому, Сербскому.

Иоанникий * Молитвы. Девиченский, Чернорецкий, Сербский, прп.

Пощением, молитвами и благодатию Божественною просветився, / земныя концы светло озаряеши благочестно, / чудес благодать от Бога прием, / исцеляеши недуги, духи же лукавыя от человеков отгоняеши, / иже с верою притекают к раце мощей твоих святых, / преподобне отче наш Иоанникие. / Слава Давшему ти благодать, / слава Укрепившему тя, / слава Действующему тобою всем исцеления.

Тропарь. Иоанникию Великому.

ИоанникийПреподобный Иоанникий Великий. Житие.Иоанникий Великий Икона.Молитвы. Великий, прп.

Слез твоих теченьми пустыни безплодное возделал еси, / и, иже из глубины воздыханьми, во сто трудов уплодоносил еси, / и был еси светильник вселенней, / сияя чудесы, Иоанникие, отче наш: / моли Христа Бога спастися душам нашим.

Тропарь. Иоасафу, царевичу Индийскому.

ИоасафПреподобные Варлаам пустынник, Иоасаф, царевич Индийский, и его отец Авенир. Житие.Беседа Варлаама и Иоасафа Икона.Молитвы.Храм прпп. Варлаама и Иоасафа под колокольней Индийский, прп., царевич

Из чрева матерня / прекрасное вселение бысть Святаго Духа, / преславне Иоасафе, / и от блаженнаго Варлаама безценный бисер, Христа, / в сердце своем приял еси, / и Божественным Крещением Индию просветил еси, / отеческое же нечестие исправль, / приведе его от тьмы ко свету Богоразумия / и, оставив тленное на земли царство, / пустыню достиг и своего учителя, / темже на Небесех от Живоначальныя Троицы / венцем царским венчася, / моли о нас, чтущих честную твою память.

Тропарь. Иоасафу Каменскому, Спасокубенскому, Вологодскому чдтв.

ИоасафПреподобный Иоасаф Каменский.Молитвы.(в миру Андрей Вологодский, князь), Каменский, Спасокубенский, прп.

Яко древо насажденно при водах воздержания, / струями слез твоих напаяемь, преподобне отче Иоасафе, / сеяв бо слезами, в радости жнеши добродетельныя рукояти. / Тем Великий Мздовоздаятель в житницах Небесных тя сокровище положи, / но поминай чтущих любовию пресветлую память твою, / моли Святую Троицу, преподобне Иоасафе, / спастися душам нашим.

Величание. .

ИоасафПреподобные Варлаам пустынник, Иоасаф, царевич Индийский, и его отец Авенир. Житие.Беседа Варлаама и Иоасафа Икона.Молитвы.Храм прпп. Варлаама и Иоасафа под колокольней Индийский, прп., царевич

Ублажаем тя, / преподобне отче Иоасафе, / и чтим болезни и труды твоя, / имиже трудился еси / во исповедании Христове.

Тропарь. Иову, игумену Почаевскому.

ИовПреподобный Иов, игумен Почаевский.Иов Почаевский Икона.Молитвы. Почаевский, игумен

Возложь на ся иго Христово от юности, преподобне отче Иове, / многолетне свято подвизался еси / на поприще благочестия во обители Угорницстей и на острове Дубенстем, / и, пришед к горе Почаевстей, / знаменанней цельбоносною стопою Пресвятыя Богородицы, / в тесней пещере каменней / богомыслия ради и молитвы многократно заключался еси, / и, благодатию Божиею укрепляяся, / мужественно потрудился еси / на пользу Церкве Христовы и обители твоея, / купно же и противу врагов Православия и благочестия христианского, / и, наставив сицевому ополчению иночествующих, / победители тех представил еси Владыце и Богу. / Того моли спастися душам нашим.

Тропарь. Ионе Клименецкому, Олонецкому.

ИонаПреподобный Иона Климецкий. Житие.Молитвы. Климецкий (Клименецкий), Олонецкий, прп.

Ангельскому житию поревновав, блаженне Ионо, / оставил еси отечество твое, великий Новград, / и, пришед в пределы Олонецкия / и в пустыню вселився, / в трудех, молитвах и слезах подвизался еси, / и, яко мудрый купец, Царствие Небесное наследовал еси. / Темже любовию вопием ти: / моли Христа Бога, / да спасет души наша.

Тропарь. Иосифу, игумену Волоцкому, чдтв.

ИосифПреподобный Иосиф Волоцкий.Преподобный Иосиф Волоцкий. Икона.Молитвы. Волоцкий (Волоколамский), игумен

Яко постников удобрение и отцев красоту, / милости подателя, рассуждения светильника, / вси вернии, сошедшеся, восхвалим / кротости учителя и ересей посрамителя, / премудраго Иосифа, Российскую звезду, / молящася Господу / помиловатися душам нашим.

Тропарь. Иосифу Заоникиевскому.

ИосифПреподобный Иосиф Заоникиевский. Житие.Молитвы. Заоникиевский (Вологодский), Христа ради юродивый, прп.

Исперва житие твое, преподобне, / хитростию благоюродства от человек утаено на небесех пред Ангелы явленно, / и аще на земли тмою очес претыкаяся хождаше, / но мысленными крилы на высоту возшед, / Присносущным Светом облистаемь, / во отечествии наследова, / и земных мнящихся красных храмов не требовав, / но в Небесных селех пресветлыя обители стяжал еси, / ни ризами мягкими одеяся, / но паче власяницу возлюбил еси, / и сего ради паче всех имений земных небесная сокровища приобрел еси / и на земли плотян сый со безплотными совокупляяся, / Небесной Царице служа и Той приносимых Ангельских песней насладився, / ихже многие людие желая насладитися не могут. / Сего ради Всевышний Творец образ Свой / и Рождшия Его Богоматере / с высоты воздуха на руце твоя, / яко на Херувимская носила дарова тебе. / От Негоже Присносущным Светом очи твои уясни, / и яко росоточащий облак молитвами твоими весь мир милованный напои. / И ныне в последняя времена святую персть твою, яко Едемский источник во исцеление недугов устрои, / Егоже моли, наставниче наш, чудоносче Иосифе, / даровати нам мир и велию милость.

Тропарь. Иосифу Многоболезненному, Печерскому, в Дальних пещерах.

ИосифПреподобный Иосиф Многоболезненный.Иосиф Многоболезненный Икона.Молитвы. Печерский, Многоболезненный

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, сияя чудесы, / Иосифе, отче наш, / моли Христа Бога спастися душам нашим.

Тропарь. Ипатию целебнику, Печерскому, в Дальних пещерах.

ИпатийПреподобный Ипатий Печерский, целебникИпатий Целебник, Печерский Икона.Молитвы. Печерский, целебник

Безначальнаго онаго и тихаго места, / идеже несть печали, ни воздыхания, / достигнути, преподобне, желая, / не дал еси себе зде покоя нимало, / но присно день и нощь в делех всяких / и жестоком житии трудолюбно подвизаяся, пребываеши, / тем желаемого получил уже, Ипатие, / молися о душах наших.


См. также:


Материалы для этой страницы получены с сайта troparion.narod.ru
© ПРАВОСЛАВИЕ.RU