Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2016


Рейтинг@Mail.ru


Преподобный Евфросин Синозерский

День памяти:  20 марта  

Иконы

Жития

  • Преподобный Евфросин Синозерский
  • Преподобномученик Евфросин Синеозерский, Новгородский
  • Молитвы


    Тропарь преподобного Евфросина Синозерского
    глас 4
    От юности твоей вперив ум твой к Богу,/ блаженне Евфросине,/ мира же отвергся,/ вселился еси в пустыню непроходимую,/ и тамо, от Господа укрепляемь,/ в молитвах и пощениих доблественне пожил еси,/ и жизнь твою страдальчески/ убиением от сынов противления скончал еси,/ сего ради со преподобными и мученики венчался еси,/ с нимиже и ныне предстоиши Престолу Пресвятыя Троицы./ Сию моли, молим тя,/ оставление подати согрешений наших/ и даровати нам велию милость.
    Ин тропарь преподобного Евфросина Синозерского
    глас 1
    От юности вперив ум свой к Богу,/ блаженне Евфросине,/ и бегая суеты мира сего,/ достигл еси в пустыню непроходимую,/ идеже Богу, тя укрепляющу,/ ангельское житие стяжав,/ поработал еси довольно Владыце своему Христу/ в пощении, и в молитвах, и во всенощных бдениях/ и сподобился еси дара Духа Пресвятаго,/ еже прорицати будущая,/ наставляя на стезю покаяния/ притекающих к тебе и послушающих тя./ Темже Всеблагий Бог, видя великую твою к Себе веру,/ нелицемерную любовь и несумненную надежду,/ дарова тебе не точию еже веровати в Него,/ но еже и страдати по Нем,/ егда от противных сынов в тойже пустыни кровь твоя нещадно излияся./ И доселе, яко Авелева, вопиет к Богу,/ свидетельствующу о сем нетлением мощей твоих./ На няже взирающе, умильно вопием:/ слава Христу, даровавшему тебе благодать толику,/ Егоже и моли о нас.
    Кондак преподобного Евфросина Синозерского
    глас 8
    Подражая житию древних отцев,/ Богомудре отче Евфросине,/ красоту мира сего возненавидел еси,/ и, в пустыню вселився,/ веру Христову, якоже щит, в сердце твое приял еси,/ с неюже изшел еси, яко добр воин Царя Небеснаго,/ не на брань противу плоти и крове,/ но на брань противу козней невидимаго врага,/ и сего вознесенную гордыню,/ по данней тебе от Духа Святаго благодати,/ глубоким смирением твоим низложил еси,/ и от Небеснаго Мздовоздателя неувядаемым венцем победы венчался еси./ Сего ради, сошедшеся любовию, вопием ти:/ радуйся, отче Евфросине, пустынное украшение.

    Сайт прихода:

    © ПРАВОСЛАВИЕ.RU