Мученик Твой, Господи, Трифон,/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Пищи Божественныя, треблаженне,/наслаждаяся на Небесех неоскудно,/ славящих песньми память твою покрый/и сохрани от всякия нужды,/ отженй вредящих нивам животных,/ да тебе от любве вопием всегда:/ радуйся, Трифоне, мучеников укрепление.

Тройческою твердостию/ многобожие разрушил еси от конец, всеславне,/ честен во Христе быв, и, победив мучители во Христе Спасителе,/ венец приял еси мученичества твоего/ и дарования Божественных исцелений,// яко непобедим.

Небесный лик Небесных Ангел,/ приник на землю, пришедше зрит яко Младенца,/ носима к храму, Перворожденна всея твари от Матере Неискусомужныя,// предпразднственную убо с нами поют песнь, радующеся.

Небесный лик Небесных Ангел,/ приник на землю, пришедше зрит яко Младенца,/ носима к храму. Перворожденна всея твари от Матере Неискусомужныя,/ предпразднственную убо с нами поют песнь, радующеся.

Со Отцем Слово сый невидимо,/ ныне убо видим есть плотию:/ неизреченно от Девы родися/ и на руку старчу дается святителю./ Поклонимся Тому,// истинному Богу нашему.

Со Отцем Слово Сый невидимо,/ ныне убо видим есть плотию:/ неизреченно от Девы родися/ и на руку старчу дается святителю./ Поклонимся Тому/ истинному Богу нашему.