Кириак Палестинский, отшельник

Пустынный житель, и в телеси Ангел,/ и чудотворец показался еси, богоносе отче наш Кириаче,/ постом, бдением, молитвою Небесная дарования приим,/ исцеляеши недужныя и души верою притекающих к тебе./ Слава Давшему тебе крепость,/ слава Венчавшему тя,// слава Действующему тобою всем исцеления.

Чистотою душевною божественно вооружився/ и непрестанную молитву, яко копие, вручив крепко,/ ссекл еси демонская ополчения,/ Кириаче, отче наш,// молися непрестанно о всех нас.

Яко поборника крепкаго и заступника, / чтущи тя священная лавра всегда,/ празднует летне памяти./ Но яко имея дерзновение ко Господу,/ от врагов находящих соблюди ны, да зовем:/ радуйся, отче треблаженне.