Мученик Мина Александрийский

Воздержанием страстей огнепальныя/ умертвивше зраки и движения, Христовы мученицы/ прияша благодать недуги отгоняти немощных/ и живше и по кончине чудодействовати./ Воистинну чудо преславно,/ яко кости наги источают исцеления,// слава Единому и Создателю Богу.

Добропесненный глас твоих словес,/ Ермогена из глубины погибели возвед,/ постави на камени жизни,/ отонудуже и Евграф, царя обличив,/ радуяся, посекается в славную главу,/ но прилежно моли, Мино,// спастися всем, любовию чтущим тя.

Мину чуднаго, Ермогена Божественнаго и Евграфа купно/ священными сладкопении почтим вси,/ яко почествовавшия Господа,/ и страдальчествовавшия за Него,/ и лика Безплотных на Небесех достигшия,// и чудеса точащия.