Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Благоверный князь Олег Брянский

День памяти: 20 сентября

Иконы

Жития

  • Святой благоверный князь Олег Романович Брянский
  • Благоверный князь Олег Брянский
  • Молитвы


    Тропарь преподобного и благоверного князя Олега Брянского
    глас 8
    От юности возлюбив Христа всем сердцем, преподобне / славу земную, яко преходящу, оставил еси / и царство земное в ничтоже вменивше, / лику инок радостно причелся еси / и труды многими град Брянск, аки солнце пресветло, озарил еси: / тем, быв Троицы украшение, моли, княже Олеже, Христа Бога, спастися душам нашим.
    Кондак преподобного и благоверного князя Олега Брянского
    глас 4
    Уподобился еси плодоносней леторасли от корене честнаго, Олеже благородне,/ истину возлюбив и нетленный Христов живот./ Темже молитвою, бдением и пощением светильник великий быв твоим учеником,/ просвети, блаженне, Отечество твое и спаси души наша.
    Молитва благоверному князю Олегу Брянскому
    О, преподобне отче, благоверне княже Олеже, угодниче Христов усердный, молитвенниче ко Господу теплый, защитниче в бедах и утешителю в печалех неустанный! Воззри, преблаженне, мило­стиво на град твой и виждь чада твоя, смиренно ти припадающия и служити тебе хотящия. Не отвергни требующия твоея помощи, но яко благодетель и ходатай, моли присно Господа Бога и Спаса нашего Иисуса Христа, да благословит страну Россий­скую, в мире и благоверии ю сохраняя, грады умножая, достояние Свое соблюдая. Вознеси, богоносне отче наш, сие малое моление недостойных раб твоих Владыце Христу, да утвердит во Святей Православней Церкви живый дух правыя веры и любве, благоче­стие непоколебимо, любомудрие христопоследовательно, да дару­ет пастырям ревность попечения о спасении людей, во еже неверующая просветити, заблуждшия наставити, отпадшия обратити и привлещи. Изряднее же, да вся чада Церкве Православныя чисты сохранит от мирских искушений, похотей плотских, суемудрия, суеверий и наваждений вражеских. Ей, угодниче Божий, не презри нас, молящихся тебе, но помози нам ско­рым предстательством твоим, да всяких бед, напастей и скорбей в сей жизни временней избежавше, кончину непостыдну обретем, и тако на земли богоугодно поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

    Сайты приходов:

    Храм во имя преподобного и благоверного князя Олега Брянского г. Новосибирск (Новосибирская епархия)
    Кафедральный собор во Имя Святой Троицы г. Брянск (Брянская епархия)
    Успенский мужской монастырь г. Красноярск (Красноярская епархия)
    Храм Олега Брянского пос. им. Кирова (Калачевская епархия)
    Храм-усыпальница в честь прп. Олега Брянского с. Осташево (Московская епархия (областная))
    Св. прп. Блгв. кн. Олега Брянского храм г. Харьков (Харьковская епархия)
    © ПРАВОСЛАВИЕ.RU