Стефан Новый, Константинопольский, прмч.

Постнически предподвизався на горе,/ умная врагов ополчения/ всеоружием Креста погубил еси, всеблаженне,/ паки же ко страдальчеству мужески вооружился еси,/ убив Копронима мечем веры,/ и обоих ради венчался еси от Бога,// преподобномучениче Стефане приснопамятне.

Из неплодна, преподобне, корене возрасте ветвь,/ первострадальцу тезоимените,/ монахов наставник велик, отче, явился еси,/ и ярости не убоявся царя,/ не хотяща Христов чествовати образ,/ сего ради скончався,// мученический венец приял еси, Стефане.

Яко предпросиявый, Стефане, житием постническим,/и в мире облистал еси течением страдальчества,/ разгнал еси мрачную прелесть еретичествующих,/ показавый истинную славу православных,/ сего ради прославился/ яко Божественный свидетель Истины Христовы.

Троицы рачителя и Божественнаго Стефана/ восхвалим верно песньми, празднолюбцы, от сердца,/ яко почествовавша начертание красное Владыки и Матере Его,/ и согласно ныне от любве возопиим ему, радующеся:/ радуйся, отче приснославне.