Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Блаженный Феодор Новгородский

День памяти: 19 января

Жития

  • Блаженный Феодор Новгородский
  • Блаженный Феодор Новгородский, Христа ради юродивый
  • Молитвы


    Тропарь блаженного Феодора Христа ради юродивого, Новгородского
    глас 8
    Иже на земли Христа ради волею в буйство преложився,/ мира сего красоты отнюд возненавидел еси/ и, плотская играния увядив постом и жаждею и на земли леганием,/ от зноя же и студени, от дождя и снега/ и от прочил воздушныя тягости никогдаже уклонился еси,/ душу же очистил еси добродетельми, яко злато в горниле,/ отче преблаженне Феодоре,/ и ныне на Небесех предстойши Престолу Пресвятыя Троицы,/ но яко имея дерзновение многое,/ моли Христа Бога спастися душам нашим.
    Тропарь блаженного Феодора Христа ради юродивого, Новгородского
    глас 4
    Православно проповедав, изъяснил еси догматы, Бога милостива сотвори, и Его ради во юродство претворися, и шибание великое сотворил еси, и снег и зной приим на своем телеси, по преставлении же своем даеши многа исцеления с верою приходящим к раце мо­щей твоих: сего ради вопием ти, Феодоре блаженне, моли Христа Бога непрестанно о всех нас.
    Ин тропарь блаженного Феодора Христа ради юродивого, Новгородского
    глас 8
    На земли Христа ради в буйство преложився,/ мира сего красоты отнюд возненавидел еси,/ плотская взыграния увядив,/ от дождя и снега и от прочия воздушныя тягости никогда же уклонился еси,/ от неразумных человек поругание, радуяся, претерпел еси,/ подобяся Творцу твоему и вопия:/ Господи, не постави им греха сего;/ душу же предочистил еси, яко злато в горниле,/ и сию Христос прият/ и, яко светозарную звезду, Своей славе причастну содела./ Предстоя ныне Святей Троице, преблаженне Феодоре,/ моли за град же и люди,/ почитающия любовию пречестную память твою.
    Кондак блаженного Феодора Христа ради юродивого, Новгородского
    глас 8
    Вышния красоты желая,/ нижния сладости и телесная одеяния тощно оставил еси/ и нестяжание паче суетнаго мира возлюбил еси,/ ангельское житие проходя, скончался еси, Феодоре блаженне,/ с нимиже Христа Бога моли непрестанно о всех нас.
    Кондак блаженного Феодора Христа ради юродивого, Новгородского
    глас 3
    Яко злато в горниле, Феодоре блаженне, мира сего красоту отнюд возненавидев, плоть свою зноем и жаждою увядил еси и от прочия воздушныя тягости никогда же уклонился еси, и сего ради волею в юродство претворися, Феодоре блаженне.
    © ПРАВОСЛАВИЕ.RU