Аврамий Ростовский, архимандрит

Просветився Божественною благодатию,/ неверныя люди наставил еси к свету Богоразумия:/ и по смерти сияя светлостию жития твоего,/ источаеши исцеления притекающим с верою к тебе,/ Авраамие отче наш,/ Христа Бога моли даровати нам велию милость.

Иго Христово прием, Авраамие,/ и Того крест на рамо взем,/ последовал еси Ему,/ насажден быв в дому Господни / и процвел еси, яко финике и яко кедр, иже в Ливане,/ умножил еси чада твоя, муж желаний духовных:/ от возлюбленнаго же апостола Иоанна Богослова благодать восприим,/ жезлом сокрушил еси идола/ и рассыпал еси его, яко прах,/ и чудотворец убо велий явился еси, преподобне./ Темже Христа Бога моли/ непрестанно о всех нас.