Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Георгий Новый, Серб, Софийский, Болгарский, мч.

День памяти: 26 мая

Иконы

Жития

  • Мученик Георгий Новый
  • Молитвы


    Тропарь мученика Георгия Нового, Софийского, Болгарского
    глас 4
    В терпении многоискуснем, блаженне мучениче Георгие,/ огнеискусную смерть претерпел еси/ и по кончине твоей венец от Христа нетленный/ с мученическими лики приял еси./ И ньше, на земли кротких достойно водворялся,/ Христа Бога о нас непрестанно моли,/ иже верою покланяющихся раце мощей твоих.
    Тропарь мученика Георгия Нового, Софийского, Болгарского
    глас 4
    Божественным желанием от юнаго возраста/ весь сам себе Господеви возложив,/ в молитвах и постех образ быв добродетели,/ богатство же, и славу, и доброродство телесное, яко не сущее, презрев,/ и Христа единаго от души возлюбил еси,/ и Того, истиннаго суща Бога, в Троице покланяема,/ пред нечестивыми турки проповедал еси,/ и, срацынскую веру, и законы Моамефовы под ногами поправ/ и мучителя ужасив,/ мучения венцем украсився, славне,/ к Небесным востекл еси ликостоянием,/ премудре Георгие./ Моли Христа Бога/ сохранити отечество твое и спасти люди и град,/ иже твоя подвиги присно почитающия.
    Ин тропарь мученика Георгия Нового, Софийского, Болгарского
    глас 4
    Божественною уязвлен любовию,/ премудре Георгие славне,/ Христа Бога нечестивым проповедал еси/ и злочестие турское ногами попрал еси;/ мучения же венцем украсився,/ к Небесным востекл еси ликостоянием./ Моли Христа Бога/ сохранити отечество твое, град и люди,/ подвиги твоя присно почитающия.
    Кондак мученика Георгия Нового, Софийского, Болгарского
    глас 2
    Вышния славы желая, многострадальне Георгие,/ агарянскую прелесть поплевав, попрал еси/ и победы венец приял еси,/ Ангелом ныне свеселяся и мучеником соводворяяся,/ с нимиже Христу Богу молися непрестанно о всех нас.
    Кондак мученика Георгия Нового, Софийского, Болгарского
    глас 4
    Яко звезда пресветлая, явился еси непрелестная мирови,/ праведнаго солнца Христа возвещающи страдании твоими, страстотерпче,/ великий мучениче Христов Георгие,/ и прелесть погасил еси срацынскую,/ и Моамефова предания и законы под ногами твоими попрал еси,/ и беззаконнаго царя и мучителей ужасил еси крепким твоим терпением,/ и верным подаеши свет,/ моляся к Богу непрестанно/ о всех нас.

    Служба

    Сайт прихода:

    Храм Свято-Георгия Нового, Болгарского с. Мамрин (Житомирская епархия)
    © ПРАВОСЛАВИЕ.RU