Святитель Дорофей Тирский, епископ, сщмч.

И нравом причастник,/ и престолом наместник, апостолом быв,/ деяние обрел еси, Богодохновенне,/ в видения восход;/ сего ради, слово истины исправляя,/ и веры ради пострадал еси даже до крове,/ священномучениче Дорофее,/ моли Христа Бога// спастися душам нашим.

Нищелюбием обогатився/ и милость воздержания источив,/ наслаждения Царствия Небеснаго сподобися,/ страдальчески беды приим по стаде своем,/ и апостолом обретеся ссельник,/ отче священномучениче Дорофее,/ моли Христа Бога/ спастися душам нашим.

Добродетельми сияя, и Божественными учении паче солнца,/ и страдании, блаженнее, облистал еси,/ просветил еси землю, Дорофее, отгнав мглу многобожия и лютыя ереси.// Сего ради память твою светло празднуем.