Ермолай Никомидийский, иерей, сщмч.

Мученицы Tвои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Tвою,/ мучителей низложиша,/ сокрушиша и демонов немощныя дерзости./ Tех молитвами// спаси души нaша.

Миром благодати помазан,/ преблаженне отче Ермолае,/ иерей Бога Вышняго явился еси/ и благочестия светлый проповедник,/ мученик же твердый и безмездный врач притекающих к тебе./ Слава Давшему тебе крепость,/ слава Венчавшему тя,/ слава Действующему тобою всем исцеления.

Троицы провозвестницы,/ троице мучеников честная,/ идольское нечестие обличившии/ и тьмочисленнаго врага сокрушившии,/ ныне, со Христом царствующе, молите,/ священный Ермолае со Ермиппом и Ермократом славным,/ яко да и наша враги победим/ и приимем от Царя всех, Бога, вечный живот/ и венец нетленный.

Яко святитель благочестно пожив/ и священномучения венец приял еси./ Идольския жертвы погасив,/ добрый пастырь Христова стада был еси, премудре,/ и Пантелеимону истинный учитель./ Сего ради почитаем тя песньми, вопиюще:// от бед избави нас присно молитвами твоими, Ермолае, отче наш.