Праведный Иаков Боровичский

Яко звезда многосветлая, отче, на востоце возсия./ к западу пришел еси, блаженне, во твое принесение,/ яко солнечная луча, испущаеши исцеления притекающим к раце мощей твоих,/ молися Христу Богу спасти православныя люди, молящияся ти,/ да вси вопием ти:/ радуйся/ Богомудре Иакове.

Божественною благодатию просветився,/ и по смерти даруеши исцеление/ притекающим к тебе, премудре Иакове:/ темже и мы ныне чтим честных мощей пренесение,/ веселяще вкупе души и телеса./ Тем вси вопием:/ слава Давшему ти крепость!/ Слава Венчавшему тя!/ Слава Действующему тобою всем исцеления!

Верою и любовию/ твое честное пренесение празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православныя люди,/ молящия тя, да вси вопием ти:/ радуйся, отче Иакове,/ всея Российския земли удобрение.