* Чтения прав. Иоанна Русского (на утрене и литургии) читаются, если ему совершается служба.
Молитвы
Тропарь праведного Иоанна Русского
глас 4
От земли пленения твоего/ воззвавый тя к Небесным селением,/ Господь соблюдает невредимо и цельбоносно тело твое,/ праведне Иоанне,/ ты бо, в России ятый и во Асию проданный,/ посреде, агарянского злочестия благочестно пожил еси во мнозе терпении/ и, сеяв зде слезами,/ жнеши тамо неизглаголанною радостию.// Темже моли Христа Бога спастися душам нашим.
Тропарь праведного Иоанна Русского
глас 4
На Небеси предстоя Святей Троице,/ праведне блаженне Иоанне,/ земный ангеле, Божий человече,/ с Безплотными лики славословиши любовь неизреченную,/ в Церкви первородных со святыми водворялся,/ о нас, сущих на земли, возносиши молитвы/ к Содетелю всех и Спасу,/ да подаст мир всему миру,/ Церквам на земли благостояние и соединение всех,/ чтущих Сына Божия, во плоти пришедша,/ во святем Теле Христа Иисуса,/ еже есть Церковь Бога Живаго,/ во спасение рода человеческаго.
Ин тропарь праведного Иоанна Русского
глас 4
От земли Призвавший тя в Небесныя обители/ сохраняет и по смерти нетленное тело твое, святе,/ ты бо яко пленник приведен бысть в Азию,/ идеже и уподобися Христу./ Сего ради моли Его спастися душам нашим.
Кондак праведного Иоанна Русского
глас 8
В честней памяти твоей, святе,/ веселится о тебе Россия,/ во благочестии тя воспитавшая,/ и целебным мощем твоим радуется Асия,/ идеже узкий путь прошед страдальческаго плена и постнических подвигов,/ сосуд честен явился еси Божия благодати,/ еяже проси и нам, чтителем твоим, да зовем ти:// радуйся, Иоанне, благодати тезоимените.
Кондак праведного Иоанна Русского
глас 4
Евангельския любве служителя,/ правды Божия ревнителя,/ чистоты душевныя и телесныя хранителя,/ веру Христову исповедавша в страданиих,/ праведнаго Иоанна ублажаем и почитаем днесь/ и, житием его назидающеся, поем:/ радуйся, молитвенниче наш, от Бога прославленный.
Ин кондак праведного Иоанна Русского
глас 4
Ныне приспе память славных, святе отче, дел твоих,/ веселяще благочестивыя души,/ верно чтущия тя, Иоанне.
Тропарь преподобного Нила
глас 4
Яко светильник всесветел,/ явился еси во острове Селигера езера,/ преподобне отче Ниле,/ ты бо, крест Христов от юности своея на рамо взем,/ усердно Тому последовал еси,/ чистотою Богови приближився,/ отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобне,/ моли Христа Бога// спастися душам нашим.
Кондак преподобного Нила
глас 8
Отечества, преподобне, удалився,/ в пустыню вселился еси,/ и, на остров Селигера езера возшед,/ жестоко житие показал еси,/ и, многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:// радуйся, Ниле, отче наш.
Перенесение мощей святителей Киевских и всея России чудотворцев Киприана, Фотия и Ионы. Ин кондак
глас 8
Яко крин, в пустыни давидски процветше, отцы святии,/ ныне явистеся и к Вышнему течению радостно устремистеся,/ идеже с лики святых Пресвятей Троице предстояще,/ молите сохранитися стаду вашему от враг видимых и невидимых./ Мы же, святое ваше обретение празднующе, вопием:/ радуйтеся, теплии наши заступницы.
Перенесение мощей святителей Киевских и всея России чудотворцев Киприана, Фотия и Ионы. Тропарь
глас 8
Яко Светлаго Солнца светозарныя звезды,/ Троическим Светом озаряете сердца верных,/ пренесением честных мощей ваших,/ Троицы сосуди явистеся чистии вашим житием,/ и научисте люди твердо вере Христове,/ и скверну отгнасте вашими святыми заповедьми,/ и упасосте добре Христово стадо, порученное вам,/ Богомудре Киприане, со славным Фотием и со Ионою твердым,/ молитеся Христу Богу, да спасет души наша.
Перенесение мощей святителей Киевских и всея России чудотворцев Киприана, Фотия и Ионы. Кондак
глас 8
Яко трие велицыи светила, явистеся,/ озаряюще всю подсолнечную/ богоданною вам благодатию чудес,/ и просветисте молитвами своими верных сердца,/ вашу память чтущих честнаго пренесения./ И Владыку Христа, всех Творца, молите/ стране нашей на враги победу подати,/ яко имуще дерзновение,/ и нам просите велия милости, вопиющим к вам:/ радуйтеся, поборницы по Христове Церкви/ и многочестная светила, святителие славнии.
Житием чистым просветився,/ в молитвах и постех пустыни явился еси доброе прозябение/ и, духовному твоему учителю последствуя,/ ум свой к Небесным управль,/ стаду твоему наставник был еси,/ тем тя молим, отче Ферапонте:/ моли Христа Бога спастися душам нашим.
Преблагий Спас наш Христос/ умножил есть миость Свою к нам,/ даровав нам в заступника и целителя/ преподобнаго отца нашего Ферапонта,/ иже просвещает нас образом святаго жития своего/ и ныне молитвами своими ограждает храм свой от врагов и от разрушения,/ страну сию от глада и напрасный смерти,/ чтущих же память его всех/ от болезней и от лютых страстей.
Христовым желанием распалився,/ страсти плотския воздержанием оттряс,/ постническое стяжав жительство, преподобне,/ сего ради Господь труды твоя видев,/ даром чудес обогати тя,/ источавши бо исцеления и молишися о нас к Богу,/ мы же, радующеся, вопием ти:/ радуйся, Ферапонте, отче наш.
Тропарь преподобного Ферапонта Монзенского
глас 8
Любовию Христовою, Богомудре, просветився и добродетельми,/ сожительствовал еси Василию блаженному,/ и, всякое наслаждение плотское возненавидев,/ в пустыню вселился еси,/ в ней же вельми подвизался еси в жизни сей временней,/ плоть умершвляя свою в пениих, и во бдениих, и в пощениих./ Темже и Христос даром чудес обогати тя,/ но поминай убо нас, чтущих пресветлую память твою,/ преподобне отче Ферапонте,/ и моли Христа Бога спастися душам нашим.
Кондак преподобного Ферапонта Монзенского
глас 8
Возложив себе Богу от юности, преподобне,/ Того паче всех возлюбив,/ и Тому от всея души любовию последовал еси,/ тленная и красная мира нивочтоже вменив, в пустыню вселився,/ в ней же добре подвизался еси противу невидимых врагов козней/ и, яко светозарное солнце, в концех Галическия земли возсиял еси,/ отонуду же, веселяся, прешел еси к Небесным обителем,/ и ныне со Ангелы Владычню Престолу предстоя,/ поминай нас, чтущих память твою, да зовем ти:/ радуйся, Ферапонте, отче наш.
Святитель Феофан Затворник. Мысли на каждый день года
(Дея. 25, 13-19; Ин. 16, 23-33). "Истинно, истинно - говорю вам: о чем ни попросите Отца во имя Мое, даст вам", сказал Господь и еще с подтверждением: "истинно, истинно говорю вам". Какой стыд для нас, что мы не умеем пользоваться таким неложным обетованием! И добро бы только нам стыд от того; а то наводится тень на самое обетование, будто оно слишком велико и неисполнимо. Нет, вина вся на нас, и главным образом в том, что мы не сознаем себя верными рабами Христовыми, и совесть не дает нам чаять какой - либо милости от Господа. К тому же и то бывает, что если иногда и приступает кто просить о чем Бога, то с раздвоенною душою: помянет о том мимоходом в молитве своей раз и два - и бросает, да и говорит потом: "не слышит Бог". Нет, прося чего либо особенно, надо держать неотступность и неутомимость в молитве, подобно вдове, которая и бессердечного судью докучанием своим заставила удовлетворить ее прошению. Настоящие молитвенники, испрашивая что-либо в молитве, соединяют с молитвою пост, бдения, лишения всякого рода и всякое благотворение, и притом просят не день, не два, а месяцы и годы; зато и получают. Им и подражайте, если желаете иметь успех в молитве.
Архив
RSS
Карта сайта
Православие.Ru
Поместные Церкви
Православный Календарь
English version
ПРАВОСЛАВНЫЙ КАЛЕНДАРЬ » Календарь
Сщмч. 
Обретение мощей прп. 
Прав. 