Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Лонгин Яренгский, прп.

Дни памяти: 20 июня (Новг.), 3 июля, 9 августа (Солов.), 16 октября

Иконы

Жития

  • Преподобные Иоанн и Лонгин Яренгские
  • Молитвы

    3 июля
    Тропарь преподобных Иоанна и Лонгина Яренгских (перенесение мощей)
    глас 8
    Яко звезды многосветлыя, от юности возсиявше,/ осветили есте сердца верных пренесением честных мощей ваших,/ добродетельми чудес ваших, во плоти яко бо Ангели на земли, показастеся,/ пощением насаждени бысте, яко древо при водах воздержания,/ напоени струями слез ваших, и скверну омысте,/ сего ради явистеся приятелище Божия Духа, Иоанне и Лонгине,/ молите Христа Бога спастися душам нашим.
    Кондак общий преподобных Иоанна и Лонгина Яренгских
    глас 8.
    Явистеся светильницы всесветлии, во плоти ангели,/ яко Живота древо райское,/ пощением, и бдением, и верою возращаеми, процвели есте./ Молитвами своими Небесную благодать приемше,/ врачеве же крепцыи явльшеся,/ исцеляете недужныя и души с верою прибегающих к раце мощей ваших,/ чудотворцы славнии, Иоанне и Лонгине,/ сего ради вси верою и любовию вопием:/ радуйтеся, поморстей стране похвало и утверждение.
    16 октября
    Кондак преподобного Лонгина Яренгского
    глас 2
    Вышних улучоти, премудре, желая,/ долу красных, мудре, преобидел еси,/ и Христови обнищавшему, сообнища,/ радуяся, последовал еси, Лонгине,/ к Нему же прилежно непрестай моляся о всех нас.

    Тропарь преподобнаго Лонгина
    глас 1
    Свыше Божественною благодатию просветився, Богомудре,/ многим терпением во временней жизни течение совершил еси,/ темже и по успении источаеши чудес благодать,/ иже с верою приходящим к тебе, Лонгине всеблаженне./ Слава Давшему ти крепость,/ слава Прославльшему тя в чудесех,/ слава Действующему тобою всем исцеление.
    © ПРАВОСЛАВИЕ.RU