Православия наставниче,/ благочестия учителю и милости сокровище,/ архиереев украшение,/ людей зырянских наставниче,/ святителю Питириме,/ душу свою за Христа положивый,/ моли Единаго Человеколюбца о пастве твоей и о всех/ любовию чтущих память твою.

Монашескими добродетельми/ во обители святителя Алексия первее украсився/ и прославлению того послужив,/ пастырь явился еси людем зырянским/ и, яко агнец чист, принеслся еси Слову Началопастырю,/ мученик быв, Питириме святителю всехвальне./ Темже торжествуем вси любовию/ Божественную память твою.

Всепетая и Всеславная Царице Богородице,/ Мати всея твари Содетеля,/ христианская надежде и Заступнице,/ ненадеющимся и отчаявшимся скорое надеяние, молим Тя:/ милостива буди нам, грешным,/ не остави раб Твоих и не отрини моления недостойных./ Молимся, взирающе ко образу Твоему честному/ святыя и чудотворныя иконы Твоей и вопиюще:/ с плавающими и путешествующими да пребудет милость Твоя./ О Владычице, ризою Твоею честною защити,/ и во всяких местех злых верныя соблюди,/ и молися к Рождшемуся из Тебе Христу Богу нашему,/ да спасет от грех души наша.

В Небесныя обители преселившаяся с плотию,/ сущия на земли никакоже оставила еси, Богородице,/ образ Божественный и многочудесный Пречистаго Лица Твоего/ зрети любящим Тя и покланятися даровала еси,/ яко знамение Твоея благодати;/ чтим его, лобызающе.