Святитель Феофан Затворник. Мысли на каждый день года
(2 Тим. 3, 10-15; Лк. 18, 10-14). Вчера учило нас Евангелие неотступности в молитве, а ныне учит смирению или чувству бесправности на услышание. Не присваивай себе права на услышание, но приступай к молитве, как никакого внимания недостойный, и дающий себе дерзновение отверзть уста и вознести молитву к Богу по одному безпредельному к нам бедным снисхождению Господа. И на мысль да не приходит тебе: я то и то сделал; подай же мне то-то. Все, что бы ты ни делал, почитай должным; ты должен был все то сделать. Если бы не сделал, подвергся бы наказанию, а что сделал, тут не за что награждать, ничего особенного не явил ты. Вон фарисей перечислил свои права на услышание, и вышел из церкви ни с чем. Худо не то, что он так делал, как говорил; так и следовало ему поступать, а худо то, что он выставил то, как особенное нечто, тогда как сделавши то и думать о том не следовало. - Избави нас, Господи, от этого фарисейского греха! Словами редко кто так говорит, но в чувстве сердца редко кто не бывает таким. Ибо отчего плохо молятся? Оттого, что чувствуют себя и без того в порядке находящимся перед Богом.
Молитвы
Тропарь преподобного Геннадия Костромского и Любимоградского
глас 4
Яко пустыннолюбивая горлица, / от суетнаго и многомятежнаго мира в пустыню удалився, / чистотою и говением, молитвами и труждением / прославил еси Бога в душе и телеси своем. / И тако благочестно пожив, / явился еси, преподобне Геннадие, пустыни Любимоградския украшение, / иноком честнаго жития образ / и теплый молитвенник за всех, / притекающих к тебе с верою.
Кондак преподобного Геннадия Костромского и Любимоградского
глас 3
Молитвою и постом, труждением и терпением/ умертвивый всякое плоти мудрование,/ чистоты сосуд благолепен,/ Божественных даров и чудес причастник,/ иноком же доблий наставник был еси,/ сподвизаяся блаженному Корнилию, отче Богомудре./ Сего ради вопием:/ молися ко Господу,/ да молитвами твоими дарует мир и спасение душам нашим.
Тропарь священномученика Климента, епископа Анкирского
глас 4
Лоза преподобства и стебль страдальчества,/ цвет священнейший и плод Богоданный,/ верным, всесвященне, присноцветущ, даровался еси,/ но яко мучеников сострадалец/ и священноначальников сопрестольник,/ моли Христа Бога/ спастися душам нашим.
Кондак священномученика Климента, епископа Анкирского
глас 4
Лозы был еси честная розга Христова,/ многострадальне Клименте всехвальне, явлься,/ со страждущими же взывал еси:/ Ты мучеников, Христе, светлое радование.
Ин кондак священномученика Климента, епископа Анкирского
глас 4
Сад благоцветущ израсте во отечествии своем,/ красен плод прозябе по вселенней во время страданий твоих,/ темже память твою чтим, преподобне Клименте./ Сего ради источаеши миро, веселящее души наша.
Архиерейское украшение,/ Великому Новуграду Богодухновенное удобрение,/ сущия бо в нем люди на пажитех живоноснаго закона Господня упасл еси,/ и сего ради в лице святых водворятися сподобися,/ и святую твою память многими леты сотвори неоскверненну,/ в нейже, тя почитающе,— радуйся,— от души вопием ти,/ святителю отче Феоктисте,/ Великому Новуграду похвала и утверждение.
Тропарь новомучеников
глас 4
Днесь радостно ликует Церковь Русская,/ прославляющи новомученики и исповедники своя:/ святители и иереи,/ царственныя страстотерпцы,/ благоверныя князи и княгини,/ преподобныя мужи и жены/ и вся православныя христианы,/ во дни гонения безбожнаго/ жизнь свою за веру во Христа положившия/ и кровьми истину соблюдшия./ Тех предстательством, долготерпеливе Господи,/ страну нашу в Православии сохрани// до скончания века.
Днесь радостно ликует Церковь Русская, прославляющи новомученики и исповедники своя: святители и иереи, царственныя страстотерпцы, благоверныя князи и княгини, преподобныя мужи и жены и вся православныя христианы, во дни гонения безбожнаго жизнь свою за веру во Христа положившия и кровьми Истину соблюдшия. Тех предстательством, Долготерпеливе Господи, страну нашу в Православии сохрани до скончания века.
Ин тропарь новомучеников
глас 4
Цвети Российскаго луга духовнаго/ в годину лютых гонений дивно процветшии/ новомученицы и исповедницы безчисленнии:/ святителие, царственнии страстотерпцы и пастырие,/ монаси и мирстии, мужие, жены же и дети,/ добрый плод в терпении Христу принесшии,/ молитеся Ему, яко насадителю вашему,/ да избавит люди Своя от безбожных и злых,/ да утверждается же Церковь Русская/ кровьми и страдании вашими/ во спасение душ наших.
Кондак новомучеников
глас 2
Новии страстотерпцы Российстии,/ исповеднически поприще земное прошедши,/ страданиями дерзновение приимшия,/ молитеся Христу на вас призревшему,/ яко да молящиися вам в час испытания веры их, / мужества дар приимут./ Образ бо есте нам, лобызающим стопы ваша,/ яко ни скорбь, ни теснота, ни смерть,/ от любве Божия разлучити вас не возмогоша.
Кондак новомучеников
глас 3
Днесь новомученицы Российстии/ в ризах белых предстоят Агнцу Божию/ и со Ангелы песнь победную воспевают Богу:/ благословение, и слава, и премудрость,/ и хвала, и честь,/ и сила, и крепость/ нашему Богу// во веки веков. Аминь.
Тропарь Собора Костромских святых
глас 4
Днесь град Кострома вельми вами хвалится:/ в пределех бо земли Костромския,/ яко звезды светозарныя, возсиявше,/ чудесы своими вся озарили есте/ и ныне молитеся ко Господу, отцы преблаженнии, Геннадие, Паисие, Авраамие,/ Иакове, Макарие и Пахомие, со инеми многими нашего края Небесными покровителями/ за град Кострому и всяк град, и страну, и люди,/ верою и любовию вас почитающия,/ и о спасении душ наших.
Кондак Собора Костромских святых
глас 8
Костромского края благочестия подвижники и за грады и веси страны Российския теплыя предстатели явистеся,/ отцы преблаженнии, Христа Бога молите о нас,/ священный ваш собор почитающих/ и с любовию вопиющих:/ радуйтеся, отцы предивнии, Костромского края и всея России похвале и утверждение.
Православие.Ru
Поместные Церкви
English
Српска
Сщмч. 
