Святитель Феофан Затворник. Мысли на каждый день года
(2 Пет. 2, 9-22; Мк. 13, 14-23). "Если кто вам скажет: вот, здесь Христос, или: вот там - не верьте". Христос Господь, Спаситель наш, устроив на земле Св. Церковь, благоволит пребывать в ней, как глава ее, оживитель и правитель. Здесь Христос, в Православной нашей Церкви, и в другой какой-либо нет Его. И не ищи, не найдешь. Почему, если кто из неправославного сборища придет к тебе и станет внушать: у нас Христос, не верь. Если услышишь от кого: у нас апостольская община, и у нас Христос, не верь. Апостолами основанная Церковь пребывает на земле; это Православная Церковь. И здесь Христос. А та, вчера устроенная община, не может быть апостольскою, - и в ней нет Христа. Если кого услышишь говорящим: во мне говорит Христос, а между тем он Церкви чуждается, пастырей ее знать не хочет и таинствами не освящается - не верь ему: в нем не Христос, а другой дух, присваивающий себе имя Христа, чтобы отвлекать от Христа Господа и от Св. Церкви Его. И никому не верь, кто будет внушать тебе малое что, чуждое Церкви. Всех таких признавай орудиями духов лестчих и лживыми проповедниками лжи.
Молитвы
Тропарь преподобного Лонгина Коряжемского
глас 1
От мятежа мирскаго удалився,/ к немерцающему Свету притекл еси, преподобне отче Лонгине,/ и ныне чисте зриши Святую Троицу,/ Юже моли за ны недостойныя,/ да спасет души наша.
Кондак преподобного Лонгина Коряжемского
глас 8
По словеси Учителя Христа,/ крест на рамо твое приял еси,/ вся житейская отринув,/ и образ Животворящаго Древа в пустыню принесл еси,/ идеже доныне исцеления неоскудно источаются/ с верою приходящим к тебе.
Тропарь преподобного Прохора Печерского, в Ближних пещерах
глас 4
Преподобне и чудотворче, отче Прохоре,/ препитавый во гладе алчущия хлебом от былия и солию от пепела,/ напитай и нас пищею духовною,/ моля Христа Бога/ о душах наших.
Кондак преподобного Прохора Печерского, в Ближних пещерах
глас 2
Велиим воздержанием удручая плоть свою, святе,/ лишився пищи человеческия,/ зелием и травою вместо хлеба, пепелом же, аки солию, питался еси,/ чудодейственне Прохоре./ Еже видя, Господь преложи зелие во хлеб и пепел в соль,/ имиже ты множество гладных препитал еси,/ тем тя чтем и ублажаем.
Тропарь священномученика Харалампия
глас 4
Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам.
Тропарь священномученика Харалампия, поемый на молебне
глас 4.Подобен: К Богородице прилежно:
Страстотерпцу Харалампию приступим/ и образу его поклонимся, от сердца вопиюще:/ мучениче Харалампие и отче,/ от всякаго обстояния и всех бед своих раб избави нас,/ в церкве твоей выну пребывающих.
Ин тропарь священномученика Харалампия, поемый на молебне
глас 4. Подобен: Вознесыйся на Крест:
Пострадавый мужески и мученический надевый венец,/ священномучениче преславне Харалампие, / свобода раб твоих от губительства и всякаго зла,/ напастей и бед, святе,/ с любовию твое призывающих чудное имя.
Ин тропарь священномученика Харалампия, поемый на молебне
глас 2
Молитвами твоими ко Господу/ от зол, бед, напастей свободи/ верно к тебе прибегающих/ и сетей избави вражиих,/ велий страстотерпче Харалампие.
Ин тропарь священномученика Харалампия, поемый на молебне
глас 4. Подобен: Скоро предвари:
Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам.
Кондак священномученика Харалампия
глас 8
Подобствовав благодатию священства, славне,/ Церковь светло украсил еси Божественным страданием,/ еже за Христа приял еси доблественно, радуяся, Харалампие,/ честный светильниче всемирный, осияваяй концы,// яко непобедимый.
Кондак священномученика Харалампия, поемый на молебне
глас 6. Подобен: Предстательство христиан:
Яко мученик и исповедник цвет,/ двойным венцем Христос тя увенча,/ возвеличив безчисленными чудесы на земли,/ но яко благодать Господню являя нам, / верно к тебе прибегающим, / даруй мир, помозй в напастех и лютых бедах,/ святейший Харалампие.
Тропарь благоверной княгини Анны Новгородской
глас 1
От запада возсиявши, яко звезда небосветлая,/ прияти Православную веру сподобилася еси,/ в нейже плод благославный Русской земле принесши,/ святая благоверная княгине Анно,/ Христа всем сердцем возлюбила еси,/ Того оправдания и законы хранящи;/ темже днесь всесвятую твою память празднующе,/ грехов оставление молитвами твоими приемлем.
Кондак благоверной княгини Анны Новгородской
глас 4
Днесь в светлой памяти твоей/ Великий Новград веселится,/ созывая всех верных светло праздновати память твою,/ и мы ныне, духовно ликовствующе,/ радостно славим тя и молим:/ святая благоверная княгине Анно,/ предстоя Святей Троице/ моли избавити Великий Новград и всю землю Русскую/ от всяких бед и обстояний и всем нам спастися.
Православие.Ru
Поместные Церкви
English
Српска
Сщмч. 
