Тропари равноапостольным. Равноапостольный Кирилл, учитель Словенский..

Дни памяти:  Май 11,  Февраль 14

Святой равноапостольный Кирилл учитель Словенский

Величание

Величаем вас, /
святии равноапостольнии Мефодие и Кирилле, /
вся словенския страны ученьми своими просветившия /
и ко Христу приведшия.

Величание

Величаем вас, /
святии равноапостоли седмочисленнии, /
вся словенския страны ученьми своими просветивший /
и ко Христу приведший.

Тропарь Кириллу, учителю Словенскому

От пелен прилежно Премудрость сестру себе сотворив, Богогласе, /
пресветлую видев, яко девицу чисту, /
юже приемь, приведе, /
яко монисты златыми, сею украсив свою душу и ум, /
и обретеся яко другий Кирилл, блаженне, /
разумом и именем мудре.

Тропарь Кириллу и Мефодию, учителем Словенским

Яко апостолом единонравнии /
и словенских стран учителие, /
Кирилле и Мефодие богомудрии, /
Владыку всех молите /
вся языки словенския утвердити /
в православии и единомыслии, /
умирити мир и спасти души наша.

Тропарь Кириллу, Мефодию, Клименту, еп. Охридскому, Науму, Савве, Горазду и Ангеляру (Болг.)

Венцы хваления увенчаим седмочисленники славныя, /
Кирилла со Мефодием, Климента, Наума со Саввою /
и Горазда со Ангеларием, /
яко светила возсиявшия /
и Триединаго Бога нам благовестившия, /
столпы незыблемыя Церкве Болгарския /
и богодухновенныя поборники слова нашего, /
бесовское идолом поклонение упразднившия /
и Христу Богу молящияся, /
Церковь нашу утвердити /
и душам нашим даровати /
мир и велию милость.

[Жития] [Иконы] [Молитвы] [Храмы] [Святыни]