Тропари преподобным. Преподобный Никон, игумен Радонежский..

Дни памяти:  Июль 7,  Ноябрь 17

Никон прп.

Тропарь Никону, игумену Радонежскому, глас 1:

Послушания добрый рачитель быв, /
преподобне Никоне приснопамятне, /
Церковь бо прекрасну Святыя Троицы /
в похвалу отцу твоему воздвигл еси. /
Тем­ же и мы, чада твоя, любовию вопием ти: /
слава Давшему ти крепость, /
слава Вен­чавшему тя, /
слава Действующему тобою всем исцеления.

Тропарь Сергию и Никону, Радонежским, глас 8:

Яко трисветлаго солнца светозарныя звезды, /
Тройческим светом озаряете сердца верных, /
сосуды Света Пресвятыя Троицы явльшеся, /
и предивным вашим житием иноком бысте твердии законоположителие, /
и церквам благолепие, и благоверным, и святителем, и всем людем, /
вся бо демонския скверны отгнавше отсюду /
вашими чистыми учении и делы, /
добре упасосте стадо, собранное вами, /
но и ныне молим вас: посещайте чад своих, /
яко имущие дерзновение ко Святей Троице/
, Богомудре, Сергие с чудным учеником своим Никоном, /
и молите Христа Бога да спасет души наша.

[Жития] [Иконы] [Молитвы] [Храмы] [Святыни]