Преподобный Димитрий Прилуцкий, Вологодский. Молитвы

Дни памяти:  Июнь 3,  Февраль 11

Прп. Димитрий Прилуцкий

Тропарь Димитрию Прилуцкому, Вологодскому

Свыше от Бога, преподобне, /
благодать приял еси духовную, /
и от Него убо познался еси, блаженне, /
того ради и ты духом познал еси лучшая Его, /
будущаго века пребывание, /
и постнически испытався во своих обителех. /
И ныне со ангели ликовствуя, /
Спасу всех за ны молися, святе Димитрие, да вси вопием: /
Слава Давшему ти крепость, /
слава Венчавшему тя, /
слава Действующему тобою всем исцеления.

Тропарь Сретение образа прп. Димитрия

Возсия днесь, яко солнце, /
пречестный образ священнолепнаго твоего подобия, /
паче солнца лучами чудес твоих всех озаряя, /
тьму бесовскую без вести творя, /
егоже радостно сретаху, /
духовныя лики составльше, /
непрестанно вопием ти: /
Димитрие, отче наш, моли Спаса всех /
сохранити град твой и страну нашу, /
стаду твоему спасение подавая /
и велию милость.

[Жития] [Иконы] [Молитвы] [Храмы] [Святыни]