Святитель Феофан Затворник. Мысли на каждый день года
(Рим. 9, 18-33; Мф. 11, 2-15). "Царство Небесное силою берется, и употребляющие усилие восхищают его". Нудится Царствие, то есть с нуждою, с трудом, усилиями и тяжкими подвигами достигается; потому и достигает его только тот, кто ведет жизнь притрудную, подвижническую. Этим, на пути к Царствию, отрицается всякого рода утешность. Утехи всех сортов удаляют от Царствия, а у нас ныне только и забот что об утехах, изредка душевных, а больше плотских: есть, пить, веселиться, гулять и роскошествовать во всем. Царствию сказали: "прошу тебя, извини меня", хоть и в нем пир, и пир царский, какого и на ум никому не придет приготовить, да вкусы у нас не те. Что там сладким считается, то нам горько; что там приятно, то нам противно, что там веселит, то нас тяготит, - разошлись совсем. И Царствие с нуждницами , восхищающими его, отходит от нас. Мы и рады, даже готовы поскорее бы прогнать их и речи уже о том заводим, да лукавый все как то не ухитряется это уладить.
Молитвы
Тропарь преподобных Вассиана и Ионы
глас 8
Прежде отвержением мира,/ яко морскаго треволнения, избегосте, отцы преподобнии,/ послежде же, изволением Божиим,/ в водах морских кончину блаженную приясте/ и к неболезненному покою преставистеся от земли, радующеся./ Тем и по кончине от Христа Бога прославистеся чудесы обильно,/ теплии в бедах верным помощницы показастеся,/ и ныне на Небесех предстояще Престолу Христову,/ Вассиане преблаженне и Ионо преславне,/ молитеся присно о душах наших.
Кондак преподобных Вассиана и Ионы
глас 2
Яко сокровище богатно,/ верным Божественная благодать/ из морских недр издаде мощи ваша, отцы преблаженнии,/ и в месте пусте целы и невредимы обретошася преславно,/ и тако вас ради ныне славится Бог,/ Емуже со дерзновением предстояще ныне на Небесех,/ Вассиане и Ионо досточуднии,/ молитеся непрестанно о всех нас.
Тропарь священномученика Дорофея
глас 4
И нравом причастник,/ и престолом наместник, апостолом быв,/ деяние обрел еси, Богодохновенне,/ в видения восход;/ сего ради, слово истины исправляя,/ и веры ради пострадал еси даже до крове,/ священномучениче Дорофее,/ моли Христа Бога// спастися душам нашим.
Ин тропарь священномученика Дорофея, епископа Тирского
глас 5
Нищелюбием обогатився/ и милость воздержания источив,/ наслаждения Царствия Небеснаго сподобися,/ страдальчески беды приим по стаде своем,/ и апостолом обретеся ссельник,/ отче священномучениче Дорофее,/ моли Христа Бога/ спастися душам нашим.
Кондак священномученика Дорофея
глас 5
Добродетельми сияя, и Божественными учении паче солнца,/ и страдании, блаженнее, облистал еси,/ просветил еси землю, Дорофее, отгнав мглу многобожия и лютыя ереси.// Сего ради память твою светло празднуем.
Тропарь блаженного Игоря, великого князя Черниговского и Кмевского
глас 4
Наста днесь всечестная память страстотерпца благовернаго князя Игоря,/ созывающая люди в пречестный храм Спасов,/ идеже радостно сошедшеся благочестивых множество/ молитвенно празднуют святую память твою,/ и с верою взывают ти:/ молися, святе, стране Российстей, граду Чернигову и всем православным христианом/ в мире и благоденствии спастися.
Кондак блаженного Игоря, великого князя Черниговского и Кмевского
глас 6
Изменил еси земнаго княжения славу/ во иночества образ смиренный/ и страдальчески земное житие скончав,/ ныне на Небесех радуешися,/ усердие моляся/ о чтущих тя, Игоре, страдальцев похвало.
Тропарь святителя Константина, митр. Киевского и всея России
глас 4
Апостолов преемниче,/ архиереев сопрестольниче,/ России всея пастырю и учителю,/ всеблаженне отче Константине,/ Владыце всех молися/ мир пастве твоей даровати/ и спасение душам нашим и велию милость.
Кондак святителя Константина, митр. Киевского и всея России
глас 8
Звезду российскую,/ от Киева возсиявшую/ и Чернигов блаженною кончиною своею озарившую,/ всеблаженнаго святителя Константина почтим,/ просяще его молитися Христу,/ да подаст мир стране нашей/ и душам нашим велию милость.
Тропарь благоверного князя Феодора
глас 8
От благочестиваго корене отрасль благочестивая прозябл еси/ и, скончався в юности, лета долга твоими добродетельми исполнил еси,/ благоверный княже Феодоре,/ сего ради Владеющему временами молимся,/ да молитвами твоими подаст нам долготу лет// и низпослет стране нашей велию и богатую милость.
Кондак благоверного князя Феодора
глас 4
В благочестии рожденна,/ в страсе Божии воспитана,/ в житии целомудрие стяжавшаго,/ по успении же нетлением телесе просиявшаго,/ благовернаго князя Феодора во святых почитая,/ смиренно молимся Тебе, Всесильный Владыко,/ да и во веки прославляеши святыми Твоими// страны наша российския.
Православие.Ru
Поместные Церкви
English
Српска
Сщмч. 
